I TƐSALƆNIKA DIMA 1:9 - Mampruli

⁹ Dama niriba maa zaa pun mi ka tɔ'asiri tin daa kyɛ ya saani na ka ya deaai ti suŋŋa seem, ni, yan daa ŋmaligi n‑kyaŋŋi Naawunni saani ka kyɛ buga, ni ya ti gyeem Naawummaŋni ŋɔn nyɛ Nyɔvuri Daana wa.

I TƐSALƆNIKA DIMA 1:9 Iomraidhean Croise

MATIYU 16:16

Ka Saimoon Piita daa labsiya, ni, “I nyɛ la Masiiya Kirisita, sɔ Naawunni ŋɔn tumni na nti tiligi ti: Naawunni ŋɔn nyɛ Nyɔvuri Daana Bii n nyɛ i.”

TUUMUDIMA TUMA 14:15

n‑yɛli, “Zama! Bɔ zugu ka ya lee n‑niŋni lala? Tirima gba nyɛ la ninsaalidima hoo yan nyɛ seem wa! Halli dinŋɔ zugu n daa kyɛ ka ti kyɛ na m‑moonni Naawunni lahabasuŋŋu maa n‑tiri ya, ni ya ti kyɛ bunkyɔ'ama wa gyeeŋŋu ka labi na n‑tabli Naawunni Nyɔvuri Daana saani. Ŋɔna n daa naam arizana ni duniya wa ni teeku zaa, m‑paasi bunseelli kam din bɛ a ni.

ROOM DIMA 9:26

Ka ya'aseaa ban daa yɛli ba, Ni, ‘Ya pa la n niriba.’ la, Bɛni ka ba nin boonni ba, Ni, ‘Naawunni Nyɔvuri Daana biisi’. ”

I KƆRINTI DIMA 12:2

Ya mi halli, ni, yan daa na bu niŋi tuuba la, ba daa yɔmsi ya ka ya dɔli ba'a an bu nyaŋŋi n‑tɔ'asira.

I TƐSALƆNIKA DIMA 2:1

Ti mabiisi, ya mammaŋŋa mi tin daa kyɛ ya saani na seem la, ni, di daa pa la din kpalim yɔri.

I TƐSALƆNIKA DIMA 2:13

Dinŋɔ zugu ka ti pɛ'ari Naawunni saha kam. Tin daa zaŋŋi Naawunni yɛligu na n‑ti ya la, ya daa deaai yɛligu maa. Ya daa bu deaai ka hoo ninsaala yɛligu, amaa hoo Naawunni dinni; ka di siri nyɛ la lala, ka kur tumni ka tuma ya saani - yarima ban nyɛ yɛddaniŋniba wa.

I TIMƆTI 4:10

Dinŋɔa zugu ka ti diri wahala ka tumni ni ti yaa tɔriga, dama ti zaŋŋi ti tama zaa n‑niŋi Naawunni Nyɔvuri Daana wa ni. Ŋɔn Naawunni n nyɛ sɔkam zaa tuligra, halli ni u tuligri ninvugseeba ban niŋi u yɛdda la zaa, halli nti yakki.

HIBRUU DIMA 12:22

Amaa yarima ŋɔn paai zɔseelli na nyɛ la Zayɔn zoori; ya paai la Naawunni ŋɔn nyɛ Nyɔvuri Daana la tiŋŋa na - di nyɛ la arizana ni Gyɛrusalɛm la; ya paai la malaakadima maa saani ka ba tusatusa la'amni la taaba ni sufupeelim pam;

I GYƆNI 5:21

Tɔ, ka dinŋɔna, m biisi, ya mari ya mansi ka di gyeem ba'a bee buga.

KASIGRI 17:2

Ni, ŋɔna n nyɛ sɔ duniya nadima zaa ŋɔn daa doontiri u saani la, ka duniya zaa daa bugi u pɔ'agootiri maa zugu hoo ban nyuuri daam m‑bugi seem maa.