I TƐSALƆNIKA DIMA 2:12 - Mampruli

¹² Ti daa kpaam ya, ka kpamsi ya, ka zaali ya noori, ni, ya mari beesiseelli din kyɛ ka Naawunni nini tigra, dama u boonni ya ni, ni yan ni Ŋɔn ti la'am u naam puuni n‑nya u gyirima.

I TƐSALƆNIKA DIMA 2:12 Iomraidhean Croise

ROOM DIMA 8:28

Ti mi halli, ni, seelli kam zaa ni, Naawunni suŋŋni la ninvugseeba ban wuri u maa - di nyɛ la: baseeba ŋɔn Naawunni ŋɔn daa daŋŋi m‑pii maa, u yuubu la zugu.

ROOM DIMA 8:30

Ka Naawunni ŋɔn daa daŋŋi n‑zaali seeba lala maa, ban ka u daa yiisi; ka daa yiisi ba, n‑deaai ba, ni, yɛlimaŋni dima. Ka ŋɔn daa deaai ba lala maa, u daa laa n‑ti ba gyirima.

I KƆRINTI DIMA 1:9

Naawunni nyɛ la yɛdda daana, ka ŋɔna zugu ka ba daa booli ya, ni ya yi na n‑la'amni m‑bɛ u Bii Yisa Kirisita ti Dugma saani.

II KƆRINTI DIMA 4:6

Naawunni daa yɛli, ni, “Kyɛ ka neesim neaai zibsim ni!”: tɔ, ŋɔn Naawunni kyɛ ka u neesim neaai ti sufu ni gba, ni di ti ti ti bamsim zaŋŋi n‑kyaŋŋi Naawunni gyirima din bɛ Yisa Kirisita nindaa ni la.

GALƐSEAA DIMA 5:16

Man ŋɔn yɛtti seem nŋɔa#:- ya kyɛ ka Sii Kasi maa wulisiri ya ya beebu zaa soori, ka ya ku tum la ninsaala kɔribeeri boorimma tuma.

ƐFƐSUSI DIMA 4:1

Man bɛ sarika ni ti Dugma yɛla zugu, ka n bɛlimni ya ni, ni, ya mari beesiseaa din sumsi ya, dama ŋɔn Naawunni booli ya u saani na.

ƐFƐSUSI DIMA 5:2

Ya kyɛ ka ya beesigu zaa kur nyɛ la wurilim, hoo Kirisita ŋɔn daa wuri ti ka zaŋŋi u maŋŋa m‑maali n‑tisi Naawunni, nti kyɛ ka ŋɔn Naawunni daa wum u sara wa nya'asim.

ƐFƐSUSI DIMA 5:8

Dama ya daa bɛ la zibsim ni saha din gaari la, amaa pampaŋŋɔ ya yi bɛ la ti Dugma neesim ni. Ya kyɛ ka ya beesigu nyɛ la neesim dima dinni.

FILIPAAI DIMA 1:27

Yɛttɔ'a seelikam zaa yɔri, ya na kpalimma m‑bɛ beesisuŋŋu din sumsi Kirisita lahabasuŋŋu niriba la. Di yi bɛ lala, man yi kyɛ ya saani na n‑nya yan bɛ seem, bee, n na bɛ wa'aligu ka kur wumni ya damni, di zaa nyɛ la yimmu. Dama n nin baŋŋi, ni, ya la'amni m‑bari n‑zaani Sii maa nangbanyinni ni, n‑tumni lahabasuŋŋu yɛdda tuma ni nimbirimoaa.

KƆLOOSIDIMA 1:10

Ni, lala nin kyɛ ka ya bɛ beesisuŋŋu din sumsi ti Dugma niriba, ka kyɛnni tooni n‑wanni wala - di nyɛ la: yan tumni tunsuma zaa ka ya Naawunni bamsim gba zoaari sahakam.

KƆLOOSIDIMA 2:6

Yan daa sakki n‑ti Kirisita Yisa, ni, u nyɛ la ya Dugma la - dinŋɔna, ya kyɛ ka ya dɔli u soori maa.

I TƐSALƆNIKA DIMA 4:1

Ti mabiisi, din paasi nyɛ la: ya teaama din sum ni ya bɛ seem n‑tigi Naawunni nini. Ya pun bamsi lala ti saani, halli lala ka ya daa kur niŋna; ka ti susiri ya ka kpaamni ya ti Dugma Yisa yuuri zugu, ni, ya kur niŋma lala m‑paasira.

I TƐSALƆNIKA DIMA 4:12

Ya yi niŋni dinŋɔa, lala nin kyɛ ka ban bɛ kpaŋŋa nin ti ya gyirima, ka ya mun ku pɔsigi bunseelli kam.

I TƐSALƆNIKA DIMA 5:24

Ŋɔn booli ya maa nyɛ la ŋɔn nin niŋi di, dama yɛdda daana n nyɛ u, ka zɛ yummu.

II TƐSALƆNIKA DIMA 1:10

Ti Dugma Yisa nin labi na di daari maa, nti nya gyirima u niriba saani, ni tibgri ban pun niŋi u yɛdda saani. Ya gba nin ti bɛ niriba wa sunsukkuni, yan daa deaai lahabaseelli tin daa tɔ'asi n‑ti ya la zugu.

II TIMƆTI 1:9

Ŋɔn Naawunni n daa tuligi ti ka booli ti, ni di kyɛ ka ti bɛ kasi. Di pa la ti tunsuma zugu, amaa di nyɛ la u mammaŋŋa ŋɔn daa pun gbaai seem: dama u daa daŋŋi n‑yiisi u bunsuma, ni u ya n‑zaŋŋi n‑ti ti Kirisita Yisa zugu pɔi, ka sahaseelli din daa pun gaari la daa na bu piili.

I PIITA 2:9

Yarima gba ka ba daa sɔbi ya yɛla, ni, ‘zuliyaseaa ban yiisi maa, naam gyeeŋŋu toondaandima, Naawunni niriba butiri, ban daa yiisi ninvugseeba n‑zaali kpaŋŋa n‑ti Naawunni ni ba ti mooli Naawunni gyirima yɛla’ - dama ŋɔn Naawunni daa booli ya n‑yiisi ya zibsim ni, ni ya ti kpɛ u alahazibu neesim ni la.

I PIITA 3:9

Yan di zaŋŋi beeri n‑yɔ beeri, bee, tuuri n‑labsi tuuri; amaa kyɛ ka ya labsigu nyɛ la: ya susi bunsuma n‑tiri ba. Dama dinŋɔ zugu ka ba daa booli ya, ni ya ti di Naawunni bunsuma maa faari.

I PIITA 5:10

Ka ya yi sakki n‑namsi beela, ti Dugma Naawunni nin mari ya suŋŋa n‑ti ya yaa, ka seelli ku daam ya. Ŋɔn Naawunni n nyɛ sɔ ŋɔn tiri piinisuma zaa maa, ka u daa booli ya ni ya laa n‑di u nya'asim din ku naai, Yisa Kirisita zugu.

II PIITA 1:3

Ŋɔn Naawunni yiiko tiri ti tin boori seelli zaa zaŋŋi n‑kyaŋŋi ti beesigu ni ti gyeeŋŋu yɛla. Dama ti baŋŋi u, ni, u booli ti ni ti ti paai u maŋtoori gyirima ni u veelim saani na.

I GYƆNI 2:6

Ŋɔnkam yɛnni, ni, u la'am m‑bɛ la Yisa saani, di sumni ni di daama bɛ la hoo Yisa ŋɔn daa bɛ seem la.

III GYƆNI 1:6

Ba daa pun tɔ'asi i wurilim yɛla n‑wulisi n‑ti ti kpa wa mabiisi maa. Kur kpaŋŋma i maŋŋa n‑suŋŋi ba ba kyɛnni maa ni, hoo Naawunni ŋɔn boori seem.