I TƐSALƆNIKA DIMA 1:10 - Mampruli

¹⁰ Ni, ya laa n‑kpalim n‑guusiri ŋɔn Naawunni Bii la kyɛnni na, ni, u nin ti yi arizana ni sahanseaa n‑labi na. Lala Bii maa nyɛ Yisa, Naawunni ŋɔn daa neaai sɔ kum ni. U nyɛ la ŋɔn fa ti n‑yiisi Naawunni sufuyisigri kan ya n‑kyɛ na la ni m‑basi.

I TƐSALƆNIKA DIMA 1:10 Iomraidhean Croise

MATIYU 1:21

U nin ti dɔ'ai bidibga, ka i purim u yuuri Yisa, dama u nin ti tiligi u niriba ba tumbeeri taalli zaa ni.”

MATIYU 16:27

Ya bu nya? - Ninsaala Bii maa siri nin zaŋŋi u Ba Naawunni gyirima ka kyɛ ka Naawunni malaakadima dɔli u ka u kyɛ na: lala saha maa ka u nin yɔ sɔkam samni hoo di daama tuma ŋɔn daa bɛ seem la.”

MATIYU 16:28

Ni, “Yɛlimaŋni ka n yɛtti ya wa, ninvugseeba m bɛ kpa, ban ku kpi halli ka ti nya ka Ninsaala Bii maa kyɛ na ni u naam yiiko.”

MATIYU 3:7

Ŋɔn daa nya ka Farisii dima ni Saddusii dima pam gba daa kyɛnni na ni u ti su ba Naawunni koom; ka u daa yɛli ba, ni, “Ya bunkyɔ'ama wa! Ya kur ŋmani la hoo wa'abeeri! Ŋɔni n wulisi ya Naawunni ŋɔn ya namsi ya seem ka ya yɛnni, ni, ya nin zɔ n‑yi namsigu maa ni?

LUUKI 2:25

Tɔ; dɔsɔ n daa bɛ Gyɛrusalɛm, ka u yuuri boonni Simiyɔn, ka doo wa daa zɔri Naawunni ka dɔli u zaaligu suŋŋa: ka guusiri Izraɛli dima tuligra soori; ka Naawunni Vuusim Kasi daa bɛ u ni.

LUUKI 3:7

Tɔ; ka daadam daa la'am Gyɔni saanni na pam, ni u su ba Naawunni koom. Ka u daa yɛli zama maa, ni “Ya bunkyɔ'ama wa! Ya kur ŋmani la hoo wa'abeeri! Ŋɔni n wulisi ya Naawunni ŋɔn ya namsi ya seem ka ya yɛnni, ni, ya nin zɔ n‑yi namsigu maa ni?

TUUMUDIMA TUMA 1:11

Ba daa yɛli nyaandɔliba maa, ni, “Yan Galilii dima wa, wula zugu ka ya kpalim n‑zɛya n‑gɔsiri sangbana ni? Ya pun nya ka Yisa da du m‑paai arizana ni; tɔ, ka ŋɔn Yisa siri nin labi na, hoo yan nya u ka u du arizana seem la.”

TUUMUDIMA TUMA 17:31

Dama u na pun zaali dabsiri, dabsiseaa ŋɔn ya n‑zaŋŋi u yɛlimaŋni maa n‑kari duniya zaa niriba sariya. Ka di nin dɔli dɔsɔ yɛligu - dɔsɔ ŋɔn Naawunni ŋɔn pun yiisi di zugu la. U daa pun wulisi ti zaa, ni, di siri nin niŋi, ka daa zaŋŋi di daama n‑kyɛ ka u neaai u kum nyaaŋŋa.”

TUUMUDIMA TUMA 2:24

Amaa Naawunni daa neaai u kum ni, n‑tiligi u kum wahala puuni, dama soori daa ka ni ni kum kpalim m‑mari u.

TUUMUDIMA TUMA 2:32

Tirima muna zaa daa pun baŋŋi, ni, Naawunni daa yisigi ŋɔn Yisa kum ni, ka ti tɔ'asiri n‑tiri ya, ni, u siri yisigiya.

TUUMUDIMA TUMA 3:15

ka ku Nyɔvuri Daana maa. Naawunni mun daa neaai u kum ni. Tirima n daa nya ka baŋŋi, ni, lala n nyɛ yɛlimaŋni.

TUUMUDIMA TUMA 3:21

Ŋɔna n nyɛ ŋɔn nin laa n‑kpalim m‑bɛ arizana ni, halli ka Naawunni ti kyɛ ka seelli kam zaa nin ti siri maali n‑niŋi hoo ŋɔn boori seem. Sahanseaa kan gaari la sa u daa tisi lala noori ka kyɛ ka u ninvugsuma ni anabidima daa wulisi ti lala.

TUUMUDIMA TUMA 4:10

tɔ! - ya baŋŋma, halli Izraɛli tiŋŋa niriba zaasa baŋŋma, ni, di nyɛ la Nazarɛti doo la, Yisa Masiiya, yuuri zugu n kyɛ ka gbariga wa zaani ya tooni zuna ka mari alaafɛ wa. Ŋɔn Yisa ka ya daa kyɛ ka ba gbaai u n‑kpaasi n‑tabli dɔpulli zugu, amaa Naawunni daa kyɛ ka u daa yisigi u kum puuni.

ROOM DIMA 1:4

Zaŋŋi n‑kyaŋŋi u Naawunni Siiya beebu muna - Naawunni daa zaŋŋi u yiiko n‑kyɛ ka u neaai kum ni, ka lala ka u daa gaŋŋi u ka ti baŋŋi, ni, u siri nyɛ la Naawunni Biiya. Ti Dugma Yisa Kirisita Masiiya nla.

ROOM DIMA 2:7

Baseeba ban kpa n‑tum suŋŋa m‑boori veelim, ni gyirima, ni nyɔvuri din bu sa'amni la ziiya, ban ka Naawunni nin tisi nyɔvuri kan ka tɔriga.

ROOM DIMA 4:25

Ti tumbeeri zugu ka ba daa zaŋŋi ŋɔn Yisa n‑tisi ni u kpi; ka u mun yisigi kum ni, ni ti ti yi na hoo yɛlimaŋni dima.

ROOM DIMA 8:34

Bee, ŋɔni n nin lee n‑kari ba sariya n‑lusi ba? Dama di nyɛ la Kirisita ŋɔn daa kpi, ka din gaari lala, u nyɛ la ŋɔn yisigi kum ni. Ka ŋɔn mun ziya Naawunni nudirigu ya'ari la, ka laa n‑zɔri ti sindaani Naawunni saani.

I KƆRINTI DIMA 1:7

Dinzugu ya bu kɔŋŋi Naawunni piinisuma, halli yinni gba, ka kpalim n‑guusiri ti Dugma Yisa Kirisita Masiiya yiibu na saha.

GALƐSEAA DIMA 3:13

Amaa Kirisita Masiiya mammaŋŋa daa leebi la mbusu tuuri, ni u ti suŋŋi ti ka yiisi ti mbusu galinsi ni na - seesi zaaligu ŋɔn daa mari ti a puuni la; dama Litaafi yɛliya, ni, “Ban zaŋŋi ninvugsɔ zaa n‑yuli doo zugu ni u ti kpi la - Naawunni mbusu bɛ la di daama zugu.”

FILIPAAI DIMA 3:20

Tirim mun nyɛ arizana timbiisi; ti guusi la ti Tuligra kyɛnni na, ka u nin yi arizana m‑paai na - ti Dugma Yisa Kirisita Masiiya nla.

KƆLOOSIDIMA 1:18

U bɛ la u niriba ban la'amni taaba n‑dɔli u la saani hoo zugu ŋɔn bɛ ningbiŋŋu saani seem la. Ba toondaana n nyɛ u, sɔ ŋɔn daa daŋŋi ba zaa n‑doaai kum ni; lala daa niŋi nti kyɛ ka u leebi ba toondaana bunseelikam puuni.

I TƐSALƆNIKA DIMA 1:7

Dizugu ka ya wulisiri beesisuŋŋu ŋɔn bɛ seem n‑tiri yɛddaniŋniba zaa ban bɛ Masidoonya ni Akaaya tingbana maa ni.

I TƐSALƆNIKA DIMA 2:16

Halli ba daa kpaŋŋi ba maŋŋa ni ba ta'ai ti ka ti ku toaai m‑mooli tuliginsim lahabaari n‑ti ban pa Izraɛli dima maa. Ba pun tum tumbeeri pam, ka ba ala'akyi tuma wa paasiri tumbeeri anla zugu, ka a paari a tɔriga. Ka Naawunni sufuyisigri naayi paai ba n‑naai.

I TƐSALƆNIKA DIMA 2:7

Halli ti daa mari soori ni ti toaai n‑susi bunseesi ya saani, tin nyɛ Masiiya tuumudima la zugu. Amaa ti daa nyɛ la ban bɛ baalimm ya saani, ka mari ya suŋŋa hoo pɔ'a ŋɔn dɔ'ai ŋɔn mari u bileaa seem la.

I TƐSALƆNIKA DIMA 5:9

Naawunni daa bu maali ti ni u sufuyisigri tubdarigri ti paai ti na, amaa u zaali ti ni ti nya tuliginsim ti Dugma Yisa Masiiya zugu.

II TIMƆTI 4:1

Naawunni zugu ka n ya n‑tɔ'asi yɛttɔ'a wa n‑kpaam i, Kirisita Yisa zugu; dama ŋɔn Yisa nin ti kari ban nɛ ni ban kpi zaa sariya. Ŋɔn Yisa Masiiya lappu na zugu, ni u naam diibu la zugu, ka n ya n‑yɛli i ni, ni, i niŋma nŋɔa#:-

TAITUUSI 2:13

Ti niŋma dinŋɔ ka guusiri ti tama paalu yiibu na - Yisa Masiiya ŋɔn ti ya zaŋŋi u gyirima n‑yi paalu ni na nla, ka u nyɛ la ti Naawuntitaari, ni ti Tuligra.

HIBRUU DIMA 10:27

Ay! - Din kpalim nyɛ la dabeem zaŋŋi n‑kyaŋŋi sariya karibu din kyɛnni na, ni bugum seelli bun nin di baseeba ban kyiisiri Naawunni yɛla.

HIBRUU DIMA 9:28

lala ka Yisa zaŋŋi u maŋŋa m‑maali yummu maa. Ka u nin ti labi na yaasa: ka di pa la u kari tumbeeri sariya zugu, amaa ni u tiligi seeba ban ziya n‑guusiri u ni nimbirimoaa la.

I PIITA 1:21

Naawunni daa neaai u kum ni, ka ti u gyirima. Ŋɔnŋɔ zugu ka ya niŋni Naawunni yɛdda, ka ya kur kyɛ ka ya yɛdda niŋbu ni ya tama zaa bɛ la Naawunni saani.

I PIITA 1:3

Kyɛ ka ti pɛ'ai Naawunni, ŋɔn nyɛ ti Dugma Yisa Kirisita Ba la, u namboo la zugu. Ŋɔn daa yisigi Yisa Kirisita kum ni la zugu, u daa yiisi nyɔvuri paalli na n‑ti ti. Ka lala zugu ti mari tama, ni, ti ti nya beesigu paalli ti kum nyaaŋŋa.

I PIITA 2:21

Dinŋɔ zugu ka ba daa booli ya, dama Kirisita daa nya namsigu ya zugu, ka lala u daa kyɛ n‑zaali n‑wulisiri, ni, ya gba dɔli u soori maa.

I PIITA 3:18

Ya bu nya? Kirisita daa kpi yimmu ti tumbeeri zugu, ka a yɛla naai; ŋɔna yɛlimaŋni zaa daana daa kpi tirim halibeoo dima zugu, ni u ti zaŋŋi ti n‑taasi Naawunni saani. Ba daa ku u ningbiŋŋu, amaa u siiya daa doaai n‑na vu.

II PIITA 3:12

Yan guri ti Dugma Naawunni kyɛnni dabsiri na maa, ya kpaŋŋma ya mansi ka ka kyɛ na yooma. Di daari maa ka sangbana nin di bugum n‑sa'am, ka saazugu ni tingbaŋŋu tuga ni a neema zaa nin nyɛligi m‑basi.

II PIITA 3:14

Tɔ; ka dinŋɔna, m mabiwutta, ya mi halli, ni, lala Naawunni dabsiri siri nin kyɛ na. Ka di zugu ya kpaŋŋma ya mansi n‑kyɛ ka u nin nya ya yɛlimaŋni beesigu ŋɔn bɛ seem, ni, di ka taalli bee da'aseesi; m‑paasi yan ni ŋɔn Naawunni nangbanyinni ni beebu la.

KASIGRI 1:18

Di saha ka u laa n‑yɛli, “Mani n nyɛ ŋɔn nɛ maa! N daa kpi ni, ka neaai nti kpalim saha din ka tariga; di zugu kum ni kpiimma tiŋŋa fukumsi zaa bɛ la n saani.

KASIGRI 1:7

Ya gɔsima n‑nya! U bɛ sangbana ni n‑kyɛnni na; Di saha ya zaa nini nin nya u - Halli ninvugseeba ban daa kusi u maa gba: Dizugu ninsaala bura zaa niriba Nin kum ka fabli u zugu. Lala n nyɛ di. Ammi.