I TƐSALƆNIKA DIMA 1:4 - Mampruli

⁴ Ti mabiisi, Naawunni n wuri ya pam. Ti mi, ni, ya nyɛ la Naawunni ŋɔn yiisi seeba n‑niŋi u mammaŋŋa niriba.

I TƐSALƆNIKA DIMA 1:4 Iomraidhean Croise

ROOM DIMA 1:7

Tɔ: yarima ka n sɔbri gbaŋŋu wa n‑tiri ya, ya zaa ban bɛ Room tiŋŋa ka Naawunni wuri ya ka booli ya nti kyɛ ka ya leebi u niriba maa. Ti Ba Naawunni, ni ti Dugma Yisa Kirisita, tim ya bunsuma ni alaafɛ zaa.

ROOM DIMA 9:25

Hoo din sɔbi Hɔseaa bukku maa ni, ni#:- “Ban daa pa n niriba la, N nin booli ba n niriba. Man daa bu wuri sɔ la, N nin booli u, ni, n wurilim nira.

ƐFƐSUSI DIMA 1:4

U daa yiisi ti ni, n‑niŋi ti u maŋtoori dina pɔi, ka naayi naam duniya wa. U daa yiisi ti lala, ni ti ti leebi u dina, m‑bɛ kasi, ka laa n‑ka taalli u saani. U wurilim zugu

KƆLOOSIDIMA 3:12

Naawunni siri yiisi ya, ni ya ti leebi u maŋŋa niriba; ka laa n‑wuri ya. Ka lala zugu ya nin zaŋŋi beesipaalli wa kpariveelli n‑yɛa - di nyɛ la: nambɔzoaa ni kuŋŋa, nirilim, mansigsigu, mangbaari ni sugru.

I TƐSALƆNIKA DIMA 1:3

Ti Ba Naawunni tooni ka ti teaari ya yɛla sahakam, zaŋŋi n‑kyaŋŋi ya yɛdda niŋbu la yɛla, ni ya wurilim tuma nimmoosi yɛla, ni yan mari tama seem n‑zɛ yummu n‑tiri ti Dugma Yisa Masiiya.

II TƐSALƆNIKA DIMA 2:13

Amaa tirima muna - di kpa la talasi ni ti pɛ'ai Naawunni ya zugu, yaseeba ban nyɛ ti mabiisi. Ka ti Dugma wuri ya, dama piiligu ni ka u daa pun yiisi ya, ni ya ti nya tuliginsim Naawunni Sii Kasi tuma puuni, ni yan niŋi yɛlimaŋni maa yɛdda zugu.

I PIITA 1:2

Yarima ka Naawunni ti Ba daa pun baŋŋi ya yɛla, ka yiisi ya, n‑kyɛ ka ya leebi u dinni, m‑bɛ kasi u Sii Kasi zugu la, ni ya sakki n‑ti Yisa Kirisita, ka u ziim zugu ka ya nin niŋi kasi. M puusiri ya zaa suŋŋa, ni, Naawunni ti ya alaafɛ ni sufudoaa zaa.

II PIITA 1:10

Lala zugu, m mabiisi, ya kpaŋŋma ya mansi sahakam zaa n‑sakkri ti Dugma Naawunni booligu, dama ŋɔna n yiisi ya. Ya kyɛ ka u yɛla zɛ suŋŋa ya saani. Ya yi niŋi lala ya ku laa n‑labi nyaaŋŋa.