1 Juan 3:2 - New Testament in Mazatec Huautla

² Jon² xi³ cjai¹nca³ tsjoa³que⁴-no³, ntˀai⁴-vi⁴ ˀnti¹-le⁴ Ni³na¹ nia¹ nca³ ña¹. Cje³-sa³ ma³tsen³-jin² jo³ coan⁴ cjoan³², to⁴nca³ ˀya³-nia¹ cˀia⁴ nca³ coan⁴tsen³ nca³ je², cˀoa⁴-ti⁴ cˀoa⁴coan⁴ cjoan³² jo³ cjoan³ nca³ je², nca⁴ cˀoa⁴-sˀin² jcha⁴² jo³ cjoan³ nca³ je².

1 Juan 3:2 Iomraidhean Croise

San Mateo 5:8

Jo¹ to⁴nta³-le⁴ je² xi³ tsje³ ni⁴ma⁴-le⁴, nca⁴ je² xi³ scoe⁴ Ni³na¹.

San Lucas 17:30

Jo³-ni³ tsa² je²-vi⁴, cˀoa⁴-sˀin² coan⁴ chon³ je² ni⁴čhjin³ cˀia⁴ nca³ je² ˀnti¹-le⁴ cho⁴ta⁴ coan⁴tsen³son²tsen³.

San Lucas 20:36

Li²coi³ ti⁴coan³-ni³le⁴ coi⁴ya¹, nca⁴ ma³nco¹son² a²ncje⁴. ˀnti¹-le⁴ Ni³na¹ coan⁴, nca⁴ cˀoa⁴cao⁴-le⁴ cjoa⁴fa³ˀa¹ya³.

San Juan 1:12

Nca³tsˀi³ jo³ tjin¹ ma³-ni³ xi³ je² tsa³ve³tjao², qui³tsjoa³ˀnte²-le⁴ nca³ ˀnti¹-le⁴ Ni³na¹ coan³, je² nca³tsˀi³ xi³ ma³cjain¹-le⁴ tˀa³tsˀe⁴ jan³ˀain¹-le⁴,

San Juan 11:52

A³li² tsa² to⁴je² na⁴xi⁴na³nta¹-ve⁴ xi³ coi⁴ya¹ntjai² Jesús, cˀoa⁴²-ti⁴ cˀoe⁴²xco¹ nca³tsˀi³ ˀnti¹-le⁴ Ni³na¹ xi³ tjio¹tsao³va³ son³ˀnte³.

San Juan 17:24

Nˀai³, coi³ xi³ me³-na³, nca³ je² cho⁴ta⁴ xi³ ji³ tsa³cˀai²-nai¹³, cˀoa⁴-ti⁴ ya⁴ coa⁴tio⁴cao⁴-na³ jña³ nca³ an³ ti²jna⁴, jme¹-ni³ nca³ cˀoa⁴-sˀin² scoe⁴-si¹ni³ cjoa⁴je³ya³-na⁴ xi³ ji³ tsa³cˀai²-nai¹³, nca⁴ coan³tsjoa³cha³-nai¹³ to⁴nqui³-ni³ nca³ cje³ sˀe³nta³-jin² son³ˀnte³.

Romanos 8:16

Ti⁴je²-ni³ Espíritu Santo to⁴jnco³ tsjoa¹ cjoa⁴qui²xi⁴ cao⁴ ni⁴ma⁴-na¹ nca³ coia³² ˀnti¹-le⁴ Ni³na¹.

Romanos 8:18

Cjai¹nca³ co³son²-le⁴ nca³ an³ nca³ cjoa⁴qui²xi⁴ nca³ je² cjoa⁴ñˀain³ xi³ ti³chja³ˀa² coi³ ni⁴čhjin³-vi⁴ li²coi³ coan⁴nco¹son²cao⁴ je² cjoa⁴je³ya³ xi³ sˀa⁴ nčhoa¹, xi³ coan⁴son²tsen³ tˀa³tsan⁴².

Romanos 8:19

Nca⁴ cˀoa⁴-sˀin² nca³yi³je³ xi³ qui³sˀe³nta³ son³ˀnte³-vi⁴ nˀion¹ tjio¹co³ya³cao⁴cjoa⁴ nca³ coan⁴son²tsen³ nca³tsˀi³ xi³ ˀnti¹-le⁴ Ni³na¹.

Romanos 8:29

je² xi³ Ni³na¹ to⁴nqui³-ni³ tsa³ve³, cˀoa⁴²-ti⁴ to⁴nqui³-ni³ xa¹ tsa³cˀe¹nta³-ni³ nca³ cˀoa⁴coan⁴ cjoan³ jo³ cjoan³ ˀnti¹-le⁴, jme¹-ni³ nca³ ˀnti¹tjon² coan⁴-si¹ni³le⁴ jin³-le⁴ ncjin² ntsˀe⁴.

1 Corintios 13:12

Ntˀai⁴-vi⁴ jo³-ni³ cho⁴tsin¹ ti³cho²tsen³ya³², to⁴xa⁴ ti³ˀya³², to⁴nca³ cˀia⁴² cho¹tsen³-le⁴² nca³ ncha³cjao³ˀa³². Ntˀai⁴-vi⁴ to⁴choa³ xi³ ˀve³, to⁴nca³ cˀia⁴² scoe³yi³je³ an³, jo³-sˀin² ˀya³-na³ nca³yi³je.

1 Corintios 15:49

Jo³-sˀin² nca³ tjin¹-na¹ sen¹-le⁴ xi³ tsˀe⁴ ni³ˀnte³, cˀoa⁴-ti⁴ sˀe⁴-na¹ sen¹-le⁴ xi³ tsˀe⁴ ncˀa³jmi³.

1 Corintios 2:9

Tji¹tˀa³: Cjoa⁴ xi³ tsi² xcon⁴ tsa³ve³-ni³, ni⁴xo⁴ño³-jin² qui³nčhˀoe¹-ni³, ni⁴ni⁴ma⁴-le⁴ cho⁴ta⁴-jin² qui³si³cja³ˀai³tsjen³-ni³, cjoa⁴ xi³ Ni³na¹ tsa³cˀe¹jna³nta³-ni³ xi³ tˀa³tsˀe⁴ je² xi³ tsjoa³que³ nca³ je².

2 Corintios 3:18

To⁴coi³ ña¹ nca³tsˀia³² nca³ tsi² tjio¹ˀma³ ncjan³², nca³ cho¹tsen³ya³² jo³-ni³ tsa² jnco³ cho⁴tsin¹ je² cjoa⁴je³ya³-le⁴ Nai³-na¹, cˀoa⁴-sˀin² cji³vˀa³ntjai²ya³² nca³ cˀoa⁴coan⁴ cjoan³² jo³ cjoan³ Nai³-na¹, nca³ tjin¹-na¹ cjoa⁴je³ya³, cˀoa⁴ nqui²sa⁴ tse³ cjoa⁴je³ya³ nca³ nčhoa¹-ni³ je² Nai³-na¹ xi³ je² Espíritu.

2 Corintios 4:17

Cˀoa⁴ je² cjoa⁴ñˀain³-na⁴jin⁴ xi³ to⁴jnco³ tjo² ntˀai⁴-vi⁴, xi³ xan⁴ tjin¹, ti¹vˀe¹nta³-na³jin⁴ xi³ nqui²sa⁴ tse³ cjoa⁴je³ya³ xi³ nca³ntsjai² xi³ li²coi³ ma³ ma³ni²nco¹son².

Gálatas 3:26

Xti³-le⁴ Ni³na¹ nio¹³ nca³tsˀio³, xi³ to⁴tˀa³tsˀe⁴ nca³ ma³cjain¹-no³ tˀa³tsˀe⁴ Cristo Jesús.

Gálatas 4:6

Ni³na¹ qui³si³ca³sen¹jin³ ni⁴ma⁴-no³ je² Espíritu-le⁴ ˀnti¹-le⁴, je² xi³ cˀoi⁴tso²: Abba, Nˀai³, nca⁴ jon² nio¹³ xti³-le⁴.

Filipenses 3:21

Je² ni¹ xi³ si⁴²cˀa³ntjai²ya³ yao³yo⁴ma⁴-na¹, jme¹-ni³ nca³ coan⁴nco¹son²-si¹nia³² jo³-sˀin² tsen³ya² cji³ yao³-le⁴ nca³ je². Ti⁴coi³ nca³nˀion¹-le⁴ si⁴²chjen¹-ni³ jo³-sˀin² si¹chjen¹ nca³ va³te¹xo³ma³ nca³yi³je³.

Colosenses 3:4

Cˀia⁴ nca³ Cristo, ti⁴je²-ni³ cjoa⁴vi³jna³chon³-no³, sa⁴sen¹jna³va³sen³, cˀoa⁴-ti⁴ jon²-ˀni³ si⁴ncha¹va³saon³ cao⁴ je² cao⁴ cjoa⁴je³ya³.

Hebreos 9:28

Cˀoa⁴-ti⁴sˀin²ni³ Cristo to⁴jnco³ cˀa² qui³tsˀai²tˀa³, nca³ tsa³cˀa³ je² je¹-le⁴ xi³ tsˀe⁴ xi³ ncjin² ma³-ni³. Xi³ ma³jao²-ni³ cˀa³ Cristo coan⁴tsen³-le⁴ je² xi³ co³ya³-le⁴, a³li²coi³ nca³ ti⁴cˀoa⁴-ni³ je¹, to⁴coi³ nca³ cˀoa⁴sje³ntjai².

2 Pedro 1:4

To⁴tˀa³tsˀe⁴ coi³ cjoa⁴-ve⁴ tsa³cˀai²-ni³na¹ xi³ qui³ni²sˀe³nqui³-na¹ xi³ cjai¹nca³ nta³ tjin¹, xi³ cjai¹nca³ tse³ tjin¹, jme¹-ni³ nca³ cˀoa⁴-ti⁴sˀin² tjoe¹-si¹ni³no³ nca³ cˀoa⁴coan⁴ cjoaon³ jo³ cjoan³ Ni³na¹, nca⁴ tsa³qui³ncha³xin²-lao⁴³ je² cjoa⁴ xi³ tjio¹ i⁴ son³ˀnte³, xi³ si¹cji³tson¹-na¹, xi³ tsˀe⁴ cjoa⁴chi⁴nca⁴.

1 Juan 2:28

Ntˀai⁴-vi⁴, ˀnti¹xti³, cˀoa⁴-sˀin² ti⁴yo³cjao³ntsjao²³ cao⁴ Cristo, jme¹-ni³ nca³ nta³ nˀion¹tˀa³ta³con²-si¹nia³² cˀia⁴ nca³ coan⁴tsen³ nqui²jnco³cˀa² nca³ je², cˀoa⁴ jme¹-ni³ nca³ li²coi³ coan⁴soa³-si¹ni³na¹ nqui³xcon⁴ nca³ je² cˀia⁴ nca³ cjoa⁴ˀai¹.

1 Juan 2:7

Nca³tsˀio³ ˀnti¹ntsˀe³, li²coi³ cji³-no³ cjoa⁴te¹xo³ma³ cho⁴tse⁴, to⁴je² cjoa⁴te¹xo³ma³ jchi¹nca³ xi³ ti¹jna³-no³ sa³ˀnta³ nca³ coan³cjain¹ ti¹tjon²-no³. Je² cjoa⁴te¹xo³ma³ jchi¹nca³ je² en¹ xi³ qui³no²ˀyao²³ jo³ sa³ˀnta³ nca³ ti¹tjon².

1 Juan 3:1

Ne² cˀoa⁴tjin¹ cjoa⁴tjao²cha³ xi³ qui³tsjoa³-na¹ Nˀai³-na¹, jme¹-ni³ nca³ ˀnti¹-le⁴ Ni³na¹ ˀmi²-si¹ni³na¹. Coi³ nca³ i⁴ son³ˀnte³ li²ˀya³ xi³ ve³-na¹, nca³ tsi²coi³ tsa³ve³ Ni³na¹.

1 Juan 3:10

Cˀoi⁴-sˀin² ˀya³-ni³le⁴ je² xi³ ˀnti¹-le⁴ Ni³na¹, cˀoa⁴ je² xi³ ˀnti¹-le⁴ nai⁴². Nca³tsˀi³ xi³ tsi² cjoa⁴qui²xi⁴ xi³ sˀin¹, xi³ tsi² tjao²que³ ntsˀe⁴, a³li² tsˀe⁴ Ni³na¹-jin².

1 Juan 3:21

Jon² xi³ cjai¹nca³ tsjoa³que⁴-no³, tsa² ni⁴ma⁴-na¹ li²coi³ va¹nqui³-na¹, nta³ nˀion¹tˀa³ta³coan³² nqui³xcon⁴ Ni³na¹.

1 Juan 5:1

Nca³tsˀi³ xi³ ma³cjain¹-le⁴ nca³ Jesús je² Cristo, je²-vi⁴ qui³tsin³ tˀa³tsˀe⁴ Ni³na¹. To⁴ˀya³-ni³ve⁴ xi³ tjao²que³ xi³jcha¹-le⁴ cˀoa⁴-ti⁴ tjao²que³ nca³tsˀi³ xi³ qui³tsin³ tˀa³tsˀe⁴.

Apocalipsis 2:28

Cˀoa⁴ tsjoa³-le⁴ je² ni³ño³tse³.

Apocalipsis 22:4

Scoe⁴ ncjain¹. Je² jan³ˀain¹-le⁴ sˀe³jna³tˀa³ tjen³.