1 Juan 1:3 - New Testament in Mazatec Huautla

³ Je² xi³ tsa³ˀyai³⁴-jin⁴ xi³ qui³no²ˀyai²⁴-jin⁴, je²-vi⁴ xi³ cˀoa⁴-ti⁴sˀin² no²cjoa⁴ya³jin³-lai²⁴jin⁴, jme¹-ni³ nca³ cˀoa⁴-ti⁴ jon² coi⁴yo³cjao³-si¹nio³ cao⁴ jin⁴-jin⁴. Xi³ ña³qui³ cjoa⁴qui²xi⁴ jin⁴-jin⁴ ti³yo³cjoai³⁴-jin⁴ Nˀai³-na¹ cao⁴ ˀnti¹-le⁴ Jesucristo.

1 Juan 1:3 Iomraidhean Croise

San Juan 17:11

Li²coi³ ti⁴ˀi⁴ ti²jna⁴-nia³ i⁴ son³ˀnte³-vi⁴, to⁴nca³ je² i⁴ tjio¹ i⁴ son³ˀnte³-vi⁴. An³ cjoi¹con³-le²³ nca³ ji³. Nˀai³tsje³, nta³ ti⁴ca³tio²tjoa²nqui³ nca³nˀion¹-li⁴ je² xi³ cao⁴ jan³ˀain¹-li⁴ tsa³cˀai²-nai¹³.

San Juan 17:21

jme¹-ni³ nca³ to⁴jnco³ coan⁴-si¹ni³ nca³tsˀi³, jo³-ni³ nca³ ji³, Nˀai³, ti³jna³cao⁴-nai¹³, cˀoa⁴ an³ ti²jna⁴cao⁴-le²³. Cˀoa⁴-ti⁴ je² to⁴jnco³ ca²ta³tio²cao⁴-na¹, jme¹-ni³ nca³ cho⁴ta⁴son³ˀnte³ coan⁴cjain¹-si¹ni³le⁴ nca³ ji³ qui³ni²ca³sen¹-nai¹³.

San Juan 17:25

Nˀai³ xi³ tjin¹-li² cjoa⁴qui²xi⁴, cho⁴ta⁴son³ˀnte³-vi⁴ li²coi³ tsa³ve³-li², to⁴nca³ an³ tsa³ˀve³-le²³. Cˀoa⁴-ti⁴ je² cho⁴ta⁴-na⁴vi⁴ tsa³ve³ nca³ ji³ qui³ni²ca³sen¹-nai¹³.

San Juan 17:3

Je² xi³ cjoa⁴vi³jna³chon³ nca³ntsjai², nca³ cˀoa⁴-sˀin² scoe⁴-li² xi³ to⁴jnco³ ji³ Ni³na¹ xi³ ña³qui³ cjoa⁴qui²xi⁴, cˀoa⁴ scoe⁴ Jesucristo je² xi³ qui³ni²ca³sain¹³.

San Juan 19:35

Je² xi³ tsa³ve³ je³qui³tsjoa³ en¹-le⁴, cˀoa⁴ je² en¹-le⁴ ña³qui³ cjoa⁴qui²xi⁴-ni¹. Je² ve³ nca³ ña³qui³ en¹ xi³ cjoa⁴qui²xi⁴ xi³ nchja⁴, jme¹-ni³ nca³ cˀoa⁴-ti⁴ jon² coan⁴cjain¹-si¹ni³no³.

Hechos de los Apóstoles 13:32

Cˀoa⁴-ti⁴ jin⁴-jin⁴ cˀoa⁴-sˀin² no²cjoa⁴ya³jin³-lai²⁴jin⁴ je² en¹nta³ xi³ tˀa³tsˀe⁴ je² xi³ Ni³na¹ qui³tsjoa³-le⁴ tsˀoa³ je² nˀai³jcha¹cjin³-na¹.

Hechos de los Apóstoles 13:41

Cho¹tsaon³ jon² xi³ taon³ ˀyao³, ca²ta³ma³xcon¹-no³, ca²ta³chao³. An³ cˀoa⁴sˀian³ jnco³ xa¹ je² ni⁴čhjin³-no³, jnco³ xa¹ xi³ tsi² coi³ coan⁴cjain¹-no³ tsa² jnco³ xi³ cˀoe⁴²-no³ na⁴jmi¹.

Hechos de los Apóstoles 2:42

Nchaon³nchaon³ to⁴coi³ qui³tjen⁴nqui³-le⁴ je² en¹ jo³-sˀin² qui³tso²ya³ pa²stro⁴, cˀoa⁴ nca³ to⁴jnco³ coan³xco¹, cˀoa⁴ nca³ qui³si³xcoa⁴ nio⁴xti²la⁴, cˀoa⁴ nca³ tsa³cˀe¹tsˀoa³.

Hechos de los Apóstoles 20:27

Li²coi³ coan³cai³-na³ nca³ cˀoa⁴-sˀin² qui³nchja²ya³jin³-no³ nca³yi³je³ jo³ tso² Ni³na¹.

Hechos de los Apóstoles 4:20

A³li²coi³ coan⁴ nca³ jyo¹ coi⁴yoi³⁴-jin⁴ xi³ tˀa³tsˀe⁴ xi³ tsa³ˀyai³⁴-jin⁴, xi³ qui³no²ˀyai²⁴-jin⁴.

Romanos 15:27

Nta³ coan³tsjoa³-le⁴ nca³ cˀoa⁴qui³sˀin³, cˀoa⁴ qui³tjen⁴-le⁴ xi³ tsˀe⁴. Tsa² cho⁴ta⁴ xi³ li² judío-jin² cˀoa⁴-ti⁴ tsˀa³cao⁴tˀa³-le⁴ cjoa⁴nta³ xi³ tsˀe⁴ Espíritu Santo, cˀoa⁴²-ti⁴ tjin¹ne²-le⁴ nca³ je² nca³ coi⁴ncha³cao⁴ tso³jmi²-le⁴ son³ˀnte³-vi⁴.

1 Corintios 1:30

Tsˀe⁴ Ni³na¹ nio¹³ jon² nca³ ti³yo³cao⁴³ Cristo Jesús. Je² xi³ Ni³na¹ qui³tsjoa³ nca³ cjoa⁴chji⁴ne⁴-na¹ coan³. Je² xi³ qui³si³cje³tˀa³ je¹-na¹, cˀoa⁴ qui³si³tsje³-na¹, cˀoa⁴ tsa³cˀe¹chji¹ntjai²-na¹.

1 Corintios 1:9

Ni³na¹ nˀion¹tˀa³con³, je² xi³ qui³nchja⁴-no³ nca³ to⁴jnco³ coi⁴yo³cao⁴³ je² ˀnti¹-le⁴ xi³ Nai³-na¹ Jesucristo.

1 Corintios 15:1

Ntˀai⁴ si³qui²xi⁴ya³-no³, ntsˀe³, je² en¹nta³ xi³ tˀa³tsˀe⁴ Cristo xi³ cˀoa⁴-sˀin² qui³nchja²ya³jin³-no³, jña³-le⁴ xi³ cˀoa⁴-ti⁴ qui³chjoao¹³, jña³-le⁴ xi³ cˀoa⁴-ti⁴ ti³yo³cao⁴³,

2 Corintios 13:14

Je² cjoa⁴nta³-le⁴ Nai³-na¹ Jesucristo, cˀoa⁴ je² cjoa⁴tjao²cha³-le⁴ Ni³na¹ cˀoa⁴-sˀin² ca²tˀe²yo³jin³-no³ nca³tsˀio³ cjoa⁴-vi⁴, cˀoa⁴ nca³ ña³tjen⁴ coi⁴yo³cao⁴³ Espíritu Santo. Cˀoa⁴ ca²ta³ma³.

Efesios 3:6

Coi³ xi³ cjoa⁴ˀma³-vi⁴: Je² cho⁴ta⁴ xi³ li² judío-jin² cˀoa⁴-sˀin² to⁴jnco³ sˀe³-le⁴ je² cjoa⁴tjao² je²-vi⁴, cˀoa⁴ to⁴jnco³ yao³-le⁴ xi¹ncjin¹. To⁴jnco³ qui³ni²sˀe³nqui³-le⁴ nca³ tjio¹cao⁴ Cristo xi³ to⁴tˀa³tsˀe⁴ je² en¹nta³ tˀa³tsˀe⁴ Cristo.

Filipenses 1:7

Tjin¹-na³ cjoa⁴qui²xi⁴ nca³ cˀoa⁴-sˀin² si³cja³ˀai³tsjen³ tˀa³tsaon⁴³ nca³tsˀio³, nca⁴ si³cjao¹que³-no³. Jon² nio¹³ xi³ to⁴jnco³ ti³chjoe¹cao⁴-nao¹³ cjoa⁴nta³-le⁴ Ni³na¹, nca³ ti²jna⁴ cjoa⁴ñˀain³, cˀoa⁴ nca³ nchja²ntje²³ nca³ si³qui²xi⁴ya³nta³ je² en¹nta³ xi³ tˀa³tsˀe⁴ Cristo.

Filipenses 2:1

Tsa² si¹nˀion¹-ta³coan³² Cristo, tsa² je² cjoa⁴tjao²cha³ vˀe¹ne²-na¹, tsa² ña³qui³ cjoa⁴qui²xi⁴ ti³yo³cjoa³² cao⁴ je² Espíritu Santo, tsa² tjin¹-na¹ cjoa⁴tjao²cha³ cao⁴ cjoa⁴ma⁴ta³con²,

Filipenses 3:10

Cˀoa⁴-sˀin² ˀve³coan³ nca³yi³je³ cjoa⁴ nca³ li²jme³ chji¹-le⁴, jme¹-ni³ nca³ scoe³-si¹nia³ Cristo cao⁴ nca³nˀion¹-le⁴ nca³ ja³ˀa³ya²-le⁴, cˀoa⁴ jme¹-ni³ nca³ cˀoa⁴coan⁴tˀain³-si¹nia³ cjoa⁴ñˀain³ nca³ fi³tˀa³-le⁴ Cristo. Cˀoa⁴ ca²ta³cjoan³ nca³ an³ jo³ cjoan³ nca³ je² nca³ cˀen³.

Colosenses 1:13

Cˀoa⁴-sˀin² tsa³cˀa³sje³ntjai²-ni³na¹ je² nca³nˀion¹-le⁴ cjoa⁴njion². Qui³si³cja³ˀa³-na¹ ya⁴ jña³ nca³ va³te¹xo³ma³ je² ˀnti¹-le⁴, xi³ cjai¹nca³ tsjoa³que³, je² Jesucristo.

1 Tesalonicenses 1:10

Ti³cho³ya²-lao⁴³ ˀnti¹-le⁴ Ni³na¹ xi³ cjoa⁴ˀai¹-ni³ ncˀa³jmi³, je² xi³ Ni³na¹ qui³si³cja³ˀa¹ya³-ni³le⁴ ya⁴jin³-le⁴ cˀen³, je² Jesús xi³ fa³ˀa¹xin²-na¹ cjoa⁴ñˀain³ xi³ cjoa⁴ˀai¹.

1 Timoteo 6:2

Je² xi³ tjin¹-le⁴ nai³ xi³ ma³cjain¹-le⁴ tˀa³tsˀe⁴ Cristo, a³li² to⁴cjoa⁴-jin² ve³con³, nca⁴ cˀoa⁴²-ti⁴ ntsˀe⁴. To⁴sa³ nqui²sa⁴ nta³ ca²ta³si¹xa¹-le⁴ nca⁴ je² nai³-le⁴ cho⁴ˀnta³-ve⁴ cˀoa⁴-ti⁴ ma³cjain¹-le⁴ tˀa³tsˀe⁴ Cristo, cˀoa⁴ tjao²cha³ ma³ xi¹ncjin¹. Je² cjoa⁴-vi⁴ ta⁴co²yai³, cˀoa⁴ tˀe²nai²³.

Hebreos 2:12

Cˀoa⁴tso²: Coi³nchja²ya³-ni³le⁴ ntsˀe³ je² jan³ˀain¹-li⁴, ya⁴jin³-le⁴ cho⁴ta⁴-na⁴ cˀoa³sje³nta³-le²³.

Hebreos 3:1

To⁴coi³ ntsˀe³ xi³ tsje³ cjoaon³, jon² xi³ cˀoa⁴-ti⁴ tsa³cja³ˀa¹jin³-no³ xi³ tˀa³tsˀe⁴ ntia⁴² xi³ tsˀe⁴ ncˀa³jmi³, nta³ ti⁴cja³ˀai³tsjen³jion³ xi³ tˀa³tsˀe⁴ je² Cristo Jesús xi³ pa²stro⁴-le⁴, cˀoa⁴ na⁴ˀmi³ti¹tjon²-le⁴ je² cjoa⁴ xi³ ni²qui²xi⁴ya³nta³-nia¹.

Hebreos 3:14

Nca⁴ cji³tˀa³coa⁴² Cristo nca³ cˀoa⁴-sˀin² cjoan³², tsa² sa³ˀnta³ nca³ cjoe⁴tˀa³ nta³ coi⁴ntoa⁴nˀioan¹ je² cjoa⁴nˀion¹ta³con²-na¹ xi³ ti¹tjon² qui³sˀe³-na¹.

1 Pedro 5:1

Vˀe³tsˀoa²³-le⁴ nca³tsˀi³ cho⁴ta⁴jchi¹nca³ xi³ tjio¹jin³-no³, cˀoa⁴-ti⁴ an³ cho⁴ta⁴jchi¹nca³ nia¹³ cao⁴ je². An³ tsa³ˀve³ cjoa⁴ñˀain³ xi³ qui³sˀe³-le⁴ Cristo, cˀoa⁴-ti⁴ an³ sˀe³-na³ cjoa⁴je³ya³ xi³ coan⁴tsen³.

2 Pedro 1:16

Cˀia⁴ nca³ tsa³cˀin²ya³-lai²⁴jin⁴ xi³ tˀa³tsˀe⁴ nca³nˀion¹-le⁴ Jesucristo Nai³-na¹, cˀoa⁴ jo³-sˀin² nca³ cjoa⁴ˀai¹, li²coi³ qui³ni²sin³-lai⁴jin⁴ xi³ to⁴cuento ˀmi², xi³ to⁴jin⁴ tsa³cˀe²ntai³⁴-jin⁴, to⁴nca³ je² xcoin³⁴-jin⁴ cˀoa⁴-sˀin² tsa³ve³ je² cjoa⁴je³ya³-le⁴.

1 Juan 1:1

Je² xi³ ti¹jna³ sa³ˀnta³ nca³ to²tsˀin³-le⁴ cjoa⁴, xi³ qui³no²ˀyai²⁴-jin⁴, xi³ xcoin³⁴-jin⁴ tsa³ˀya³-ni³jin⁴, xi³ qui³cho²tsen³-lai⁴jin⁴, xi³ ntsai⁴-jin⁴ qui³ni²cao⁴-ni³jin⁴, xi³ tˀa³tsˀe⁴ je² en¹ xi³ tsjoa¹ cjoa⁴vi³jna³chon³ nca³ntsjai².

1 Juan 1:5

Je² cjoa⁴qui²xi⁴ je²-vi⁴ xi³ qui³no²ˀya²-lai⁴jin⁴, xi³ no²cjoa⁴ya³jin³-lai²⁴jin⁴ nca³ jon². Je² Ni³na¹ xi³ si¹ˀi³sen³, tsin² cjoa⁴njion²-jin² xi³ tsˀe⁴ ni⁴ˀi⁴tse¹-jin².

1 Juan 1:7

Cˀia⁴ tsa² jña³ nca³ i³sen³ ma³nquian¹, jo³-sˀin² jña³ nca³ i³sen³ ti¹jna³ nca³ je², cˀoa⁴-sˀin² ti³yo³cjoa³² xi²nquia⁴², cˀoa⁴ njin¹-le⁴ Jesucristo ˀnti¹-le⁴ Ni³na¹ si¹tsje³ya³-na¹ nca³yi³je³ je¹-na¹.