YAKUB 1:1 - BIBALDA TA PELDETTA

¹ Yakub sa ma sunda vi Lawna, vi Bum-Sumuna Yesu Kristu kaw, tam jafna sa doogo yam ma'na sa meray goyna, gigi deɓe.

YAKUB 1:1 Iomraidhean Croise

1 MULIYANA 18:31

Nam yaw hiɗiyn doogo yam ma' kuɗ ŋaɓta vi jafna vi gurona vi Yakub, ma Ma-Vatɗin di talam ala «Semda vaŋu ma ya' Israyel»,

ESDRAS 6:17

Kay malta vi vun-ziyda vi Lawna, nisi ŋat luway-jufayn kis, fok-gamalan kis-ma', guro fok-dimin kis-fiɗi; lo kay sulukŋa vi sa Israyel kaf nisi ŋat fok-ŋekŋa doogo yam ma', ŋray dig ŋaɓta vi jafna vi sa Israyella.

ESTER 3:8

Haman di tam mulla Asuwerus ala: Hay mulda vaŋu, jaf mara ka'a, nam ɦeleŋe jar sum segen kaf, goy ir valamu hay mulda vaŋ kafe; gatta visiya goy va'a hiɗi jaf-sum segena, nisi may hum kuɗ gatta vi mulla noŋɗi, kayni may ŋaa'a kay hinsi hay tun-sukka loɗi.

KAL-GOYTA 24:4

Musus ɗo dita vi Lawn kaf gaa'a. Bugolda nam fok kulo hay graw culum culum'; nam in giwin-ma-ɗifinna gaa kuɗ hiɗiyta, nam jak hiɗiyn kulo doogo yam ma', kay jafna vi Israyel sa doogo yam ma'na.

KAL-GOYTA 28:21

Nam ma li doogo yam ma', kuɗ sem gurona vi Israyel, hayam ma li ɗoy gaa'a ki tampoŋŋa nala. Jafna vi Israyel sa doogo yam ma'na semda visi ma li ɗoy hayam kafe.

KAL-GOYTA 39:14

Nam noŋ pet doogo yam ma', ŋray hiɗi sem gurona vi Israyel; ɗoy gaa'a ki tampoŋ nala, jafna vi Israyel sa doogo yam ma'na semda visi ka ɗoy hayam kafe.

EZEKIYEL 12:15

Nala nisi ma wi ala nanu mi Ma-Vatɗina, hay li ma nan ma mersi goyo jar jaf-sumun kaf, hay li ma nan ma mersi goy hay nagat tara'a tara'a.

SA LEVITNA 26:33

Nan ma mergi goyo jar jaf-sumuna, nan ma digiɗgi kuɗgi hiɗi kew-gaferaŋa. Nagata vigi ma ɓulak goyo, hoyok-ziyna vigi ma muɗ mi fulu.

MATEWUS 10:3

Filip hiɗi Bartelemi, Tomas hiɗi Matewus ma tar vun-lumuna, Yakub goora vi Alfewus hiɗi Tadewus,

MATEWUS 13:55

Kayni may mi goora vi sa ma ceɗ gun kilanɗi su? Sulumu ya' Mariya ɗisu? Ɓosiyomna Yakub, Yosef, Simon hiɗi Yudas kaw naɗi su?

MATEWUS 19:28

Yesu hot disiya: Nan digi gasita: Hay li ma goora vi sana ma mus hay zlamda-mulda vi gajijita valamu hay mu'da wulita vi slen kaf ɗawni, nigi sa tap kuɗanna, nigi ma lak hay zlamda-mulda doogo yam ma', nigi ma ka kitat kay jafna vi Israyel sa doogo yam ma'na.

MARKUS 3:18

hiɗi Andre hiɗi Filip, hiɗi Bartelemi, hiɗi Matewus hiɗi Tomas, hiɗi Yakub goora vi Alfewus hiɗi Tadewus, hiɗi Simon ma Kanaaniyana,

LUKAS 22:30

Kay nigi ma ti'e ci'e kay tablena vanu hay mulda vanu, nigi ma lak hay zlamayn-mulda kaw kay ka kitat kay jaf sa Israyel sa doogo yam ma'na.

LUKAS 6:15

Matewus hiɗi Tomas, hiɗi Yakub goora vi Alfewus, hiɗi Simon ma yum ala «ma ciwera».

YOHANA 12:26

La sa sunanu, nam tap kuɗanu, liyn ma nan ka haya, sunda vanu ma mus haya kaw. La sa sunanu, Bumna ma vulum suburta.

YOHANA 7:35

Sa Yudiyana di jar-tuwsiya: Nam ma tuɗ arige, a nay as fumɗi kayni? Nam min kal goy tam sa Yudiyana sa meray goy jar sa Grekŋa kay hat sa Grekŋa su?

LOPNA 1:13

Hay li ma nisi cuk kulo haya, nisi kal kulo hay ziyda-kulota hay liyn ma nisi lak hay dok-dokŋa: Peter, Yohana, Yakub hiɗi Andre, Filip hiɗi Tomas, Bartelemi hiɗi Matewus, Yakub goora vi Alfewus, Simon ma ciwera, hiɗi Yudas goora vi Yakub.

LOPNA 12:17

Nam daksi hiɗi ɓalamu kay nisi ma lak ŋal kiliŋ', nam tun caw visi labara ala nanige Bum-Sumuna butumay goy hay daŋgayna pa. Nam ka di ala: Van kayni nigi ma dum goy tam Yakub hiɗi ɓosiyomna. Nam kalay goyo, kal hay liyn mara'a.

LOPNA 15:13

Hay li ma nisi ba vunsi bana, Yakub sli lawtiya di ala:

LOPNA 15:21

Kay hay jafna ma kalay ɓa-ɓana, hay hoyok-ziyna kaf sum sa kus Mususna ka'a, kay nisi ka jaŋam goyo hay sinagogayna hay sabatna kafe.

LOPNA 15:23

Nisi vulsi ɗerwelda ta ɗota haya' ɗoy ki kayn nala: Ɓosiyogina, sa Apostolayna hiɗi sa maariyana tam ɓosiyomana sa jar sa waana sa hay Antiokiya, sa hay Siriya hiɗi sa hay Kilikiya, gi-deɓta tigiya!

LOPNA 2:5

May hay buur namna, Yudiyana sa viy kuɗ Lawna ay tokay hay Yerusalem, nisi may goy jar jaf-sumuna sa gaa kay nagat kuɗulu.

LOPNA 21:18

Hay buurta ka'ta, Paulus kalay hiɗi numa'a tam Yakub, sa maariyana kaf tokay hay liy namna ɗawni kaw.

LOPNA 23:26

Klawdiyus Lisiyas gi deɓ mi guverner ŋolla Feliks!

LOPNA 26:7

Cubta-sle'ta ta jafna vuma'a ma doogo yam ma'na ka girif Lawna hiɗi na'a bay tun suku, hay henjeta hiɗi falayta kaw, cub kuɗ sle'ta ta-ta co tam yamda-dabta vi deŋga. Sa Yudiyana pi lawt kan kayni kuɗ cubta-sle'ta na'ta, mulla.

LOPNA 8:1

Saulus tap vunam hay mitta vi Stefanus. Hay buur namna kayni, lasta ta ŋolda fokay kulo'o kay sa tapna hay Yerusalem; nisi kaf meray goyo hay nagata vi Yudiya hiɗi Samariya, hin kayni si sa Apostolayna tuta.

ROMENA 1:1

Paulus, ma sunda vi Kristu Yesu, yumi kay lop apostolla, vileki goyo kay kus labara ma firina vi Lawna,

GALATENA 1:19

Hay na'ta nan may wi sa ma Apostolay mara noŋɗi, may mi Yakub ɓasum Bum-Sumuna kepe.

GALATENA 2:12

Kay hay li ma sum sa Yakub cuksiyayna bay co hay Antiokiya tuwana, Kefas ka ti fun hiɗi sa waana, may hay li ma nisi coowa, nam hot goy bugolomu, min tap hiɗi nisi loɗi, kay nam li nari kay sa kaay-gosayna.

GALATENA 2:9

Hay li ma Yakub hiɗi Kefas hiɗi Yohana sa ŋaɓay ki dolla (vi tapna) nala wi slugota ta vulanti manu, nisi vul ɓisi ta jufta man nanu hiɗi Barnabas kay ɗek tapta-kepta vuma'a: Kay numa ma tuɗ tam sa waana, nisiya tam sa kaay gosayna may.

GATTA-SEM-MA'TA 28:64

Ma-Vatɗina ma mergi goy jar jaf-sumun kaf, hay vun nagat hen pa ta-ta gal hen goŋ', nigi ma girif lawayn sara'a sa nigi kay tuwgi may wisiɗi, sa sumaygi may wisiɗi kaw: Guna hiɗi hiɗiyna.

GATTA-SEM-MA'TA 30:3

ki kayn nala Ma-Vatɗina Lawna vigiya ma hot sa gorvona vigi aya, ma li slugot kigiya, nam ma hot tokgiyaya goy jar sum sa nam digiɗgi goy jarsin pa lo.

GATTA-SEM-MA'TA 32:26

Nan min di'e: Nan min biwsi goyo, nan min ɦassi sesi goyo jar sumuna.

GATTA-SEM-MA'TA 4:27

Ma-Vatɗina ma mergi goy jar jaf-sumuna, nigi ma hin ɗawni ir kiɗaya jar jaf-sum sa Ma-Vatɗin nargi hay nagata visin ɗawni.

FILIPINA 1:1

Paulus hiɗi Timotewus, sa sunda vi Kristu Yesu, tam sa peldetna kaf sa hay Kristu Yesu, sa ka hay Filipi, tam sa ŋomda hiɗi sa sunda:

2 TIMOTEWUS 4:21

Naŋ ma gar hagata a co tani jew cayda. Eubulus hiɗi Pudens hiɗi Linus hiɗi Klawdiya hiɗi ɓosiyayn kaf gaŋ deɓe.

TITUS 1:1

Paulus, sa ma sunda vi Lawna, Apostolla vi Yesu Kristu kaw, kuɗ vida vi sa vileki-goyna vi Lawna, hiɗi wida vi gasita ta ŋray hiɗi poyta ŋaata vok Lawna,

1 PETER 1:1

Peter, apostolla vi Yesu Kristu, tam sa vilekay-goyna, sa meray goy pulu hay Pontus, hay Galatiya, hay Kapadokiya, hay Asiya, hay Bitiniya kaw,

2 PETER 1:1

Simon Peter, sa ma sunda hiɗi Apostolla vi Yesu Kristu, tam nisi sa, kuɗ lop ma ɗigera vi Lawna vaya hiɗi sa ma su'da Yesu Kristu, hiɗi ɓurawta hay vida ki nay fi nala kaw.

YUDAS 1:1

Yudas, sa ma sunda vi Yesu Kristu, ɓasum Yakubna kaw, tam nisi sa yiyna, sa hayan kisiya hay Lawna bumna, sa ŋarak koɗi kisiya hay Kristu Yesu.

WID-ŊAYAYTA 7:4

Human hum ŋaɓta vi sa soon tuni hay voksina, nisi birim kis-fiɗi kalam dok-fiɗi yalam fiɗi hay jafna vi Israyel noŋ kaf.