San Juan 2:16 - New Testament in Mazatec Huautla

¹⁶ Cˀoa⁴qui³tso²-le⁴ je² xi³ tjio¹va³te¹na³ ni⁴se³ paloma: Cha⁴ˀa²xion²³ je²-vi⁴. A³li² nti⁴tsin⁴-jin² nˀiaon²³ ntˀia³-le⁴ Nˀai³-na⁴.

San Juan 2:16 Iomraidhean Croise

San Mateo 21:12

Cˀia⁴ Jesús ja³ˀa³sˀen³ ya³ yo⁴nco⁴, qui³tsˀaon³sje³ nca³tsˀi³ xi³ tjio¹va³te¹na³, xi³ tjio¹va³tse³ ya³ yo⁴nco⁴-ve⁴. Qui³sca³ni¹ti¹cja¹ ya¹mi²xa⁴-le⁴ je² xi³ tjio¹si¹cˀa³ntjai² taon⁴. Qui³sca³ni¹ti¹cja¹ ya¹xi²le⁴-le⁴ je² xi³ tjio¹va³te¹na³ ni⁴se³ paloma.

San Mateo 21:13

Qui³tso²-le⁴: Tji¹tˀa³-ni¹: Je² ntˀia³-na⁴ cˀoin¹-le⁴ ntˀia⁴ jña³ sˀe³tsˀoa³ya³, to⁴nca³ jon² nqui³jao³-le⁴ che¹ ti³nˀiaon²³.

San Mateo 22:5

To⁴nca³ je² li²coi³ qui³si³sin³. Qui³ jnco³ ya⁴ nqui³chao³-le⁴, cˀoa⁴ xi³jnco³ ntia⁴² cjoa⁴ma⁴-le⁴.

San Marcos 11:17

Tsa³ca³co¹ya³-le⁴ qui³tso²: A³ tsi² tji¹tˀa³ nca³ je² ntˀia³-na⁴ cˀoa⁴cˀoin¹-le⁴ ntˀia³ jña³ vˀe¹tsˀoa³ya³ nca³tsˀi³ cho⁴ta⁴, to⁴nca³ jon² nqui³jao³-le⁴ che¹ ti³nˀiaon²³.

San Lucas 2:49

Cˀia⁴ je² qui³tso²-le⁴: Jme¹-ni³ve⁴. A¹-ni³ nca³ an³ vi³jnchi²sjai²-si¹ni³nao¹³. A³tsi²-la²na¹ tjin¹jin³-no³ nca³ ma³chjen¹-na³ nca³ coa²te⁴jna³ ntˀia³-le⁴ Nˀai³-na⁴.

San Juan 10:29

Je² Nˀai³-na⁴ xi³ qui³tsjoa³-na³ va³rre²-na⁴, je² ni¹ ti¹tjon²-le⁴ nca³yi³je³ cjoa⁴. Ni⁴ˀya³-jin² xi³ coan⁴ cjoa⁴ˀa²xin²ya³-ni³ ntsja³ Nˀai³-na⁴ je² va³rre²-na⁴.

San Juan 2:15

Jesús qui³si³nta³ jnco³ nˀo¹, tsa³cˀaon³sje³ nca³tsˀi³ yo⁴nco⁴ cao⁴ va³rre²-ve⁴ cao⁴ nčha⁴ja⁴-ve⁴. Tsa³cˀe¹tsao³va³ taon⁴-le⁴ xi³ taon⁴ si¹cˀa³ntjai². Ña³qui³ qui³si³ncha³nca³jten³ ya¹mi²xa⁴-le⁴.

San Juan 20:17

Jesús qui³tso²-le⁴: A³li² ni²cao⁴-jin²nai¹³, nca⁴ cje³ fi³mi³con³-jin²le⁴ Nˀai³-na⁴. Ya⁴ tˀin³nčhˀoai²³ ntsˀe³, cˀoa⁴tˀin²-lai⁴: Ti²fi³mi³con³-le⁴ Nˀai³-na⁴, cˀoa⁴-ti⁴ je² Nˀai³-no³, je² Ni³na¹-na⁴, cˀoa⁴-ti⁴ Ni³na¹-no³.

San Juan 5:17

Jesús cˀoi⁴qui³tso²-le⁴: Je² Nˀai³-na⁴ si¹xa¹ sa³ˀnta³ ntˀai⁴-vi⁴, cˀoa⁴ an³ si³xa¹³.

San Juan 8:49

Jesús qui³nchja⁴: A³li² cho⁴ta⁴nai⁴²-jian²³, to⁴nca³ ˀve³xcoan¹³ Nˀai³-na⁴. Jon² tsa³ˀya³taon³-nao¹³.

1 Timoteo 6:5

Ya⁴ nčhoa¹-ni³ xi³ chˀao³-sˀin² fao¹ti³ cho⁴ta⁴ xi³ je³chi³tson³ya² cjoa⁴fa³ˀai³tsjen³-le⁴, xi³ tsin²-le⁴ cjoa⁴qui²xi⁴-jin², xi³ to⁴ve³xcon¹ Ni³na¹ tˀa³tsˀe⁴ xi³ njen³-le⁴. Chja⁴ˀa²xin²-lai⁴ yao³-li⁴ xi³ cˀoa⁴cjoan³.

2 Pedro 2:3

Cao⁴ cjoa⁴xin²ta³con² si⁴²qui³njen³-ni³ xi³ to⁴tˀa³tsaon⁴³, nca³ cˀoa⁴na⁴cha⁴-no³ cao⁴ en¹ xi³ tsi² tsa² coi³ cˀoa⁴tjin¹. Sa³ˀnta³ co²tse³ ti¹jna³co³ya³ cjoa⁴ñˀain³-le⁴. Li²coi³ coan⁴tse³-le⁴, li²coi³ vˀe²jna³fe² xi³ cha⁴jin³.