NULLA 82:2 - BIBALDA TA PELDETTA

² Nigi ma ka kitat bay-ɗigere, tap vungi hiɗi sa jiw-zlata kaw ta-ta lancitige? Gi-suk.

NULLA 82:2 Iomraidhean Croise

1 MULIYANA 18:21

Nala Eliyas co tam sumun kaf, nam ka disi ala: Nigi ma lak hay gal ma' ma' nala ta-ta lancitige? La Ma-Vatɗin mi Lawna, vigi kuɗumu, la Lawna vigi mi Baal, vigi kuɗumu may. Sumun min hotom ditɗi.

2 LABAR-MA-LIYNA 19:7

Wulin kayni, hingi narta vi Ma-Vatɗina cuk kigiya; ligi ŋali hay li ma nigi li va'a, kay ɗutta tay vi Ma-Vatɗina Lawna vayɗi, poŋ-irta tayɗi, vi vulda hay ɓam saɗi kaw.

JOB 32:21

nan ma poŋ ir sa noŋɗi, nan as kay ɗut sa-wuraɗi,

JOB 34:19

May Lawn hayɗin wi sa ma yerimaɗi, nam may poŋ ir sa ma farayn goy hiɗi sa ma hawnɗi, kay nisi kaf kayni si sa nam kotsina.

NULLA 62:3

Nam kepe mi hiɗiyna vanu hiɗi su'da vanu, mi ziyn ma ŋayna vanu, nan as geɗ noŋɗi.

KAL-GOYTA 10:3

Musus hiɗi Aaron tuɗi kat Farawn, nisi dumu: Ma-Vatɗin Lawna vi sa Hebrena ka di ala: Naŋ ma mus bay hot yaŋ gaa kuɗan ki kayn nala ta-ta lancitige? Hinaŋ sumuna van kal goyo, kay nisi ma sunanu.

LAW MA NIR-NIRAMNA 18:5

May ŋaa'a kay tap varta hiɗi sa ma joonɗi, kay nam ɓulak hagata ŋaa'a vok sa ma ɗigera.

EZEKIYEL 45:9

Bum-Sumuna Ma-Vatɗina di ala: Asawa nata, muliyana vi Israyel, hingi ɦawlata hiɗi vurumta goyo, ligi gasita hiɗi ɗigerta, butgi sumuna van goy ɓam curo'da vigiya. Din mi Bum-Sumuna Ma-Vatɗina.

SA LEVITNA 19:15

Nigi ma li bay-ɗigerta hay kitata vigiɗi nigi ma gi dirgi kuɗ sa ma hawnɗi, gut kuɗ sa ma dononɗi kaw, may sugolgina nigi ma kaam kitata valam hiɗi hagat ta hay liya'ta.

MATEWUS 17:17

Yesu hot dita: Nigi jaf ma bay-vina ma viyuk-viyukŋa, nan ma mus hiɗi nigi atage? Nan ma ziygiya ta-ta lancitige? Maramay tan tani.

GALATENA 2:6

may nisi sa ŋaɓay ki sa ŋulona nala, Ŋolda visi ay ir mige kla kayni lawta vanɗi, kay Lawn may ka ir saɗi. Nisi sa ŋulona may dan law maraɗi.

GATTA-SEM-MA'TA 1:17

Hay li ma nigi ka kitata vigi ɗawni, vargi kay ŋolda vi sanɗi, nigi ma hum kuɗ sum sa gurayna hiɗi sa ŋulona; nigi ma li nar kay saɗi, kay kitat kayni na' vi Lawna, la law tara suwgiyawa, nigi ma mara' vokanu, kay nan ma huma'a.