2 Kuriniu 2:7 - Sateré-Mawé

⁷ Pyno waku waure wo raꞌyn watoineꞌen. Pyno waku watunug aiwy sese wo raꞌyn. Maꞌato yt pote meiũran iꞌarot sese hap topyhuꞌat aikotã iꞌauka hap ewy.

2 Kuriniu 2:7 Iomraidhean Croise

Ewesu 4:32

Maꞌato waku watoineꞌen iwese kahato rakaria wo. Waku aiwoꞌowese hap ahehay perupꞌi popuo. Waku meremo watiwaure aimaꞌat hat aikotã Aikaꞌiwat waure wo tomaꞌat hap aiminug saꞌag kai toineꞌen hap ewy. Waku watukupteꞌen waure wo yne yne aimaꞌat hap koꞌi kai are. Uito ti Pauru. Worohoꞌonapin kahato waku iwese kahato rakaria wo Iesui ewywuat eweikupteꞌen are.

Korosi 3:13

Iꞌatu kahato Tupana watnuat aimokahu hap. Wẽtup woꞌopowyro hap. Wẽtup yt aipotmopyꞌahak i hap. Wẽtup aiwoꞌoewaure aiwoꞌominug saꞌag etiat hap. Wẽtup aipainug hap aiwuꞌuka hap monik hap. Wẽtup aiwoꞌoehay aiwoꞌopiat hap -Waure wo areineꞌen uhyt mimi mana emiꞌaparap uhepiat hap kai aiꞌe hap. Miꞌi koꞌi yne waku ahesokpe pakup ewywuat aiwepainug hap ikahu rakat ewywuat. Miꞌi wo waku watuwepainug aikotã Iesui tiwaure ahepiat iꞌaparap tetiat hap ewy te waku watiwaure iraniaꞌin piat hap aiꞌaparap hap.

2 Tesaronika 3:6

Uruwyriaꞌin tukupteꞌen aipyꞌasetpe iperup kahato rakaria -Uito ti Iesui mohey hat e haria pykai. Miꞌiria ti yt ipotpap teran i rakaria wo gupteꞌen haria. Miꞌiria ti tukupteꞌen eipyꞌasetpe -Yt atunug neran Pauru mienoi e haria. Miꞌi haria o yt ewetunug neiꞌo eiwy wo.

1 Tesaronika 4:13

Uruwyriaꞌin uruikyꞌesat eweikuap kahato pywuat sehay aikotã ikuꞌuro rakaria tukupteꞌen hamuat hap. Yt uruikyꞌesat i eweikupteꞌen Iesui mohey ran haria wo neꞌi katupono taꞌatuwy kuꞌuro pote toꞌokakꞌi kahato -Yt karãpe i raꞌyn aru wataꞌakasa aiwy kape taꞌatuehaype.

Wiripu 2:27

Taꞌi aheropat kahato hat Epawutitu porap ikuꞌuro mesuwe porap ahuu tiꞌauka maꞌato yt pykai i katupono Tupana hatyꞌu kahato topyꞌa pe. Miꞌi hawyi meremo toimoehãite katupono Tupana yt tikyꞌesat i uiꞌarot neꞌi hap. Miꞌi hawyi ikyꞌe hap iꞌewyte uikyꞌe hap wywo toimoehãite uhyt Epawutitu hawyi uimowepiit hap topyhuꞌat.

2 Kuriniu 7:10

Karãpe watuwemoti aiminug saꞌag ete Tupana ehamo iꞌewyte karãpe paa watoꞌe aiwanetup hap saꞌag ete miꞌi hawyi wataꞌaipok aiminug saꞌag myi Tupana kape. Miꞌi hawyi ahehakyeraꞌat raꞌyn. Watuwemorem Tupana kape hawyi waku kahato ahete. Toiwaure raꞌyn aiminug saꞌag koꞌi. Miꞌi hawyi aimowepiit kahato hap yn topyhuꞌat. Toiwaure yne aiminug saꞌag koꞌi. Miꞌi pote yt kat i poꞌog aimoti te hap topyhuꞌat. Miꞌi hawyi -Paa watoꞌe hap tokosap taꞌyn watoꞌe are. Miꞌi hawyi -Waku kahato ahehakyeraꞌat hat watoꞌe. Maꞌato yt wataꞌaipok i aiminug saꞌag kaipyi pote yt watuwemoti hin i e hamo. Miꞌi pote yt karãpe i ahehakyeraꞌat hap toineꞌen. Aiꞌapiheg hap wuatꞌi eꞌat piat yn topyhuꞌat aikuꞌuro sese hap. Miꞌi hawyi mesuwe yi tote yt karãpe i watipuẽti mekewat aimowepiit hap. Tupana tiwaure aiminug saꞌag hawyi yt kat i haty hap ahete aimowanetup hawe aiminug saꞌawyꞌi wuat etiat. Maꞌato yt pote haty hap topyhuꞌat aheineꞌen hap oktan yt aimowepiit hin i.

2 Kuriniu 5:4

Aipiit mesuwarotiat kak e kyn kyn e neꞌi aipiit ikuꞌuro rakat toineꞌen pote. Aipiit mesuwarotiat tikyꞌesat kahato ipakup we toineꞌen hap. Taꞌi yne aito aipiit mesuwarotiat ikuꞌuro hap watikuap taꞌyn. Yt watikyꞌesat i pykai ikuꞌuro. Miꞌi pote wahẽtup Tupana -Atikyꞌesat kahato uipiit pakup we toineꞌen wuatꞌi eꞌat piat rakat watoꞌe. -Etunug no uipiit pakup ewat ewy watoꞌe Iesui pe. -Uipainug no watoꞌe. Aikotã uhesokpe pakup uikuꞌuro hawyi etopag uipiit epiit ikahu hap ewy watoꞌe.

1 Kuriniu 15:54

Mekewat eꞌat pe aipiit meremo ipakup we toineꞌen. Mesup aipiit ikuꞌuro rakat toineꞌen maꞌato mekewat eꞌat pe ieineꞌen hat watoineꞌen aikotã Tupana toꞌe hap ewy topyhuꞌat aru -Atimoma aru guꞌuro hawyi yt karãpe i eikuꞌuro hap toineꞌen e hap ewy.

2 Kuriniu 2:8

Pyno ahẽtup uipyꞌa pe ehupi uiwyriaꞌin eweiꞌe i ro tope -Uruikyꞌe kahato en uhyt mimi eweiꞌe i ro iꞌaparap hat pe kat pote totiat raꞌyn tominug saꞌag pote.