NULLA 7:9 - BIBALDA TA PELDETTA

⁹ Ma-Vatɗina, kaaŋ kitat kay sumuna, kaaŋ kitata van hay hagata va'a kuɗ bay-joota vanu, kaaŋ kitat kanu kuɗ ɗigerta vanu hiɗi bay-joota vanu.

NULLA 7:9 Iomraidhean Croise

CAWA'TA TUNITA 20:5

Nam kay tuwam dan ala na' ti ɓasulumta, na' kaw ala nam mi ɓasu'na ɗisu? Nan li kayni may hiɗi dikga ta wuratɗi, hiɗi dikga ta jootɗi lay.

1 MULIYANA 8:32

hay wuralawn pa humaŋ siɗawta valamu, laŋ va'a, kaaŋ kitata vi sa sunda vaŋu; kaaŋ kitat kay sa ma li joota, hotaŋ joota valam kalamu, gaŋ diraŋ kuɗ sa ma ɗigera, gutaŋ kuɗumu kay bay-joota valamu.

1 LABAR-MA-LIYNA 28:9

Taŋ naŋu goora vanu Salomon, naŋ ma wi Lawna vi sumiyaŋu, naŋ ma sunumu hiɗi dikga ma' ma'taɗi, hiɗi ciwta vaŋ koti ŋaa'a, kay Ma-Vatɗina fek dikga kaf, nam poŋ ir varta kaf. La naŋ garamu nam ma hin tuwam a naŋ ma fumu, may la naŋ noyom goyo, nam ma gaŋ goyo kay dok-doko.

NULLA 10:15

Kusaŋ ɓam sa ma jiw-zlat goyo, kaŋ kitat kay jiw-zlata valamu, hinim vatis goy vok iraŋu.

NULLA 10:18

kay ka kitata vi sa kuyuna hiɗi sa ka vun curo'da. Kay sana ma koti hiɗi nagana ma li waskayta dok-dok loɗi.

NULLA 11:5

Ma-Vatɗina fek dik sa ma ɗigera hiɗi sa ma joona; nam ka gaw tam sa ma joona hiɗi sa ma waskayna.

NULLA 139:1

Tam ma ŋolla vi sa gi nulla. Nulla vi David. Ma-Vatɗina, naŋ fekanu, naŋ wan kaw.

NULLA 17:3

La naŋ fek dikanu, la naŋ co ɗuwan henjeta, la naŋ wakanu kaw, naŋ as fi va hayanɗi. va ma kal goy hay vunanu ŋray ca hiɗi va ma nan varamu kaw.

NULLA 18:21

Ma-Vatɗina lan ŋaa'a kuɗ ɗigerta vanu, nam wurakanu kuɗ ɓan ma muzi goy cet-cetna.

NULLA 26:2

Ma-Vatɗina, fekan ŋaa'a, wakaŋ dikanu hiɗi varta vanu kaw.

NULLA 35:23

Lawna vanu, Bum-Sumuna vanu, zliyaŋ kulo'o, musaŋ iriya kay li tanu kuɗ ɗigerta vanu, ka kitata vanu hay hagata va'a kaw.

NULLA 37:23

Ma-Vatɗina kot poyta vi san dono'o, Hagata valamu kiram ŋaa'a kaw.

NULLA 40:2

Nan tun vida vanu hay Ma-Vatɗina, nam her gaa tanu, hum siwelda vanu kaw.

NULLA 43:1

Kaaŋ kitata van hay hagata va'a naŋ Lawna, gutaŋ kanu vok jaf-sum sa bay-ɗigera. Suɗan goyo kay jaf-sum sa ɗutna hiɗi sa jiw-zlata.

NULLA 44:21

La yuma jok semda vi Lawna vuma'a, la numa meɗ ɓuma kulo kat lawayn ma pulla,

NULLA 58:6

nam hum del sum sa li gul-yalda hiɗi namnaɗi, La sum sa liskinna sa yal ŋolo kaw.

NULLA 9:9

Nam ka kitat kay sumuna hiɗi ɗigerta, nam ka kitat kay sumuna hiɗi gasita.

NULLA 96:10

Digi goy jar jaf-sumun ala: Ma-Vatɗin ka ti mulu; lo nagat coli dono'o, na' may geɗ noŋɗi. Ma-Vatɗina ka kitat kay jaf-sumun hiɗi gasita.

NULLA 96:13

Vok ir Ma-Vatɗina. Kay nam ka ma'a, kay nam ka ma'a kay ka kitata kay nagata. Nam ma ka kitat kay nagata hiɗi ɗigerta, ma ka kitat kay sumuna kuɗ gasita valamu.

NULLA 98:9

Vok Ma-Vatɗina! Kay nam ka co'o kay ka kitata kay nagata; nam min ka kitata kay nagata hiɗi ɗigerta, nam min ka kitat kay sumun hiɗi kitata ɗigerta kaw.

YEREMIYAS 11:20

May Ma-Vatɗina vi vok-ma-duura mi sa ma ka kitat ɗigere, namu mi ma fek dikga hiɗi glesna, nan wi sla naŋ ma joban yan katsiya, kay nan vul lawta vanawa hay ɓaŋu.

YEREMIYAS 17:10

Nanu Ma-Vatɗina, nan fek dikga, nan fek glesna, kay vul mi gige kuɗ poyta valamu, kuɗ vuɗna vi lopna valamu.

YEREMIYAS 20:12

Ma-Vatɗina vi vok-ma-duura wak sa ma ɗigera, nam fek glesna hiɗi dikga, naŋ ma job yaŋ katsiya, kay nan hin tuwan hay ɓaŋu,

DANIEL 11:45

Nam ma pi guɗukŋa vi ziy ma mulda valamu goy jar niy-ŋolla, hay galla vi hiɗiyta ta gajijita ta peldetta. Bugol kayni nam ma co tam dabta valamu, sa ma as kay co gut kuɗumu may loɗi.

LOPNA 12:23

Hay musta valam na dam' kayni, sunda vi Bum-Sumuna cumu, kay nam may vul suburta mi Lawnaɗi, jufulla tumu, sukam sa'ata.

ROMENA 16:25

May nam ma donota valam ka'a kay muɗgi ɗeŋe kuɗ labara ma firina vanu hiɗi kusta-yoboyna vi Yesu Kristu, kuɗ wida ta nay fa'a hay ŋayayta vi Lawna, ŋayayta na'ta ya' ay kusuɓiya hay liyn ma jewna,

1 TESALONIKŊA 3:13

Kay nam ma vul donota hay dikgiya a nigi ma lak bay joota hay peldetta vok Lawna buya, hay li ma Bum-Sumuna vaya Yesu ma ma'a hiɗi sa peldetna valam kaf.

1 PETER 5:10

May hay li ma nigi fi lastawa ir liyn neeɗa fina, Lawna mul slugota, nam ma yigi ay tam gajijita valamu ta vatɗita hay Kristu, nam ma pigi segi gaa'a ma muɗgi ɗeŋe, ma muɗgi dono'o, ma muɗgi ge'ɗi kaw.

YUDAS 1:1

Yudas, sa ma sunda vi Yesu Kristu, ɓasum Yakubna kaw, tam nisi sa yiyna, sa hayan kisiya hay Lawna bumna, sa ŋarak koɗi kisiya hay Kristu Yesu.

WID-ŊAYAYTA 2:23

Gurona va'a nan ma cisi goy mati; ekklesiyat kaf ma wi ala nanu mi ma fek glesna hiɗi dikga, nan min vul mi gige gige jargiya kuɗ lopna valamu valamu.

1 SAMUEL 16:7

Ma-Vatɗina di tam Samuel: Naŋ ma tun ŋalda vaŋ kay jifiyta valamu hiɗi fiyokka valamɗi, kay nan noyomawa goyo. Ma-Vatɗin may ɗuw kay va ma san ɗuwumnaɗi, san minim kayn mi va ma ɗuw kiram ŋaana, may Ma-Vatɗin ɗuwum kayni mi dik sana.

1 SAMUEL 2:9

Sa nam minsina nam ma ŋomsi sesi ma tuɗna. May sa joona ma vatis goyo jar jufunda; kay hiɗi donota valamu san as kol noŋɗi.