I TƐSALƆNIKA DIMA 2:1 - Mampruli

¹ Ti mabiisi, ya mammaŋŋa mi tin daa kyɛ ya saani na seem la, ni, di daa pa la din kpalim yɔri.

I TƐSALƆNIKA DIMA 2:1 Iomraidhean Croise

I KƆRINTI DIMA 15:10

Amaa Naawunni piini zugu kyɛ ka m bɛ la man bɛ seem; ka lala piini maa bu basi yɔri, dama n daa tum tuma n‑gaari ba zaa - halli di pa la mani n‑tumna, amaa Naawunni piini ŋɔn mari ma n‑tumna.

I KƆRINTI DIMA 15:2

Halli lala lahabasuŋŋu zugu ka ya nya tuliginsim, ya yi kpalim n‑dɔla wulisiseaa man daa mooli n‑ti ya la suŋŋa. Di yi pa lala, ya yɛdda bɛ la yɔri.

I KƆRINTI DIMA 15:58

Lala zugu, m mabiwutta, see ka ya bɛ yummu deede; yan di bɛ kpa, ka bɛ kpa. Ya zaŋŋma ya mansi zaa n‑ti ti Dugma tuma maa sahakam, dama ya mi halli, ni, ya yi tumni pam n‑tiri ti Dugma, ya bu tumni la yɔri.

II KƆRINTI DIMA 6:1

Naawunni tuntuntaaba n nyɛ ti, ka Naawunni pun zaŋŋi u piini n‑ti ti, halli ka ti bu sumsi lala; tɔ, ka di zugu ti kpamsiri ya, ni, yan di kyɛ ka Naawunni piini wa basi yɔri.

GALƐSEAA DIMA 2:2

Din daa kyɛ ka n kyaŋŋi daa nyɛ la Naawunni ŋɔn daa kasigi n‑ti ma, ni, n kyɛma. N daa zaŋŋi n lahabasuŋŋu maa yɛla n‑wulisi ba, Naawunni lahabasunseaa man daa moonni n‑tiri ninvugseeba ban pa Yɛhudiyadima la. N daa wulisi lala lahabaari m mammaŋŋa, n‑ti baseeba ban daa nyɛ ninvugtibsa la'aŋŋu dima puuni la kɔkɔa, dama n daa bu boori man daa pun tum tunseesi la, bee, man daa na tumni tunseesi maa, daa yi leebi tunyɔya.

GALƐSEAA DIMA 4:11

Di mugsi ma pam ya zugu! Ni, ammi, di pa seem man ŋɔn daa tum tunseesi zaa n‑ti ya maa basi la yɔri?

FILIPAAI DIMA 2:16

Ya nin ŋmani lala, yan zaŋŋni nyɔvuri lahabaari n‑tiri ba sahanseaa la. Ya yi niŋi lala, n sufu nin mari yaa Kirisita Dabsiri maa daari, dama din nin ti wulisi, ni, n kpaŋmaŋni ni n tuma maa zaa daa pa yɔri.

I TƐSALƆNIKA DIMA 2:13

Dinŋɔ zugu ka ti pɛ'ari Naawunni saha kam. Tin daa zaŋŋi Naawunni yɛligu na n‑ti ya la, ya daa deaai yɛligu maa. Ya daa bu deaai ka hoo ninsaala yɛligu, amaa hoo Naawunni dinni; ka di siri nyɛ la lala, ka kur tumni ka tuma ya saani - yarima ban nyɛ yɛddaniŋniba wa.

I TƐSALƆNIKA DIMA 3:5

Dinzugu man daa nya ka n ku toaai n‑laa n‑guusi m‑paasi zugu ka n daa tum Timɔti ya saani na, ni di kyɛ ka n baŋŋi ya yɛdda ŋɔn nyɛ seem. Dama n kur teesiri, ni, di pa seem ka Sintaani nya sɔseaa ni u ti yɔmsi ya, ka lala zugu nin kyɛ ka ti tuma la kpalim yɔri.

II TƐSALƆNIKA DIMA 1:10

Ti Dugma Yisa nin labi na di daari maa, nti nya gyirima u niriba saani, ni tibgri ban pun niŋi u yɛdda saani. Ya gba nin ti bɛ niriba wa sunsukkuni, yan daa deaai lahabaseelli tin daa tɔ'asi n‑ti ya la zugu.

II TƐSALƆNIKA DIMA 3:1

Ti mabiisi, din kpalim nyɛ la nŋɔa: ya susim Naawunni n‑ti ti, ka lala nin kyɛ ka ti Dugma yɛligu moonni n‑kyɛnni tooni yooma, ka ba deaai di ni gyirima, hoo yarima ŋɔn daa deaai seem la.