San Juan 15:1 - New Testament in Mazatec Huautla

¹ An³ nia¹³ ya¹je³ xi³ ña³qui³ cjoa⁴qui²xi⁴, cˀoa⁴ je² Nˀai³-na⁴ xi³ si¹coi²nta⁴.

San Juan 15:1 Iomraidhean Croise

San Mateo 15:13

To⁴nca³ cˀia⁴ qui³nchja⁴-nca¹ni³ Jesús: Nca³yi³je³ tso³jmi²ntje² xi³ tsi² tsa² coi³ tsa³cˀe¹ntje² Nˀai³-na⁴ xi³ tsˀe⁴ ncˀa³jmi³, cˀoa⁴-sˀin² tjo¹ne²-ni³.

San Mateo 20:1

Nca⁴ je² cjoa⁴te¹xo³ma³-le⁴ ncˀa³jmi³ ma³nco¹son² jo³-ni³ tsa² jnco³ xi³ nˀai³-le⁴ ntˀia³, xi³ ji³tjo³ nca³ ta⁴njion²ya³ nca³ qui³ ca³jnqui³ cho⁴ˀnta³ xi³ si⁴²xa¹cao⁴ tso³jmi²ntje²-le⁴.

San Mateo 21:33

Ti⁴no¹ˀyao²³ je² cjoa⁴xco¹son²: Jnco³ cho⁴ta⁴ xi³ nˀai³-le⁴ ntˀia³ xi³ tsa³cˀe¹ntje² xca⁴to³tse⁴². Tsa³cˀe¹nchˀoa¹ntai³-le⁴, tsa³cˀe¹jna³nta³ jnco³ máquina xi³ si⁴²tsˀion³nqui² na³nta¹-le⁴ to³tse⁴², tsa³cˀe¹nta³ jnco³ xjao¹ncˀa³, cˀoa⁴ qui³si³quin³ya³son²-le⁴ cho⁴ta⁴ xi³ si¹xa¹son², cˀia⁴ qui³ jña³ nca³ cjin³.

San Marcos 12:1

Jesús tsa³cˀe¹tsˀia⁴cao⁴ nca³ tsa³cja¹cao⁴ cao⁴ cjoa⁴xco¹son²: Jnco³ cho⁴ta⁴xˀin⁴ tsa³ca¹ntje² xca⁴-le⁴ to³tse⁴², tsa³cˀe¹nchˀoa¹ntai³-le⁴, tsa³ˀnqui³ya³, tsa³cˀe¹jna³nta³ jnco³ máquina xi³ si¹tsˀion³nqui²-ni³ na³nta¹-le⁴ to³tse⁴². Tsa³cˀe¹nta³ jnco³ xjao¹ncˀa³, qui³si³quin³ya³son²-le⁴ cho⁴ta⁴ xi³ si¹xa¹son². Cˀia⁴ qui³ jña³ nca³ cjin³.

San Lucas 13:6

Cˀia⁴ Jesús qui³tso² je² cjoa⁴xco¹son²: Jnco³ cho⁴ta⁴ xi³ tjin¹-le⁴ ya¹ higo xi³ tjin¹ntje²-le⁴ ya⁴jin³ tso³jmi²ntje²-le⁴. Ja³ˀai³ ca¹sjai³ to³-le⁴, cˀoa⁴ li²coi³ qui³sa³co³-le⁴.

San Juan 1:17

To⁴tˀa³tsˀe⁴ Moisés qui³tsˀai² cjoa⁴te¹xo³ma³, to⁴nca³ cjoa⁴nta³ cao⁴ cjoa⁴qui²xi⁴ ja³ˀai³ xi³ to⁴tˀa³tsˀe⁴ Jesucristo.

San Juan 1:9

Je²-ve⁴ je² lˀi¹ xi³ ña³qui³ cjoa⁴qui²xi⁴, xi³ ja³ˀai³ i⁴ son³ˀnte³-vi⁴, xi³ si¹ˀi³sen³-le⁴ nca³tsˀi³ cho⁴ta⁴.

San Juan 15:2

Nca³yi³je³ ya¹ntsa⁴ xi³ tsi² tsa² va³-le⁴ to³, fa³ˀa¹xin². Nca³yi³je³ ya¹ntsa⁴ xi³ va³-le⁴ to³, va³te³tˀa³cˀa³, jme¹-ni³ nca³ nqui²sa⁴ to⁴ncjin² to³ coa⁴-si¹ni³le⁴.

San Juan 6:32

Cˀia⁴ Jesús qui³tso²-le⁴: Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-no³: A³li²coi³ je² Moisés xi³ qui³tsjoa³-no³ je² nio⁴xti²la⁴ xi³ ncˀa³jmi³ ja³ˀai³-ni³, to⁴nca³ Nˀai³-na⁴ je²-vi⁴ xi³ tsjoa¹-no³ je² nio⁴xti²la⁴ xi³ ncˀa³jmi³ fa³ˀai³-ni³ xi³ ña³qui³ cjoa⁴qui²xi⁴.

San Juan 6:55

Je² yao³-na⁴ xi³ ña³qui³ ma³chi³ne³, cˀoa⁴ je² njin¹-na⁴ xi³ ña³qui³ ma³ˀyo².

Romanos 11:17

Cˀia⁴ tsa² jnco³ jao² ya¹ntsja³ xi³ qui³ti³tˀa³, cˀoa⁴ ji³ ni¹ xi³ ya¹ˀoliva xi³ jin³jña¹ cji³ma³jchai¹³, ya⁴² ti³sen³jna³yai³ ˀnte³-le⁴ nca³ je², cˀoa⁴ ya⁴² tji¹cjao³coai⁴ ja⁴ma⁴ nca³ chjoai¹³ nca³nˀion¹-le⁴ ya¹ˀoliva.

1 Corintios 3:9

Nca⁴ jin⁴-jin⁴ to⁴jnco³ ni²xa¹coai⁴-jin⁴ Ni³na¹, cˀoa⁴ jon² nio¹³ ˀnte³-le⁴ jña³ nca³ si¹xa¹ Ni³na¹, cˀoa⁴ jon² nio¹³ ntˀia³-le⁴ xi³ vˀe¹nta³ Ni³na¹.

1 Juan 2:8

Nqui²jnco³cˀa² cji³-nca¹ni³no³ cjoa⁴te¹xo³ma³ cho⁴tse⁴, xi³ cjoa⁴qui²xi⁴ xi³ tˀa³tsˀe⁴, cˀoa⁴ xi³ tˀa³tsaon⁴³. Je² xi³ cjoa⁴njion² ti¹fa³ˀa³to³, cˀoa⁴ je² xi³ ña³qui³ lˀi¹ je³si¹ˀi³sen³.