I TƐSALƆNIKA DIMA 1:6 - Mampruli

⁶ Ka ya daa kyɛ ka ya beesigu ŋmanni la hoo ti dinni - hoo ti Dugma beesigu ŋɔn bɛ seem maa. Halli ni yan daa di wahala pam maa zaa yɔri, ya daa deaai yɛligu la ni sufupeeliseaa din yiiri Vuusim Kasi saani na.

I TƐSALƆNIKA DIMA 1:6 Iomraidhean Croise

MATIYU 16:24

Tɔ; ka Yisa daa yɛli u nyaandɔliba maa zaa, ni, “Ŋɔnkam boori u kyɛ n saani na, see ka u za'asi u mammaŋŋa, ka kpikki u kum dɔpulli n‑dɔli ma.

GYƆNI 8:12

Yisa daa laa n‑tɔ'asi n‑ti niriba maa yaasa, ni, “Mani n nyɛ duniya wa neesim. Ŋɔn kam zaa dɔli ma nin ti nya nyɔvuri neesim, ka ku laa m‑bɛ zibsim puuni n‑kyɛnna.”

TUUMUDIMA TUMA 13:52

Ka ninvugseeba ban daa deaai lahabasuŋŋu maa ka niŋi yɛdda la daa mari sufupeelli, ka Naawunni Sii Kasi daa bɛ ba saani.

TUUMUDIMA TUMA 5:41

Ba mun daa yi la'aŋŋu maa ni ni sufumaasim, dama ba daa sumsi ni ba diisi ba vi Yisa yuuri maa zugu.

TUUMUDIMA TUMA 9:31

Tɔ; di saha ka Yisa niriba daa laa n‑ka daaŋŋu Gyuudii tingbaŋŋu zaa ni, halli Samɛrii tingbaŋŋu ni Galilii gba ba daa bu nya yɛttɔ'aseaa. Ba daa nɔbri ni, n‑tumni ti Dugma ŋɔn boori seem, ka bɛ ni Naawunni Sii Kasi sufukpeemni zugu.

ROOM DIMA 15:13

Naawunni siri su tama yɛla, ka n susiri u, ni, u kyɛ ka sufumaasim ni sufudoaa ti paali ya sufu, yan niŋni yɛdda maa zugu. Ka Sii Kasi la yiiko nin kyɛ ka ya mari tama pam halli nti yakki.

I KƆRINTI DIMA 11:1

Ya dɔli n soori maa, hoo man gba dɔli Kirisita Masiiya soori seem la.

I KƆRINTI DIMA 11:2

Tɔ: ka m pɛ'ari ya, dama ya teaari n yɛla sahakam ka kpalim n‑dɔli wulisigu maa zaa, hoo man daa zaali ya seem la.

I KƆRINTI DIMA 4:16

Lala zugu ka n susiri ya, ni, ya dɔli n beesigu soori.

II KƆRINTI DIMA 6:10

Halli ti bɛ la sufusa'aŋŋu ni, amaa ka mari sufupeelli sahakam; ti bɛ la fara ni, amaa ka kyɛ ka daadam pam leebi la bundaandima; ti ka seela, amaa ka mari bunseelikam.

II KƆRINTI DIMA 8:5

Ba mun daa bu niŋi tin daa teesi seem la, amaa ba daa daŋŋi n‑zaŋŋi ba mansi n‑ti la Naawunni, ka naayi ti ti gba, Naawunni yuubu zugu.

GALƐSEAA DIMA 5:22

Amaa Siiya Kasi beebu ni bɛ la hoo tiseaa kan wanni walisuma: wurilim, ni sufupeelim, ni sufudoaa n‑nyɛ a, m‑paasi sugru, ni nirilim, ni tunsuma tumpu, ni yɛdda niŋbu.

ƐFƐSUSI DIMA 5:1

Dizugu ya kyɛ ka ya beebu ma'asiri la Naawunni ŋɔn bɛ seem la, dama u wuri ya hoo u biisi, ka biwuttigu kam ma'asiri la u ba.

FILIPAAI DIMA 3:17

Ka dinŋɔna ya la'am n‑dɔli beesisuŋŋu sɔseaa man ŋɔn pun wulisi ya la, ka laa n‑gɔsiri ninvugseeba ban dɔli lala taabu soori maa.

II TƐSALƆNIKA DIMA 1:4

Dinzugu ti kur nyuuri la bara n‑yɛtti Naawunni niriba zaa n‑wulisiri ba yan zɛ yummu seem, ni ya yɛdda niŋbu yɛla, halli ni ya nyari namsigu ka diri wahala zaa.

II TƐSALƆNIKA DIMA 3:7

Ya mammaŋŋa mi, ni, di sum ni ya niŋi hoo tin daa niŋi seem la. Ti daa pa gbinnya'a dima, tin daa bɛ ya saani sahanseaa la.

II TƐSALƆNIKA DIMA 3:9

Pa la ti daa ka la soori ni ti deaai suŋŋsim ya saani zugu ka ti daa tumni lala maa, amaa ti daa niŋi lala ni ya nya, ka dɔli ti soori maa.

II TIMƆTI 4:2

Moolima Naawunni yɛligu; kur yirigma di yɛla sahasuŋŋu, halli ni sahaseaa din pa sahasuŋŋu gba. Sɛ'asim niriba, kpaasim ba zugri ni; kpaamni niriba suŋŋa; kur dim sugru n‑wulisiri n‑wulisiri ba.

HIBRUU DIMA 10:34

Ya daa teesi dansarika dima yɛla n‑suŋŋi ba; halli niriba ban daa fa ya marigu zaa gba, di daa bu niŋi ya sufusa'aŋŋu; dama ya daa mi, ni, ya mari seelli din gaari lala ka mun ka naari.

I PIITA 1:6

Di sumni ni ya mari sufupeelli di zugu, halli ni ya yi na kpalim n‑nyari namsigu ni wahala beela - ay! di bu ya yuui.

I PIITA 1:8

Ya na bu nya u, ka wuri u; halli ni yan bu nyari u zaa yɔri ya niŋi u yɛdda, ka nyari sufupeelli pam ni sufumaasim zaa.

I PIITA 3:13

Ya nini yi moaai tunsuma tumpu ni, ŋɔni nin daam ya?

III GYƆNI 1:11

N zɔsuŋŋu, di dɔli ban tumni din bu dɔli soori nyaaŋŋa. Ay! - see ka i dɔli ban tumni din tuusi soori maa. Dama ŋɔnkam tumni din tuusi yi la Naawunni saani na, ŋɔn mun tumni din bu tuusi maa na zi n‑nya Naawunni.