San Juan 14:3 - New Testament in Mazatec Huautla

³ Tsa² cjoia¹³, tsa² si³nta³chon³-no³ ˀnte³, cjoa²ˀai⁴ nqui²ntia³-nia³. Scoe²tjao²-no³ tˀa³tsˀan⁴, jme¹-ni³ nca³ cˀoa⁴-ti⁴ jon² ya⁴ coi⁴yo³-si¹nio³, jña³ nca³ ti²jna⁴ nca³ an³.

San Juan 14:3 Iomraidhean Croise

San Juan 12:26

Tsa² jnco³ xi³ si¹xa¹-na³, ca²ta³fi²tˀa³-na³. Jña³ nca³ coa²te⁴jna³ nca³ an³, cˀoa⁴-ti⁴ ya⁴ cˀoe¹jna³ je² xi³ si¹xa¹-na³. Tsa² jnco³ xi³ si¹xa¹-na³, je² Nˀai³-na⁴ cjai¹nca³ nta³ cˀoa⁴sje³.

San Juan 14:28

Qui³no²ˀya²-nio¹³ jo³ qui³xin³-no³: Cjoia¹³, cjoa²ˀai⁴con³-nca¹ni³no³. Tsa² coan³tsjoa³cha³-nao¹³, cjai¹nca³ to⁴tsjoa³ coan³-no³, nca⁴ cˀoa⁴qui³xian³ nca³ cjoi¹con³-le⁴ Nˀai³-na¹. Je² Nˀai³-na¹ nqui²sa⁴ ti¹tjon² cao⁴-ni³ tsa² an³.

San Juan 14:4

ˀya³-nio¹³ jña³ nca³ cjoia¹³, cˀoa⁴ ˀya³-nio¹³ ntia⁴².

San Juan 17:24

Nˀai³, coi³ xi³ me³-na³, nca³ je² cho⁴ta⁴ xi³ ji³ tsa³cˀai²-nai¹³, cˀoa⁴-ti⁴ ya⁴ coa⁴tio⁴cao⁴-na³ jña³ nca³ an³ ti²jna⁴, jme¹-ni³ nca³ cˀoa⁴-sˀin² scoe⁴-si¹ni³ cjoa⁴je³ya³-na⁴ xi³ ji³ tsa³cˀai²-nai¹³, nca⁴ coan³tsjoa³cha³-nai¹³ to⁴nqui³-ni³ nca³ cje³ sˀe³nta³-jin² son³ˀnte³.

Hechos de los Apóstoles 1:11

Je² cho⁴ta⁴ xo⁴cjoan³-ve⁴ cˀoa⁴qui³tso²-le⁴: Jon² cho⁴ta⁴xˀin⁴ galileos, a¹-ni³ nca³ ti³ncha³nto³-nio³, nca³ ti³cho²tsen³-lao⁴³ ncˀa³jmi³. Ti⁴je²-ni³ Jesús xi³ ji³tjo³xin²-no³, xi³ qui³ ncˀa¹, ti⁴cˀoa⁴-sˀin² cjoa⁴ˀai¹-ni³, jo³-sˀin² nca³ ca²ˀyao³ nca³ ca²fi²mi³ ncˀa¹.

Romanos 8:17

Cˀia⁴ tsa² ˀnti¹-le⁴ ma³², cˀoa⁴²-ti⁴ sˀe⁴-na¹ cjoa⁴tjao² tsˀe⁴ Ni³na¹. To⁴jnco³ sˀe⁴-na¹ cjoa⁴tjao² cao⁴ Cristo, tsa² ña³tjen⁴ chja⁴ˀa² cjoa⁴ñˀain³ cao⁴ Cristo, jme¹-ni³ nca³ ña³tjen⁴ coi²tjo⁴je³ya³-si¹nia³² cao⁴ je².

Filipenses 1:23

Je² nca³ jao² cjoa⁴-ve⁴ ti²jna⁴jin³ va³sen³-le⁴. Cjai¹nca³ tso²³-coan³ an³-vi⁴ nca³ coi²tjo⁴jian³ i⁴-vi⁴, nca³ coa²te⁴jna³coa⁴ Cristo, coi³ xi³ nqui²sa⁴ nˀion¹ nta³ tjin¹.

2 Tesalonicenses 1:12

jme¹-ni³ nca³ coi⁴tjo³je³ya³jin³-si¹ni³no³ je² jan³ˀain¹-le⁴ Nai³-na¹ Jesucristo, cˀoa⁴ jon² coi²tjo⁴je³ya³-si¹nio³ cao⁴ Cristo, jo³-sˀin² tsjoa¹-no³ cjoa⁴nta³ Ni³na¹-na¹ cao⁴ Nai³-na¹ Jesucristo.

2 Timoteo 2:12

Tsa² ti¹jcho¹cjoa⁴-na¹ cao⁴ je², cˀoa⁴-ti⁴sˀin² coa⁴te²xo³ma³² cao⁴ je². Tsa² cˀoe¹ˀma³-le⁴², cˀoa⁴-ti⁴ je² cˀoe⁴²ˀma³-na¹.

Hebreos 9:28

Cˀoa⁴-ti⁴sˀin²ni³ Cristo to⁴jnco³ cˀa² qui³tsˀai²tˀa³, nca³ tsa³cˀa³ je² je¹-le⁴ xi³ tsˀe⁴ xi³ ncjin² ma³-ni³. Xi³ ma³jao²-ni³ cˀa³ Cristo coan⁴tsen³-le⁴ je² xi³ co³ya³-le⁴, a³li²coi³ nca³ ti⁴cˀoa⁴-ni³ je¹, to⁴coi³ nca³ cˀoa⁴sje³ntjai².

Apocalipsis 3:21

Je² xi³ si⁴²qui³njen³, an³ tsjoa³-le⁴ nca³ cˀoe¹jna³tˀa³-na³ ya⁴ ya¹xi²le⁴-na⁴, cˀoa⁴-sˀin² jo³-sˀin² nca³ je³qui³si³qui³njen³ nca³ an³, cˀoa⁴ je³tsa³ca²te⁴jna³tˀa³-le⁴ Nˀai³-na⁴ ya⁴ ya¹xi²le⁴-le⁴.