San Juan 3:2 - New Testament in Mazatec Huautla

² Je²-vi⁴ ja³ˀai³nčhˀoe² Jesús nca³ njion², cˀoi⁴qui³tso²-le⁴: Rabí, ˀya³-ni¹⁴jin⁴ nca³ ji³ ja²ˀai⁴ jo³-ni³ jnco³ Maestro. Qui³si³ca³sen¹-li² Ni³na¹. Ni⁴ˀya³-jin² xi³ tsjoa¹ choa⁴ xi³ vˀai²³ nca³ ji³, tsa² Ni³na¹ li²coi³ ti¹jna³cao⁴.

San Juan 3:2 Iomraidhean Croise

San Mateo 22:16

Cho⁴ta⁴ fariseos qui³si³ca³sen¹con³-le⁴ Jesús cho⁴ta⁴-le⁴ xi³ ti⁴je²-ni³ cao⁴ cho⁴ta⁴ herodianos, xi³ qui³tso²: Maestro, ˀya³-ni¹jin⁴ nca³ ji³ xi³ ña³qui³ cjoa⁴qui²xi⁴, cˀoa⁴ nca³ va³co²yai³ je² ntia⁴²-le⁴ Ni³na¹ cao⁴ xi³ cjoa⁴qui²xi⁴, cˀoa⁴ nca³ ni⁴ˀya³-jin² xi³ jcon³-lai⁴, nca⁴ tsi² tsa² cho²tsen³-lai⁴ jo³ cji³ cho⁴ta⁴.

San Mateo 23:7

Tsjoa³que³ cjoa⁴ni²ti²ˀnta³ ya⁴ nti⁴tsin⁴, cˀoa⁴ nca³ Rabí, Rabí tso²-le⁴ cho⁴ta⁴.

San Mateo 23:8

To⁴nca³ jon² li²coi³ ca²ta³ˀmi²-no³ Rabí, nca⁴ to⁴jnco³ je² xi³ Maestro-no³, je² Cristo, cˀoa⁴ nca³tsˀio³ nca³ jon² ntsˀe⁴ ma³-nio³.

San Marcos 12:14

Cˀia⁴ nca³ ji³cho²con³-le⁴ Jesús, qui³tso²-le⁴: Maestro, ˀya³-ni¹jin⁴ nca³ ji³ xi³ tjin¹-li² cjoa⁴qui²xi⁴. Ni⁴ˀya³-jin² xi³ jcon³-lai⁴, nca³ tsi² tsa² cho²tsen³-lai⁴ jo³ cji³ cho⁴ta⁴, to⁴nca³ cjai¹nca³ nta³ va³co²yai³ ntia⁴²-le⁴ Ni³na¹ cao⁴ xi³ cjoa⁴qui²xi⁴. A³ nta³ tjin¹ nca³ cˀoe¹chji¹-le⁴² taon⁴sa¹ César, a³xo⁴ mai³. A³ cˀoai⁴-le⁴² a³xo⁴ tsi² tsa² cˀoai⁴-le⁴².

San Juan 1:38

Cˀia⁴ qui³si³cˀo¹fa³ Jesús, tsa³ve³ nca³ tjio¹fi²tjen⁴nqui³-le⁴, cˀoa⁴qui³tso²-le⁴: Jme¹ xi³ vi³jnchi³sjao³. Cˀia⁴ qui³nchja⁴ nca³ jao²: Rabí (je² en¹-vi⁴ Maestro tso²-ni³), jña¹-ni³ ti³jnai³.

San Juan 10:38

Nta³ tsa² tsi² ma³cjain¹-no³ jo³ xian³, tsa² cˀoa⁴sˀian³ xa¹-le⁴ Nˀai³-na⁴, ca²ta³ma³cjain¹-no³ xi³ to⁴tˀa³tsˀe⁴ xa¹ xi³ sˀian³, jme¹-ni³ nca³ cˀoa⁴-sˀin² jcha⁴-si¹nio³ cˀoa⁴ coan⁴cjain¹-si¹ni³no³ nca³ je² Nˀai³-na¹ ti¹jna³cao⁴-na³ cˀoa⁴ an³ ti²jna⁴coa⁴ Nˀai³-na¹.

San Juan 12:37

Nta³ tsa² cˀoa⁴-sˀin² to⁴tse³ choa⁴ qui³tsjoa³-le⁴, to⁴jo³ li²coi³ coan³cjain¹-le⁴ xi³ tˀa³tsˀe⁴ Jesús,

San Juan 14:10

A³ tsi² ma³cjain¹-li² nca³ an³ ti²jna⁴coa⁴ Nˀai³-na¹, cˀoa⁴ je² Nˀai³-na¹ ti¹jna³cao⁴-na³. Je² en¹ xi³ an³ fa²cao⁴-no³, a³li² to⁴ˀan³ xi³ cˀoa⁴-sˀin² nchja²³, to⁴nca³ je² Nˀai³-na¹ xi³ ti¹jna³cao⁴-na³, je² xi³ cˀoa⁴sˀin¹ je² xa¹-vi⁴.

San Juan 15:24

Tsa² tsi² cˀoa⁴qui³sˀian³ jin³-le⁴ nca³ je², je² cjoa⁴ xi³ ni⁴ˀya³-jin²sa³ cˀoa⁴qui³sˀin³, a³li²coi³ je¹ tjin¹-le⁴ˀni³. To⁴-nca³ je³tsa³ve³-na³jin⁴, cˀoa⁴ coan³jti³que³-na³jin⁴ an³ cao⁴ Nˀai³-na⁴.

San Juan 2:11

Je²-vi⁴ choa⁴ xi³ tsa³cˀe²jna³ ti¹tjon²-le⁴ nca³yi³je³ choa⁴ xi³ Jesús qui³tsjoa³ ya⁴ Caná xi³ tsˀe⁴ Galilea. Cˀoa⁴sˀin² tsa³ca³co¹son²tsen³ cjoa⁴je³ya³-le⁴. Cˀia⁴ coan³cjain¹-le⁴ cho⁴ta⁴-le⁴ xi³ tˀa³tsˀe⁴.

San Juan 20:16

Jesús qui³nchja⁴-le⁴: María. Cˀia⁴ qui³si³cˀo¹fa³ya³ María, qui³tso²-le⁴: Raboni, xi³ Maestro tso²-ni³.

San Juan 3:26

Cˀia⁴ je² ji³nčhoa³nčhˀoe² Juan cˀoi⁴qui³tso²-le⁴: Rabí, tsa³cˀai²³ en¹-li⁴ xi³ tˀa³tsˀe⁴ Jesús xi³ tsa³cˀe²jna³cao⁴-li² xi³ncoa³nta¹-ni³ Jordán. Coe⁴-ni³ cˀoa⁴-ti⁴ je² va³te¹nta¹, cˀoa⁴ ña³qui³ je² fa³ˀai³nčhˀoe² nca³tsˀi³.

San Juan 4:31

Je² cho⁴ta⁴-le⁴ Jesús tjio¹vˀe¹tsˀoa³-le⁴, cˀoi⁴qui³tso²: Rabí, ti⁴chi³.

San Juan 5:36

To⁴nca³ an³ tjin¹-na³ xi³ nqui²sa⁴ nta³ si¹qui²xi⁴ya³nta³ xi³ tˀa³tsˀan⁴ cao⁴-ni³ tsa² je² xi³ tsˀe⁴ Juan. Je² xa¹ xi³ qui³tsjoa³-na³ Nˀai³-na¹ nca³ si³jncoa²³, ti⁴je²-ni³ xa¹ xi³ cˀoa⁴sˀian³, cˀoa⁴sˀin² si¹qui²xi⁴ya³nta³ tˀa³tsˀan⁴ nca³ qui³si³ca³sen¹-na³ Nˀai³-na¹.

San Juan 6:2

Jo³ nca³ ncjin² cho⁴ta⁴ qui³tjen⁴nqui³-le⁴, nca⁴ tsa³ve³ je² choa⁴ xi³ qui³tsjoa³ Jesús, nca³ cˀoa⁴-sˀin² qui³si³nta³ xi³ tjio¹mˀen³.

San Juan 7:31

Cjai¹nca³ ncjin² cho⁴ta⁴na⁴xi⁴na³nta¹-ve⁴ xi³ coan³cjain¹-le⁴ tˀa³tsˀe⁴ Jesús. Cˀoi⁴qui³tso² cho⁴ta⁴-ve⁴: Cˀia⁴ nca³ cjoa⁴ˀai¹ je² Cristo, a³ nqui²sa⁴ cja⁴ˀai¹-sˀin² tsjoa¹ choa⁴ jo³-sˀin² tsjoa¹ je²-vi⁴.

San Juan 9:16

Cˀia⁴ cˀoi⁴qui³tso² cˀa³ cho⁴ta⁴ fariseos: Je² cho⁴ta⁴xˀin⁴-vi⁴ a³li² Ni³na¹-jin² qui³si³ca³sen¹, nca³ tsi² tsa² tˀa³xin² vˀe¹jna³ ni⁴čhjin³ ni²cja¹ya³. Cˀoi⁴tso² xi³cˀa³: Jo¹ ma³-ni³ nca³ jnco³ cho⁴ta⁴xˀin⁴ xi³ je¹ tjin¹-le⁴ nca³ ma³-le⁴ tsjoa¹ choa⁴ je²-vi⁴. Coan³jao²ya³ cho⁴ta⁴.

Hechos de los Apóstoles 10:38

Jon² ˀya³-nio¹³ je² en¹ xi³ tˀa³tsˀe⁴ Jesús xi³ Nazaret tsˀe⁴, jo³-sˀin² nca³ Ni³na¹ qui³tsjoa³-le⁴ xa¹ cao⁴ Espíritu Santo cao⁴ nca³nˀion¹. Je² Jesús xi³ tsa³cˀa³mjen³ nca³ to⁴cjoa⁴nta³ qui³sˀin³, cˀoa⁴ qui³si³nta³ nca³tsˀi³ xi³ je² nai⁴² qui³si³cja³ˀa¹ cjoa⁴ñˀain³, nca⁴ Ni³na¹ ti¹jna³cao⁴ Jesús.

Hechos de los Apóstoles 2:22

Nca³tsˀio³ nˀai³ israelitas, ti⁴no¹ˀyao²³ je² en¹-vi⁴: Jesús cho⁴ta⁴ nazareno, cho⁴ta⁴xˀin⁴ xi³ Ni³na¹ ja³ˀai³-ni³ xi³ coan³qui²xi⁴ya³jin³-no³ xi³ to⁴tˀa³tsˀe⁴ nca³nˀion¹-le⁴, cao⁴ cjoa⁴xcon¹, cao⁴ choa⁴. Je² cjoa⁴-vi⁴ xi³ Ni³na¹ qui³si³nta³ cao⁴ Jesús nqui³xcon³ nca³ jon², jo³-sˀin² nca³ cˀoa⁴-ti⁴ ˀyao³ nca³ jon².

Filipenses 1:14

Ncjin² ma³-ni³ xi³ ntsˀe³² cho⁴va² nca³ ti³yo³coa⁴² Nai³-na¹. Coi³ cjoa⁴ tjio¹cjoe¹ cjoa⁴nˀion¹ta³con² nca³ cjoa⁴ñˀain³ ti²jna⁴ nca³ an³. To⁴nqui²sa⁴-sa³ ma³nˀion¹con³ nca³ nchja⁴ je² en¹-le⁴ Ni³na¹, nca³ tsin²-le⁴ cjoa⁴jcon³-jin².