Mateu 23:10 - Sateré-Mawé

¹⁰ Iꞌewyte yt naku i wẽtup ok pe -En uimuꞌe hat sese aikotã waku yne uheineꞌen hap etiat enoi hamo yt eweiꞌe wẽtup ok pe katupono Tupana Mipoꞌoro eiporekuatno yn eimuꞌe hat sese aikotã waku eimoieineꞌen hamuat hap enoi hamo are.

Mateu 23:10 Iomraidhean Croise

Mateu 23:11

Pyno uwe uwe toineꞌen eipyꞌasetpe miitꞌin eheropat haria wo poꞌog poꞌog eipowyro iraniaꞌin kai miꞌiria ti poꞌog poꞌog iraniaꞌin kai toineꞌen Tupana wanetup hawe e. Miitꞌin eropat haria wo eweikupteꞌen hap kaipyi eimowato hap sese topyhuꞌat Tupana wywo e.

Mateu 23:8

Miꞌi pote yt ewetunug neiꞌo miꞌi tã hap iꞌatuꞌewy e Iesui temiitꞌin me. Katupono -Meiẽ aimuꞌe hat sese yt eweiꞌe teiꞌo eiwoꞌope neꞌi e. Katupono wẽtup ok yn ni toineꞌen eimuꞌe hat sese. Waku eweipyhuꞌat eipe eiwoꞌowyriaꞌin wo yn naꞌyn.

Mateu 23:9

Katupono wẽtup yn Aiꞌywot waku eweiꞌe eiwoꞌope. Miꞌi ti eheTupana sese eweiꞌe o. Miꞌi pote yt karãpe i wẽtup ok pe -En ni uiꞌywot uipaꞌãu muꞌe hamo yt eweiꞌe i wẽtup ok pe.

Mateu 26:18

Miꞌi hawyi Iesui toꞌe -Pyno eweiwat ro tawa wato kape e. Putꞌok eiꞌe hawyi ti aru eweipuẽti wẽtup ok miit itote e. Miꞌi pe ewehenoi -Urukaꞌiwat eꞌat ti putꞌok e raꞌyn eweiꞌe o e. Uikuꞌuro hamuat eꞌat yt pya hin i raꞌyn wyti e ti Aikaꞌiwat eweiꞌe e. Miꞌi pote ti tenuk teran temiitꞌin wywo eꞌyat pe eweiꞌe o mekewat man u hamo getap kaꞌiwat pe e.

1 Kuriniu 12:5

Wẽtup yn Aipotypot toineꞌen. Miꞌi kape watuwepotpap maꞌato aipotpap hap yt aiwoꞌoꞌewy ewy hin i.