San Juan 1:26 - New Testament in Mazatec Huautla

²⁶ Cˀia⁴ Juan qui³tso²-le⁴: An³ va³te³nta¹³-nia³ na³nta¹, to⁴nca³ ti¹jna³jin³-no³ jnco³ xi³ tsi² tsa² coi³ ˀya³xcon³.

San Juan 1:26 Iomraidhean Croise

San Mateo 3:11

An³-vi⁴ xi³ cjoa⁴qui²xi⁴ va³te³nta¹³-ni³no³ cao⁴ na³nta¹, nca³ qui³ni²cˀa³ntjai²yao³ cjoa⁴fa³ˀai³tsjen³-no³, to⁴nca³ je² xi³ nčhoa¹tjen⁴nqui³-na³, nqui²sa⁴ tse³ nca³nˀion¹ tjin¹-le⁴ cao⁴-ni³ tsa² an³. Je² jte¹-le⁴ an³ li²coi³ va³quin²-na³ nca³ cˀoa³. Je² xi³ coa⁴te²nta¹-ni³no³ cao⁴ Espíritu Santo cˀoa⁴ cao⁴ lˀi¹.

San Mateo 3:6

Cˀoa⁴ tsa³ca³te¹nta¹ cho⁴ta⁴-ve⁴ Juan ya⁴ nta¹je⁴ Jordán. Cˀoa⁴ tsa³cja³ˀa¹con³ je¹-le⁴ cho⁴ta⁴.

San Marcos 1:8

Xi³ cjoa⁴qui²xi⁴ an³-vi⁴ to⁴na³nta¹ tsa³ca³te³nta¹³-ni³no³, to⁴nca³ je² xi³ cjoa⁴ˀai¹, Espíritu Santo coa⁴te²nta¹-ni³no³.

San Lucas 3:16

Juan qui³tso²-le⁴ nca³tsˀi³: An³ xi³ cjoa⁴qui²xi⁴ va³te³nta¹-ni³no³ cao⁴ na³nta¹, to⁴nca³ cjoa⁴ˀai¹ je² xi³ nqui²sa⁴ tse³ nca³nˀion¹ tjin¹-le⁴ cao⁴-ni³ tsa² an³. An³ li²coi³ va³quin²-na³ nca³ sco³jnta¹³ čhjoa⁴xin¹-le⁴ jte¹-le⁴. Je² xi³ coa³te²nta¹-ni³no³ cao⁴ Espíritu Santo, cˀoa⁴ cao⁴ lˀi¹.

San Juan 16:3

Je²-vi⁴ cjoa⁴ cˀoa⁴si⁴²cao⁴-no³, nca⁴ tsi² tsa² ve³xcon³ Nˀai³-na¹ cao⁴ an³.

San Juan 17:25

Nˀai³ xi³ tjin¹-li² cjoa⁴qui²xi⁴, cho⁴ta⁴son³ˀnte³-vi⁴ li²coi³ tsa³ve³-li², to⁴nca³ an³ tsa³ˀve³-le²³. Cˀoa⁴-ti⁴ je² cho⁴ta⁴-na⁴vi⁴ tsa³ve³ nca³ ji³ qui³ni²ca³sen¹-nai¹³.

San Juan 17:3

Je² xi³ cjoa⁴vi³jna³chon³ nca³ntsjai², nca³ cˀoa⁴-sˀin² scoe⁴-li² xi³ to⁴jnco³ ji³ Ni³na¹ xi³ ña³qui³ cjoa⁴qui²xi⁴, cˀoa⁴ scoe⁴ Jesucristo je² xi³ qui³ni²ca³sain¹³.

San Juan 8:19

Cho⁴ta⁴ fariseos cˀoi⁴qui³tso²-le⁴ Jesús: Jña¹ ti¹jna³ Nˀai³-li⁴. Jesús qui³nchja⁴: Sa³ˀnta³ an³ li²coi³ ˀya³xcon³-nao¹³, cˀoa⁴ ni⁴ˀya³xcon³-jion²³ Nˀai³-na⁴. Tsa² ˀya³xcon³-la²ni³nao¹³, cˀoa⁴-ti⁴ ˀya³xcon³ Nˀai³-na⁴.

Hechos de los Apóstoles 1:5

Ña³qui³ cjoa⁴qui²xi⁴ nca³ Juan tsa³ca³te¹nta¹-ni³ cao⁴ na³nta¹, to⁴nca³ ma³čhian³-le⁴ ni⁴čhjin³ nca³ jon² sa⁴te²nta¹-nio³ cao⁴ je² Espíritu Santo.

Hechos de los Apóstoles 11:16

Cˀia⁴ ja³ˀai³tsjen³-na³ en¹-le⁴ Nai³-na¹, jo³ qui³tso²: Cjoa⁴qui²xi⁴ Juan tsa³ca³te¹nta¹-ni³ cao⁴ na³nta¹, to⁴nca³ jon² sa⁴te¹nta¹-nio³ cao⁴ Espíritu Santo.

Hechos de los Apóstoles 19:4

Cˀoi⁴qui³tso² Pablo: Je² Juan tsa³ca³te¹nta¹-ni³ cˀia⁴ nca³ je³qui³si³cˀa³ntjai²ya³ cjoa⁴fa³ˀai³tsjen³-le⁴ cho⁴ta⁴. Cˀoi⁴qui³tso²-le⁴ cho⁴ta⁴ nca³ ca²ta³ma³cjain¹-le⁴ xi³ tˀa³tsˀe⁴ je² xi³ cjoa⁴ˀai¹tjen⁴nqui³-le⁴, xi³ tso²-ni³ xi³ tˀa³tsˀe⁴ je² Jesús xi³ Cristo.

1 Juan 3:1

Ne² cˀoa⁴tjin¹ cjoa⁴tjao²cha³ xi³ qui³tsjoa³-na¹ Nˀai³-na¹, jme¹-ni³ nca³ ˀnti¹-le⁴ Ni³na¹ ˀmi²-si¹ni³na¹. Coi³ nca³ i⁴ son³ˀnte³ li²ˀya³ xi³ ve³-na¹, nca³ tsi²coi³ tsa³ve³ Ni³na¹.