San Juan 10:11 - New Testament in Mazatec Huautla

¹¹ An³ nia¹³ xi³ nta³ co³ˀnta³ va³rre². Je² xi³ nta³ co³ˀnta³ va³rre², tsjoa¹ntjai² ni⁴ma⁴-le⁴ xi³ to⁴tˀa³tsˀe⁴ va³rre².

San Juan 10:11 Iomraidhean Croise

San Mateo 20:28

Ti⁴cˀoa⁴-sˀin²ni³ je² ˀnti¹-le⁴ cho⁴ta⁴ li²coi³ ja³ˀai³ nca³ si⁴xa¹-le⁴, to⁴nca³ je² xi³ si⁴²xa¹, cˀoa⁴ tsjoa¹ ni⁴ma⁴-le⁴ nca³ cˀoe⁴²chji¹ntjai² ncjin² cho⁴ta⁴.

San Juan 10:2

To⁴nca³ je² xi³ xo⁴ntjoa⁴-le⁴ nchˀoa¹ fa³ˀa³sˀen³-ni³, je² ni¹ xi³ co³ˀnta³ va³rre².

San Juan 15:13

Li²ˀya³-sa³ xi³ nqui²sa⁴ tsjoa³que³ jo³-ni³ jnco³ xi³ tsjoa¹ntjai² ni⁴ma⁴-le⁴ xi³ tˀa³tsˀe⁴ mi²yo⁴-le⁴.

Efesios 5:2

Cao⁴ cjoa⁴tjao²cha³ ti⁴ma³cao⁴³ xi²nquio⁴³, jo³-sˀin² Cristo coan³tsjoa³que³-na¹, qui³tsjoa³ntjai²-na¹ yao³-le⁴, jo³-ni³ jnco³ cjoa⁴tjao², cˀoa⁴ jo³-ni³ xi³ qui³tsˀai²ntjai²-na¹ xi³ na³sca¹ njen⁴ nqui³xcon⁴ Ni³na¹.

Tito 2:14

Jesucristo qui³tsjoa³ yao³-le⁴ xi³ to⁴tˀa³tsan⁴², jme¹-ni³ nca³ cˀoa⁴-sˀin² tsa³cˀe¹chji¹ntjai²-si¹ni³ nca³yi³je³ je¹-na¹, jme¹-ni³ nca³ qui³si³tsje³ya³-si¹ni³ xi³ tˀa³tsˀe⁴ yao³-le⁴ jnco³ na⁴xi⁴na³nta¹ xi³ ña³qui³ tsˀe⁴. Je² na⁴xi⁴na³nta¹-ve⁴ si¹xi¹ti¹ya³-le⁴ yao³-le⁴ tˀa³tsˀe⁴ xa¹ xi³ nta³ tjin¹.

Hebreos 13:20

Je² Ni³na¹ xi³ tsjoa¹ cjoa⁴ xi³ nchˀan¹ tjin¹, xi³ tsa³cˀa³sje³jin³-ni³le⁴ cˀen³ Nai³-na¹ Jesucristo, xi³ to⁴tˀa³tsˀe⁴ njin¹ xi³ tsˀe⁴ cjoa⁴ xi³ qui³sˀe³nˀion¹ nca³ntsjai². Cjai¹nca³ nta³ co³ˀnta³ va³rre² Jesucristo xi³ nˀion¹ je³ya³.

1 Pedro 5:4

Cˀia⁴ nca³ coan⁴tsen³ je² Pastorti¹tjon² xi³ si¹coi²nta⁴, jon² xi³ tjoe¹-no³ je² corona xi³ tsi² fi³tson³, xi³ tsˀe⁴ cjoa⁴je³ya³.

1 Juan 3:16

Cˀoa⁴-sˀin² coan³cho⁴ya³-na¹ je² xi³ cjoa⁴tjao²cha³ ˀmi², nca³ Cristo qui³tsjoa³ yao³-le⁴ cao⁴ njin¹-le⁴ xi³ tˀa³tsan⁴². Cˀoa⁴-ti⁴ ña¹-je⁴ ma³chjen¹-na¹ nca³ cˀoai⁴tˀa³² yao³-na¹ cao⁴ njin¹-na¹ xi³ tˀa³tsˀe⁴ ntsˀe³².

Apocalipsis 7:17

Je² Va³rre² xi³ ya⁴ ti¹jna³ nca³va³sen³-le⁴ je² ya¹xi²le⁴-ve⁴, je² xi³ si⁴²cjen², je² xi³ sca⁴ni²ntia⁴²-le⁴ jña³ ti¹tjo³ na³nta¹ xi³ ti¹jna³con³. Ni³na¹ si⁴²tsje³jon² nca³yi³je³ nta¹xcon⁴ xi³ tsˀe⁴ xcon⁴.