YAKUB 2:1 - BIBALDA TA PELDETTA

¹ Ɓosiyonna, vida vigiya hay Bum-Sumuna vaya Yesu Kristu nigi ma rigasa' hiɗi poŋ-irta vi sumunɗi.

YAKUB 2:1 Iomraidhean Croise

2 LABAR-MA-LIYNA 19:7

Wulin kayni, hingi narta vi Ma-Vatɗina cuk kigiya; ligi ŋali hay li ma nigi li va'a, kay ɗutta tay vi Ma-Vatɗina Lawna vayɗi, poŋ-irta tayɗi, vi vulda hay ɓam saɗi kaw.

LAW MA NIR-NIRAMNA 24:23

Tan kayni lo mi va ma may goy vi sa yalla pa: Ka ir sumuna vun kitata kayni may ŋaaɗi.

LAW MA NIR-NIRAMNA 28:21

May ŋaa'a kay poŋ ir sumunɗi, kay slurguɗum fun ne' ɦawa, san as kal tuwam hay sulukŋa.

SA LEVITNA 19:15

Nigi ma li bay-ɗigerta hay kitata vigiɗi nigi ma gi dirgi kuɗ sa ma hawnɗi, gut kuɗ sa ma dononɗi kaw, may sugolgina nigi ma kaam kitata valam hiɗi hagat ta hay liya'ta.

MATEWUS 22:16

Nisi cuk sa hatayna visiya hiɗi sa Herodiyan talamu, ka dum ala: Bum-yalla, numa wi ala naŋ sa ma di gasita, naŋ hat hagata vi Lawn tam sumuna hiɗi gasita kaw, naŋ li nar kay saɗi, ka ir saɗi kaw.

LOPNA 10:34

Peter sli ditiya di'e: Nan digi gasita, nan hum lawt kaynawa, kay Lawna may ka ir saɗi.

LOPNA 20:21

nan di goy tam sa Yudiyana, tam sa Grekŋa kaw, kay ham vok Lawna, vi hay Bum-sumuna vaya Yesu kaw.

LOPNA 24:24

Li buur ca kayni, Feliks co hiɗi cata valam Dursila ta Yudiyata, na' gi suniya kay mar Paulus. Nam humum kay vida hay Kristu Yesu.

LOPNA 7:2

Stefanus hot dit ala: Ɓosiyonna hiɗi sumiyanu, humgiya! Lawna ma gajijita vul tuwam kir Abraham buya, hay li ma nam ay hay Mesopotamiya, jew a nam mus hay Haran;

ROMENA 1:11

Kay gizangi vanawa, nan min kay ɗuwgiya, kay nan min ɓuraw tigiya vulda-slugota vi ŋusta kay nigi ma fi donota.

1 KORINTENA 2:8

Va ma muliyana vi nagata kep kaw may wumɗi, kay la nisi wum wiya, nisi as ɓal Bum-Sumuna vi gajijita kat gu-ma-grakŋaɗi.

GATTA-SEM-MA'TA 1:17

Hay li ma nigi ka kitata vigi ɗawni, vargi kay ŋolda vi sanɗi, nigi ma hum kuɗ sum sa gurayna hiɗi sa ŋulona; nigi ma li nar kay saɗi, kay kitat kayni na' vi Lawna, la law tara suwgiyawa, nigi ma mara' vokanu, kay nan ma huma'a.

GATTA-SEM-MA'TA 16:19

Nigi ma ɓulak gasit goyɗi, nigi ma jak kay ŋolda vi sanɗi, nigi ma yaw va hay ɓam saɗi, kay sle ma yawam hay ɓam sana duk ir sa yalla, ɓulak yoboyna vi sum sa ɗigera kaw.

KOLOSENA 1:4

kay numa humi labara kay vida vigiya hay Kristu Yesu, hiɗi ti-kamda vigiya ta nigi la' tam sa peldetna kaf,

1 TIMOTEWUS 1:19

hay li ma naŋ ŋom vida hiɗi tap-wida ta ŋaata. Tap-wida na'ta segena noyo'awa goyo, vida visi koowa goloŋo.

1 TIMOTEWUS 5:21

Nan daŋu vok ir Lawna, vok ir Kristu Yesu hiɗi vok ir sunda-Wuralawna sa vileki-goyna kaw, a naŋ ma li slen kayni bay giriŋi, bay ka-irta kaw.

TITUS 1:1

Paulus, sa ma sunda vi Lawna, Apostolla vi Yesu Kristu kaw, kuɗ vida vi sa vileki-goyna vi Lawna, hiɗi wida vi gasita ta ŋray hiɗi poyta ŋaata vok Lawna,

TITUS 2:13

Hay li ma nay cub cubta-sle'ta hiɗi ɗek-goyta vi gajijita vi Lawna vay ma ŋolla ma su'da, Kristu Yesu.

HEBRENA 1:3

Goor namna gajijita vi Lawna wile goy hay tuwam pa, nam ŋray ca hiɗi namu kaw, ma ziy slen pet kulo'o hiɗi donota vi yoboyna valamu, hay li ma nam vat hiɗi poora vi sulukŋa vatna, nam musawa gaa gal ɓamta jufta vi Lawna ma gaŋeraŋ-petna hay liyn ma Kulo-Jamna,

HEBRENA 12:2

iray cuki kay Yesu, bum vida vaya ma nara' tam lita goy pasiyakka. A nam mus hay firita ma ŋaɓam kalamu, nam ziy gu-ma-grakŋawa, nam ɗuw zulota birek-ceke, musawa gaa'a kay zlamda-mulda hay gal ɓam ma jufna vi Lawna kaw.

YAKUB 1:16

Ɗutgi tuwgi goyɗi, ɓosiyon sa hayan kigina,

YAKUB 1:19

Nigi ɓosiyon sa hayan kigina, nigi ma wi ala, san gigekaw ma jak humamu kay hum gosoyo, may di gosoyɗi, muɗ ɦiy gosoyɗi kaw.

YAKUB 2:3

la nigi tun ŋalda vigi kay nam ma cuk sligar ma wilena, la nigi dum ala: Naŋu musaŋ tani hay liy ma ŋaana, may nigi di tam sa ma hawn ala: Naŋu, colaŋ kulo tani, lebo musaŋ kay va ma tun sem kalamna ni,

YAKUB 2:9

May la nigi poŋ ir sumuna nigi li sulukawa, nigi ma vi ala nigi raw vun-ma-gatnawa goyo.

YAKUB 3:17

May yalla ma may kulo pana nam peldete, nam min sle'ta, nam ŋali, tap jaara, hobay hiɗi slugota hiɗi vuɗna ma ŋaana, bay poŋ-irta, bay mileta kaw.

2 PETER 1:1

Simon Peter, sa ma sunda hiɗi Apostolla vi Yesu Kristu, tam nisi sa, kuɗ lop ma ɗigera vi Lawna vaya hiɗi sa ma su'da Yesu Kristu, hiɗi ɓurawta hay vida ki nay fi nala kaw.

YUDAS 1:16

Nisi kayni si sum sa ŋurnay jar-tuwsiya, sum sa giriŋi sa poy kuɗ darta visi kay tuwsiya, nisi di yoboy ma subur-tuwna, ɗut sumun kaw kay gar fita.

WID-ŊAYAYTA 14:12

Tani so-tuwta vi sa peldetna ka'a, nisi sa ŋom vun-ma-gatna vi Lawna hiɗi vida hay Yesu.