I TƐSALƆNIKA DIMA 1:5 - Mampruli

⁵ Dama lahabasuŋŋu wa'azu seaa tin daa yiisi n‑ti ya la daa pa la yɛttɔ'a kɔkɔa, amaa di daa nyɛ la yiiko ni. Naawunni Sii Kasi siri daa bɛ di ni, nti kyɛ ka ya niŋi di yɛdda zaa. Ya pun mi tin daa bɛ seem ya saani; ka laa m‑mi, ni, ya suŋŋsim zugu ka ti daa bɛ lala.

I TƐSALƆNIKA DIMA 1:5 Iomraidhean Croise

MAAKI 16:20

U nyaandɔliba mun daa yi n‑kyaŋŋi ya'ari kam zaa nti mooli lahabaari maa. Ka ti Dugma daa bɛ ba saani n‑tumna, ka u daa wulisi, ni, ba yɛlisim nyɛ la yɛlimaŋni, u tunkara seesi an daa dɔli ba maa zugu. Ammi.]]

LUUKI 1:1

M Ba Tiyɔfiluusi#:- Niriba pam daa kpaŋŋi ba mansi n‑sɔbi lahabaari zaŋŋi n‑kyaŋŋi din daa niŋi ti saani.

TUUMUDIMA TUMA 11:21

Ka Naawunni nuu daa bɛ ba saani, ka niriba pam daa niŋi yɛdda ka takki ba beebu n‑deaai ti Dugma maa.

TUUMUDIMA TUMA 16:14

Ka pɔ'asɔ daa bɛ bɛni ka u yuuri boonni Liidiya. U daa yi la Tayatayira tiŋŋa ni na, ka daa koosiri kyinkyinsuma an ligri daa zoaai. Pa Yɛhudiyapɔ'a n daa nyɛ u, amaa u daa dɔli Yɛhudiyadima soori n‑gyeemni Naawunni. Naawunni daa kyɛ ka u nini neaai, ka u daa wum Pɔla yɛttɔ'a maa ka sakki.

TUUMUDIMA TUMA 2:33

Ka u naayi doaai n‑du saazugu n‑zi u zizii kan bɛ Naawunni nudirigu maa ni: n‑ziya, ka niŋi ŋɔn daa pun tisi noori ni u nin niŋi seem la, ka daa deaai Vuusim Kasi maa u Ba saani ka tum u ti saani na. Ka yan nyari ka wumni seelli wa zaa yi la ŋɔn Vuusim saani na.

ROOM DIMA 1:16

Vi bu mari ma lahabasuŋŋu wa zugu: dama lahabasuŋŋu maa nyɛ la Naawunni yiiko din kyɛ ka sɔkam zaa ŋɔn niŋi yɛdda la ti nya tuliginsim; Izraɛli dima daŋŋni la tooni, ka ban pa Izraɛli dima naayi pa.

ROOM DIMA 15:13

Naawunni siri su tama yɛla, ka n susiri u, ni, u kyɛ ka sufumaasim ni sufudoaa ti paali ya sufu, yan niŋni yɛdda maa zugu. Ka Sii Kasi la yiiko nin kyɛ ka ya mari tama pam halli nti yakki.

ROOM DIMA 2:16

Tɔ: anŋɔ zaa nin niŋi la dabsiri seaa Naawunni ŋɔn ya kari saalidima yɛlisɔ'ara sariya la, ka di yi Kirisita Yisa saani na. Lala ka man kur wulisiri niriba, n lahabasuŋŋu mooligu maa ni.

I KƆRINTI DIMA 1:24

Amaa Naawunni ŋɔn booli seeba la ŋɔna, u siri nyɛ la Masiiya n‑ti ba, ka laa n‑nyɛ Naawunni yɛm ni u yiiko gba - halli ba yi nyɛ Yɛhudiya dima, ni Griika dima zaa.

I KƆRINTI DIMA 10:33

Lala ka man moora, ni n kyɛ ka sɔkam sufu maai n yɛla zugu. M bu boori m mammaŋŋa anfaani yɛla, see din mari anfaani n‑tiri sɔkam - di nyɛ la: ni, ba nya tuliginsim.

I KƆRINTI DIMA 3:16

Ya bu baŋŋi, ni, yarima n nyɛ Naawunni Gyeeŋŋu Duu, bee? Halli Naawunni Siiya bɛ ya ni gba.

I KƆRINTI DIMA 3:6

Zaŋŋi n‑kyaŋŋi ya yɛdda yɛla, mani n daa buri bumbura la, ka Apɔloosi mun daa yɔ'ai bumbula la koom, amaa Naawunni yiiko zugu ka a zoaai na n‑niŋna.

I KƆRINTI DIMA 4:20

Dama Naawunni naam pa la yɛttɔ'a kɔkɔa, amaa yiiko ni gba.

I KƆRINTI DIMA 9:14

Lala taabu ka ti Dugma zaali, ni, ban tumni u lahabasuŋŋu tuma maa nin nya lala tuma maa yoori.

II KƆRINTI DIMA 3:6

Ŋɔn Naawunni n kyɛ ka ti sa'ai ni ti tum u nangbanyinni zaaligu sɔpaalli tuma wa. Ka ka pa la sɔseaa kan dɔli sɔppu la, amaa Sii maa soori n nyɛ ka. Sɔppu zaaligu soori mari la kum, amaa Sii maa soori tisiri la nyɔvuri.

GALƐSEAA DIMA 2:2

Din daa kyɛ ka n kyaŋŋi daa nyɛ la Naawunni ŋɔn daa kasigi n‑ti ma, ni, n kyɛma. N daa zaŋŋi n lahabasuŋŋu maa yɛla n‑wulisi ba, Naawunni lahabasunseaa man daa moonni n‑tiri ninvugseeba ban pa Yɛhudiyadima la. N daa wulisi lala lahabaari m mammaŋŋa, n‑ti baseeba ban daa nyɛ ninvugtibsa la'aŋŋu dima puuni la kɔkɔa, dama n daa bu boori man daa pun tum tunseesi la, bee, man daa na tumni tunseesi maa, daa yi leebi tunyɔya.

GALƐSEAA DIMA 5:5

Amaa tirim ŋɔna, ti mari tama, ni, Naawunni nin yiisi ti taalli u saani; dinŋɔ ka ti guusira ti yɛdda niŋbu zugu, Naawunni Vuusim Kasi la puuni.

ƐFƐSUSI DIMA 2:10

Dama Naawunni nuusi tuma n nyɛ ti, ka u maali ti la Kirisita Yisa saani. U maali ti, ni ti tumni la tunsuma - tunseesi Naawunni ŋɔn pun daŋŋi n‑zaali ni ti ti tumni maa.

ƐFƐSUSI DIMA 3:20

Tɔ: ka dinŋɔna Naawunni mari yiiko din nin toaai n‑tumni n‑gaari tin susi seem, bee, tin teesi seem maa zaa, ka u lala yiiko m bɛ ti ni n‑tumna.

FILIPAAI DIMA 2:13

Dama Naawunni kur kpalim m‑bɛ ya saani, ka ŋɔn la'amni n‑tumna, ni ya ti sakki ŋɔn boori seem ka laa n‑nyaŋŋi n‑tum.

FILIPAAI DIMA 4:9

Ya zaŋŋma man wulisi ya seem maa n‑tumni lala, ka dɔli yan nya ka wum zaŋŋi n‑kyaŋŋi n tuma soori la. Ka Naawunni nin bɛ ya saani, ka ŋɔn mun nyɛ ŋɔn tisiri sufumaasim maa.

KƆLOOSIDIMA 2:2

N tumni lala ni di ti kyɛ ka ba sufu ti kpamsi, ka ba mari la nangbanyinni ni wurilim ni taaba. Lala ka ba nin ti baŋŋi Naawunni bunsuma zaa, birisigu ka ni, halli nti baŋŋi Naawunni yɛlisɔ'ara maa gbinni - din nyɛ Kirisita la.

I TƐSALƆNIKA DIMA 2:13

Dinŋɔ zugu ka ti pɛ'ari Naawunni saha kam. Tin daa zaŋŋi Naawunni yɛligu na n‑ti ya la, ya daa deaai yɛligu maa. Ya daa bu deaai ka hoo ninsaala yɛligu, amaa hoo Naawunni dinni; ka di siri nyɛ la lala, ka kur tumni ka tuma ya saani - yarima ban nyɛ yɛddaniŋniba wa.

II TƐSALƆNIKA DIMA 2:14

U daa kyɛ ka ti wulisi ya u lahabasuŋŋu, ka lala ka u daa booli ya ni ya ti nya lala tuliginsim; ni yan ni ti Dugma Yisa Kirisita nin ti la'am n‑nya gyirima.

II TIMƆTI 2:10

Dizugu ka n niŋni sugru, wahala yɛla zaa puuni. N niŋni lala ni n ti suŋŋi ninvugseeba Naawunni ŋɔn daa gamsi la, ni di kyɛ ka ba gba nin toaai n‑nya tuliginsim din bɛ Kirisita Yisa saani, ka mari gyirima din ku naai la.

II TIMƆTI 2:8

Teaama Yisa Masiiya yɛla#:- ni, u daa yi NaaDauda za'anɔri ni na, ka daa kpi n‑neaai kum ni. Lala ka n daa wulisi n‑ti i, n lahabasuŋŋu mooligu la yɛla ni.

HIBRUU DIMA 10:22

Dizugu, ya kyɛ ka ti pɔri na n‑kpɛ Naawunni saani. Ti yi ya kpɛa, see ka ti sufu zɛ yummu, ka ti niŋi yɛdda ni yɛlimaŋni. Ya kyɛ ka ti sufu nyɛ sufuveela an bu galimni ti, dama ba pun zaŋŋi kɔsuŋŋu n‑su ti ningbina zaa, ka di ŋmani la hoo ban zaŋŋi ziim n‑niŋi ti, kaman zaalikurigu da'ari peaari soori ŋɔn daa nyɛ seem la.

HIBRUU DIMA 6:11

Ti boori ni ya zaa yinniyinni nin kpalim n‑tumni pupeelim tuma lala ni nimbirimoaa, ka laa m‑baŋŋi tamaseaa tin mara, ka niŋi yɛdda zaŋŋi n‑wa saha naari.

I PIITA 1:12

Amaa di daa kasigi n‑ti ba, ni, ba bu tumni n‑tiri la ba mansi, amaa ba tumni n‑tiri la yarima. Lala zugu, pampaŋŋɔ saha wa ka ba tum Sii Kasi ka u yi arizana n‑sigi na ni u ti wulisi lahabasuŋŋu n‑ti ya - alahazibu seesi malaakadima ŋɔn guusiri ni ba nya maa.

I PIITA 1:3

Kyɛ ka ti pɛ'ai Naawunni, ŋɔn nyɛ ti Dugma Yisa Kirisita Ba la, u namboo la zugu. Ŋɔn daa yisigi Yisa Kirisita kum ni la zugu, u daa yiisi nyɔvuri paalli na n‑ti ti. Ka lala zugu ti mari tama, ni, ti ti nya beesigu paalli ti kum nyaaŋŋa.

I PIITA 5:3

Yan di leebi ban diisi ya mansi nadima n‑su ba fukumsi, amaa ya kyɛ ka ya beebu maa nyɛ bunveelli, ka ba nin nya ka dɔla.

II PIITA 1:10

Lala zugu, m mabiisi, ya kpaŋŋma ya mansi sahakam zaa n‑sakkri ti Dugma Naawunni booligu, dama ŋɔna n yiisi ya. Ya kyɛ ka u yɛla zɛ suŋŋa ya saani. Ya yi niŋi lala ya ku laa n‑labi nyaaŋŋa.

II PIITA 1:19

Lala ka ti nin toaai m‑paasi ti yɛdda niŋbu zaŋŋi n‑kyaŋŋi anabidima yɛttɔ'a maa yɛlimaŋni la. Dizugu ya nin kpaŋŋi ya mansi ka wum n‑ti ba yɛla - hoo yan yi nya neesim ŋɔn yi neaai zibsim ni seem la, halli ka beoo ti neaai ka bɛŋmariga maa ŋɔn ya pusi n‑neaari ya sufu ni la.