NULLA 53:2 - BIBALDA TA PELDETTA

² Sa ma ɦay-ɦayna di hay dikam ala: Lawna may noŋɗi. Nisi muɗi liwisi. Nisi li bay-ɗigertawa. Sa ma li ŋaa'a kep kaw mayɗi.

NULLA 53:2 Iomraidhean Croise

1 LABAR-MA-LIYNA 28:9

Taŋ naŋu goora vanu Salomon, naŋ ma wi Lawna vi sumiyaŋu, naŋ ma sunumu hiɗi dikga ma' ma'taɗi, hiɗi ciwta vaŋ koti ŋaa'a, kay Ma-Vatɗina fek dikga kaf, nam poŋ ir varta kaf. La naŋ garamu nam ma hin tuwam a naŋ ma fumu, may la naŋ noyom goyo, nam ma gaŋ goyo kay dok-doko.

2 LABAR-MA-LIYNA 15:2

nam kalay goy kir Asa, di talam ala: Humangiya, Asa, jafna vi Yuda hiɗi Benyamin kaf kaw, Ma-Vatɗina ka hiɗi nigiya hay li ma nigi ka hiɗi namu, la nigi garamu, nigi as fumu, may la nigi noyom goyo, nam ma noygi goyo kaw.

2 LABAR-MA-LIYNA 19:3

May slen ma ŋaana ka hay dikaŋu, kay naga ma ini kay girif Asera naŋ torom goyo hay nagata, naŋ tun dikaŋu kay gar Ma-Vatɗina.

JOB 28:28

Bugolda nam di tam sana: Narta kuɗ Bum-Sumuna kayni ti yalda. Ja jaraŋ goy hiɗi joota kayni ti wida-yalla.

NULLA 10:4

Sa ma jiw-zlata di tuwam hay jigal-tuwta valam ala: Lawn as ka kitatɗi, Lawna may noŋɗi, kayn ti varta valamu tuta.

NULLA 102:19

Kayni ma liys ɗoya kay jaf ma vokŋa, kay sum sa Lawn ma lisina nisi ma subur Ma-Vatɗina.

NULLA 11:4

Ma-Vatɗina ka hay Tempella valamu ma peldetna, zlamda-mulda vi Ma-Vatɗina ka hay wuralawna, iram ka ɗuwa, goŋ-iramu ka fek sum-wurana.

NULLA 111:10

Narta kuɗ Ma-Vatɗina kayni ti tun-cawta vi yalla, nisi kaf sa li nar kuɗumu ŋalda ŋaata visi ka'a, suburta valamu ka ta-ta hay vatɗita.

NULLA 27:8

Hay li ma naŋ di'e: Gargi kay ɗuw vokanu, dikan di ala: Ma-Vatɗina nan min gar kay ɗuw vokaŋu.

ESAYA 55:6

Gargi Ma-Vatɗina hay li ma nam ka'a, yigi semda valam hay li ma nam ka goboyo.

YEREMIYAS 16:17

Kay iran ka cuki kay poyta visiya, poyta visiya may ŋayay goy vok iranɗi, joota visiya may ŋayay vok iranɗi,

YEREMIYAS 23:24

Ma-Vatɗin di'e: San as col hay liy ma ŋayayna bay nan wum su? Nanu, nan as hob dukalawna hiɗi nagata ɗisu? Din mi Ma-Vatɗina.

GATTA-SEM-MA'TA 4:6

Nigi ma ŋoma'a, li kuɗa'a kaw, kay kayni ma li ɗawni ti yalda hiɗi yamda-wida vigiya kir sumun kaf sa hum slen namna cani, nisi ma di ala: jaf-sum sa ŋol nisin kayni ma li fisi si sum sa yali hiɗi sa yisi wi'e kaw!