NULLA 5:7 - BIBALDA TA PELDETTA

⁷ Nisi sa ka sinda naŋ hinsi mit goyo, sa ɦok busuwn goyna hiɗi sa ɗutna kir Ma-Vatɗin liwisi.

NULLA 5:7 Iomraidhean Croise

1 MULIYANA 8:35

Hay li ma dukalawn dukawa, niy ma sin may loɗi kuɗ sulukŋa visi ma nisi lum kataŋŋa, la nisi siɗaw hay liyn tani vul suburta kaw mi semda vaŋu, la nisi hin sulukŋa visi goyo kay wat ma naŋ watsina

1 MULIYANA 8:38

la san kepe lebo, la sum sa Israyel kaf siɗaw siɗawta ta hiɗi giɗel-delta, la gigekaw wi milla vi dikamu, la nam meɗ balamiyawa kat ziyd zawni,

NULLA 101:7

Sa ma li ɗutta, nam ma mus hay ziyna vanɗi, sa ma di law ma sinda ma col kulo vok iranɗi.

NULLA 130:4

May naŋ vul gida, kay sumun ma li nar kaŋu.

NULLA 132:7

Tuɗay hay ziyn ma musta valamu, girifay gaa'a vok va ma nam tun wur-selem kalamna.

NULLA 138:2

Nan min girif gaa vok Tempella vaŋ ma peldetna, subur semda vaŋu kay ŋaata vaŋu hiɗi gasita vaŋu, kay seŋ ma tiyna jori voko kuɗ deŋga vaŋu ta naŋ hoba' vuna'awa.

NULLA 28:2

Humaŋ del siɗawta vanu hay li ma nan siwel taŋu, hay li ma nan yaw ɓan kulo'o vok liyna vaŋ ma peldetna.

NULLA 34:17

Ma-Vatɗina muɗ iram goy kay sa li joota, kay gaa hay nagata hum sa'a ma gum kisi loɗi.

NULLA 51:1

Tam ma ŋolla vi sa gi nulla. Nulla vi David.

NULLA 52:8

Sa ɗigera ma wi kayni, li nar kaw, nisi ma cen kuɗumu di'e:

NULLA 55:16

Hin mitta co kisiya, hinsi cuk gaa hay liyna vi mitta iriya, kay joota ka hay ziyna visiya, hay diksiya.

NULLA 69:13

Nisi sa lak goy hay vun-galana kus yoboy hiɗi senu, nan tuni goy nulu kay sa ci dolayna.

NULLA 69:16

Hin niy ma jaŋŋa ɗubanɗi, hin zulla ɗuban goyɗi, hin kaata duk vuna' kulo kanɗi kaw.

LAW MA NIR-NIRAMNA 6:16

Slen ma Ma-Vatɗina ka gaw hiɗi namu ka karkiya, ma kir Ma-Vatɗin bisna ka siɗiya noŋo:

LAW MA NIR-NIRAMNA 6:17

Ira ma subur tuwamna, vun ma ɗutna, ɓamna ma ɦok busuw sum sa bay li joon goyna,

ESAYA 55:7

Hin sa ma joona noy hagata valam goyo, hin sa ma waana hin varta valam goyo kaw; hinim hot tam Ma-Vatɗina, ma min lum slugota. Hinim hot tam Lawna vaya, ma vul gid ŋolo.

ESAYA 64:11

Ma-Vatɗina, vok slen kayni kaf naŋ as mus kiliŋ su? Naŋ as mus hiɗi vunaŋ dukiya, kay sumuna ma hotma yuma gaa ta-ta su?

DANIEL 6:10

Hay na'ta mulla Dariyus tun selem gaa kuɗ ɗerwelda vi telda na'ta.

HOSEYA 3:5

Bugol kayni, gurona vi Israyel ma hotiya; nisi ma hot gar Ma-Vatɗina Lawna visiya, nisi ma gar David mulla visi lay, nisi ma li firi ŋolo hay li ma irsi ma wi Ma-Vatɗina, hiɗi ŋaata valam ta nam la'ata, ta-ta hay liyn ma vokŋ ɗaw.

LOPNA 9:31

Hay Yudiya, hay Galileya, hay Samariya kaw, ekklesiyata ay tuni hay sle'ta, na' ka in kulo'o, tuɗ ŋaa'a kaw hay narta vi Bum-Sumuna, ka ɦur voka'a hiɗi gutda vi Ŋusta-Peldetta.

HEBRENA 4:16

ɦuray kulo'o hiɗi vida tam zlamda-mulda vi slugota, kay nay ma muɗ kiram hawi, fi slugota kaw, a nam ma gutaya hay liyamu.

YOSUWA 24:15

La nigi may var kay sun Ma-vatɗinɗi, vaydi vilekgi sa ma nigi min sunumna: La mi lawayna ma sumaygi sunum ay goy bugol niy-lumna, lebo mi lawayna vi sa Amoriyana hay nagata ta nigi ka laki haya' wulini. Nanu hiɗi ziyna vanu numa min sun Ma-Vatɗina.