San Juan 15:2 - New Testament in Mazatec Huautla

² Nca³yi³je³ ya¹ntsa⁴ xi³ tsi² tsa² va³-le⁴ to³, fa³ˀa¹xin². Nca³yi³je³ ya¹ntsa⁴ xi³ va³-le⁴ to³, va³te³tˀa³cˀa³, jme¹-ni³ nca³ nqui²sa⁴ to⁴ncjin² to³ coa⁴-si¹ni³le⁴.

San Juan 15:2 Iomraidhean Croise

San Mateo 13:12

To⁴ˀya³-ni³ xi³ tjin¹-le⁴, cˀoai⁴-sa³le⁴, cˀoa⁴ coan⁴tse³sa³le⁴, cˀoa⁴ je² xi³ li²jme³ xi³ tjin¹-le⁴, sa³ˀnta³ je² xi³ tjin¹-le⁴, tjo¹xin²-le⁴.

San Mateo 13:33

Nqui²jnco³ cjoa⁴xco¹son² qui³tso²-le⁴: Je² cjoa⁴te¹xo³ma³-le⁴ ncˀa³jmi³ ya³ ma³nco¹son² na⁴ˀyo⁴san³ xi³ qui³scoe¹ jnco³ chjon⁴², cˀoa⁴ jan² choa⁴ scoan⁴ nio⁴xti²la⁴ qui³si³cˀo¹tji³jin³ sa³ˀnta³ nca³ qui³tsin³jin³ nca³yi³je³ na⁴ˀyo⁴-ve⁴.

San Mateo 15:13

To⁴nca³ cˀia⁴ qui³nchja⁴-nca¹ni³ Jesús: Nca³yi³je³ tso³jmi²ntje² xi³ tsi² tsa² coi³ tsa³cˀe¹ntje² Nˀai³-na⁴ xi³ tsˀe⁴ ncˀa³jmi³, cˀoa⁴-sˀin² tjo¹ne²-ni³.

San Mateo 21:19

Tsa³ve³ jnco³ ya¹ higo čhian³ ntai³ ntia⁴². Ja³ˀai³ jña³ se¹jna³, cˀoa⁴ li²jme³ to³ xi³ qui³sa³co³-le⁴, to⁴xca⁴-ni¹, cˀia⁴ qui³tso²-le⁴: Ni⁴to⁴cˀia³-jin² ni⁴čhjin³ ti⁴ca²ta³va³-ni³li² to³ sa³ˀnta³ nca³ntsjai². Cˀoa⁴ qui³xi² nti⁴ton⁴ je² ya¹ higo-ve⁴.

San Mateo 25:29

To⁴ˀya³-ni³ve⁴ xi³ tjin¹-le⁴, cˀoai⁴²-sa³le⁴, cˀoa⁴ nˀion¹ sˀe⁴-sa³le⁴. Cˀoa⁴ je² xi³ li²jme³ xi³ tjin¹-le⁴, sa³ˀnta³ je² xi³ tjin¹-le⁴ tjo¹xin²-le⁴.

San Mateo 3:10

Cˀoa⁴-ti⁴ je² hacha je³qui³jna³tˀa³-le⁴ ja⁴ma⁴-le⁴ ya¹. Nca³yi³je³ ya¹ xi³ tsi² coi³ va³-le⁴ to³ xi³ nta³, jti¹ sˀe³tsao³jin³ lˀi¹.

San Mateo 3:12

Je² xi³ vˀe¹ntjao⁴-ni³le⁴ cjia³ ntsja³, cˀoa⁴ si⁴²tsje³ tˀa³na³nqui³, cˀoa⁴ coi⁴ncha³xco¹ trigo ja⁴ya³ ni³ncˀa³-le⁴, cˀoa⁴ tje¹-le⁴ coi⁴ti⁴jin³ lˀi¹ xi³ ni⁴cˀia³-jin² cjoi⁴tsˀao³.

San Mateo 7:19

Nca³yi³je³ ya¹ xi³ tsi² tsa² va³-le⁴ to³ xi³ nta³, ti³-ni¹, cˀoa⁴ sˀe³jin³ lˀi¹.

San Marcos 4:20

Je²-vi⁴ xi³ qui³sˀe³ntje² jña³ nca³ nta³ na³nqui³, cˀoa⁴cjoan³ cho⁴ta⁴ xi³ nčhˀoe¹ en¹nta³, cjoe¹ya³-ni¹, cˀoa⁴ si¹-ncjin²ya³-ni³, jnco³ sa³ˀnta³ can³te² cˀa³, xi³jnco³ sa³ˀnta³ jan²can³ cˀa³, xi³ nqui²jnco³ sa³ˀnta³ jnco³ ciento cˀa³ tsjoa¹.

San Lucas 8:13

Je² xi³ qui³tsao³son² jña³ la⁴jao⁴ chon³, je²-vi⁴ xi³ qui³nčhˀoe¹ cao⁴ cjoa⁴tsjoa³, qui³scoe¹ en¹-ve⁴, to⁴nca³ tsin²-le⁴ ja⁴ma⁴. To⁴jnco³jao² ni⁴čhjin³ ma³cjain¹-le⁴, cˀia⁴ nca³ ni⁴čhjin³ nca³ cho²tˀa³ vi³tjo³xin².

San Juan 15:1

An³ nia¹³ ya¹je³ xi³ ña³qui³ cjoa⁴qui²xi⁴, cˀoa⁴ je² Nˀai³-na⁴ xi³ si¹coi²nta⁴.

San Juan 15:16

A³li² jon²-jion²³ qui³chjoe¹jin³-nao¹³, to⁴nca³ an³ qui³scoe²jin³-no³ nca³ jon². Qui³si³qui³ncha²nta³-no³, jme¹-ni³ nca³ coa⁴nquin¹-nio³, cˀoa⁴ nta³ si⁴xa¹-si¹nio³, cˀoa⁴ je² xa¹-no³ sa⁴tio²-si¹ni³, jme¹-ni³ nca³ Nˀai³-na¹ tsjoa¹-ni³no³ nca³yi³je³ xi³ ni²je¹-lao⁴³ cao⁴ jan³ˀain¹-na⁴.

San Juan 15:3

Jon² je³cˀoa⁴-sˀin² coan³tsjao³, xi³ to⁴tˀa³tsˀe⁴ je² en¹ xi³ qui³nchja²³-no³.

San Juan 15:6

Je² xi³ tsi² ti¹jna³cao⁴-na³, cˀoa⁴-sˀin² tjo¹xin² jo³-ni³ tsa² jnco³ ya¹ntsa⁴ xi³ tsi² tsa² jme³ xi³ tsjoa¹, cˀoa⁴ xi¹-ˀni³. Cˀia⁴ sˀe⁴xco¹, sˀe⁴yo³jin³ lˀi¹, cˀoa⁴ ti²-ˀni³.

San Juan 15:8

Coi³-vi⁴ xi³ cˀoa⁴-sˀin² vˀa³sje³je³ya³ Nˀai³-na⁴, nca³ cˀoa⁴-sˀin² to⁴ncjin² to³ coa⁴-no³. Cˀoa⁴-sˀin² jcha⁴qui²xi⁴-no³ nca³ cho⁴ta⁴-na⁴ mao³.

San Juan 17:12

Cˀia⁴ nca³ tsa³ca²te⁴jna³coa⁴ i⁴ son³ˀnte³-vi⁴, an³ qui³si³ca³tio²tjoa²³ cao⁴ jan³ˀain¹-li⁴. Je² xi³ ji³ tsa³cˀai²-nai¹³, cˀoa⁴-sˀin² qui³si³coi²nta⁴. Ni⁴jnco³-jin² qui³cha³, to⁴je² xi³ cjoe⁴tˀa³ ni⁴čhjin³-le⁴ cha⁴ nca³ntsjai², jme¹-ni³ nca³ cˀoa⁴-sˀin² ca²ta³vi³tjo³son²-ni³ je² xon⁴ Escritura.

Romanos 11:17

Cˀia⁴ tsa² jnco³ jao² ya¹ntsja³ xi³ qui³ti³tˀa³, cˀoa⁴ ji³ ni¹ xi³ ya¹ˀoliva xi³ jin³jña¹ cji³ma³jchai¹³, ya⁴² ti³sen³jna³yai³ ˀnte³-le⁴ nca³ je², cˀoa⁴ ya⁴² tji¹cjao³coai⁴ ja⁴ma⁴ nca³ chjoai¹³ nca³nˀion¹-le⁴ ya¹ˀoliva.

Romanos 11:22

Cho¹tsen³-lai⁴ˀni³, je² cjoa⁴nta³-le⁴ cˀoa⁴ je² cjoa⁴ta²ja³ta³con²-le⁴ Ni³na¹, je² cjoa⁴ta²ja³ta³con²-le⁴ xi³ tˀa³tsˀe⁴ je² xi³ qui³tsao³-ve⁴, to⁴nca³ je² cjoa⁴nta³-le⁴ Ni³na¹ xi³ tˀa³tsi⁴, tsa² cˀoa⁴-sˀin² coi⁴jna³cao⁴-sai³ je² cjoa⁴nta³-ve⁴. Cˀoa⁴ tsa² mai³, cˀoa⁴-ti⁴ ji³ coi⁴cha¹tˀa³-li²ˀni³.

Romanos 8:28

ˀya³-nia¹ nca³ nca³yi³je³ cjoa⁴ ña³tjen⁴ si¹xa¹ cjoa⁴nta³ tˀa³tsˀe⁴ je² xi³ tsjoa³que³ Ni³na¹, xi³ Ni³na¹ qui³nchja⁴-le⁴ jo³-sˀin² nca³ xa¹ tsa³cˀe¹nta³-ni³,

1 Corintios 13:1

Nta³ tsa² an³ nchja²³ en¹ xi³ tsˀe⁴ cho⁴ta⁴, cˀoa⁴ xi³ tsˀe⁴ a²ncje⁴, cˀoa⁴ tsa² tsin²-na³ cjoa⁴tjao²cha³-jin², cˀoa⁴-sˀin² nca³ an³ jo³-ni³ qui⁴cha⁴ xi³ nˀion¹ fa³ne³ya³, a³xo⁴ platillo xi³ nˀion¹ fa³ne³ nca³ vi³chon³cjao³-le⁴ xi¹ncjin¹.

Tito 2:14

Jesucristo qui³tsjoa³ yao³-le⁴ xi³ to⁴tˀa³tsan⁴², jme¹-ni³ nca³ cˀoa⁴-sˀin² tsa³cˀe¹chji¹ntjai²-si¹ni³ nca³yi³je³ je¹-na¹, jme¹-ni³ nca³ qui³si³tsje³ya³-si¹ni³ xi³ tˀa³tsˀe⁴ yao³-le⁴ jnco³ na⁴xi⁴na³nta¹ xi³ ña³qui³ tsˀe⁴. Je² na⁴xi⁴na³nta¹-ve⁴ si¹xi¹ti¹ya³-le⁴ yao³-le⁴ tˀa³tsˀe⁴ xa¹ xi³ nta³ tjin¹.

Hebreos 12:15

Nta³ cho¹tsaon³ nca³ ni⁴ˀya³-jin² xi³ coa⁴sen⁴tˀa³xin²-le⁴ cjoa⁴nta³-le⁴ Ni³na¹, cˀoa⁴ nca³ ni⁴jme³-jin² cjoa⁴jnčha³ xi³ cjoa⁴ˀai¹jin³-no³ xi³ chˀao³-sˀin² si⁴²ca³tio¹-no³. Xi³ to⁴tˀa³tsˀe⁴ je² cjoa⁴jnčha³-ve⁴ ncjin² ma³-ni³ xi³ coan⁴tˀain³-le⁴.

1 Juan 2:19

Ji³tjo³sje³jin³-na¹, to⁴nca³ li² tsan⁴²-jian² cho⁴ta⁴-ve⁴. Tsa² tsan⁴² tsa²cai³, ña³qui³ i⁴-jin² tsa³ca³tio²ntsjai²cao⁴-na¹ tsa²cai³. Coi³ cˀoa⁴-sˀin² ji³tjo³sje³jin³-na¹, nca³ cˀoa⁴-sˀin² coan⁴tsen³ nca³ li² nca³tsˀi³-jin² cho⁴ta⁴ tsan⁴².

Apocalipsis 3:19

An³ nchja²ti³coa⁴, tsjoa³-le⁴ cjoa⁴ñˀain³ nca³tsˀi³ xi³ an³ tsjoa³que⁴: Ti⁴sin³-sao³ cˀoa⁴ ti⁴cˀa³ntjai²yao³ cjoa⁴fa³ˀai³tsjen³-no³.