NULLA 5:10 - BIBALDA TA PELDETTA

¹⁰ Kay gasita tay hay vunsi loɗi, haysi hobawa hiɗi mileta, delsiya ki zulda ta mali goyt nala, yoboy ma golɓotna ka hay vunsiya.

NULLA 5:10 Iomraidhean Croise

2 SAMUEL 15:31

Nisi co tam David dum ala: Akitofel ka kuɗ Absalom jar sum sa fok lawtna. Nala David di'e: Ma-Vatɗina, yal ma Akitofel ɗekemna naŋ muɗum goy waa'a muɗge.

2 SAMUEL 17:14

Absalom hiɗi sum sa Israyel kaf di'e: Husay ma Arkin kayni, yal ma nam ɗekemna suw yalla vi Akitofel. Dolay kayni Ma-Vatɗina mini kay ɓulak yal ma ŋaana vi Akitofel, kay mar joot kay Absalom.

2 SAMUEL 17:23

Hay li ma Akitofel wi ala sa may li kuɗ gatta valamɗi, nam gan kurona valamu, kalay hay hoyok-ziyna valamu. Nam gi bolom mi sum sa vo valamna, bugol kayni nam jun tuwam kulo'o. Ki kayn nala nam mita, nisi pum hay zulda vi bulumu may.

2 LABAR-MA-LIYNA 25:16

Hay li ma nam ka lawa, Amatsiya di talamu: Numa tunaŋ kay vul gatta mi mulla lancitige? Baŋ vunaŋu. Naŋ min ala numa ma caŋu kay mige? Sa ma jobta vat vunam hiɗi dit ala: Nan wi ala varta vi Lawn coli vatiya kay ɓulakaŋ goyo, kay naŋ li slen kayni, may naŋ min hum gatta vanɗi.

ESTER 7:10

Nisi ɓal Haman kat guna ma nam kotomu kay Mardose. Nala ɦiyda vi mulla hot tun gaa'a.

NULLA 10:15

Kusaŋ ɓam sa ma jiw-zlat goyo, kaŋ kitat kay jiw-zlata valamu, hinim vatis goy vok iraŋu.

NULLA 107:11

kay nisi ŋel gatta vi yoboyna Lawna, ɗuw gatta vi ma ŋol ma kulona waa'a kaw.

NULLA 17:13

Ma-Vatɗina, fokaŋ kulo'o, ŋafam iramu, gum goy gaa'a. Suɗan goy kay sa ma jiw-zlata hiɗi kew-gaferaŋa vaŋu.

NULLA 31:18

Ma-Vatɗina hinan muɗ goy zuloɗi, hay li ma nan yi semda vaŋu. Hin sa joona muɗ zulo'o. Hinsi kal hay liyna vi mitta hiɗi vunsi dukiya.

NULLA 35:26

Nisi kaf sa ka li firi kay lasta vanu, hinsi muɗ zulo'o, caw goy yuloŋ' kaw. Nisi kaf sa subur tuwsi katanu hinsi cuk zulota hiɗi liwista kisiya.

NULLA 55:15

nay sa ay lakay ŋaa'a hiɗi vunay ŋiraya, nay ay tuɗ hay ziyna vi Lawn jar tokŋa kuɗ tuwaya.

NULLA 66:7

Nam li hiɗi gaŋeraŋa valamu ta-ta hay vatɗita, iramu ɗuw jaf-sumuna. Hin sum sa ŋel-gatta subur tuwsiɗi. Gi-suk.

NULLA 71:13

Hin nisi sa gaw tanu muɗ zulo'o, ba goyo kaw. Hin nisi sa gar a ɓulakanu cuki hiɗi zulota hiɗi hawta.

NULLA 79:12

Bum-Sumuna, wurakaŋ sum sa ziysi hiɗi numana sem siɗiya, kay ŋulda ta nisi ŋulaŋu.

ESAYA 1:2

Dukalawna, humaŋu, nagata, jakag humagu, kay Ma-Vatɗina ka ɓaka. Nan vul tin mi gurona, nan wulsiyawa kulo'o kaw, may nisi yaw kulo katanu.

ESAYA 1:20

may la nigi minɗi, la nigi muɗ ŋel gatta, kew-gaferaŋa ma calgi goyo, kay vun Ma-Vatɗina daawa goyo.

ESAYA 63:10

May nisi ŋel gatta, nisi muɗ ŋusta peldetta valam yora, nala nam muɗ goy mi sa ma gawt kisina, nam gi diram kay dursiya may.

TIYNA VI YEREMIYAS 1:5

Sa gaw ka'na kolawa ka'a, sa dura'na ka hay sle'ta, kay Ma-Vatɗina lasa'awa, kuɗ jiw-zlata va'a ta suwi ŋolta. Kuɗ ŋel-vunda va'a, gurona va'a pati gorvo'o vok sa gawta.

DANIEL 9:5

Numa li sulukawa, li joowa kaw, numa ay joo'o, ŋel-gatta, numa calay goy hay vun-ma-gatna hiɗi ɗota-gatta vaŋu.

DANIEL 9:9

Slugota hiɗi gida ka taŋ naŋ Bum-Sumuna Lawna vuma'a, kay numa ŋelaŋ vunaŋ ŋolo.

HOSEYA 9:7

Buur ma kitat tuɗi ɗaw; buur ma wurak joot tuɗi ɗaw, sum sa Israyel irgi ma wa' yo. Sa ma jobta nam ɦoyawa, sa ma ŋusta cuki kalamna nam gurɗi goyo, kay joota hiɗi ŋel-gatta vigi suwi ŋolo.

1 KORINTENA 3:19

Kay yalla vi nagat tan kayni ti ɦay-ɦayta vok Lawna. Ki ɗo'ay nala: Sa yalla nam visi hiɗi nelemda visiya.

GATTA-SEM-MA'TA 2:30

May Sihon, mulla vi Hesbon min hinma jik hay nagata valamɗi; kay Ma-Vatɗina Lawna vigiya muɗ varta valam direŋe, so'otom dikamu kaw, kay vulum goy hay ɓigiya, ki nigi ka wi vaydi nala.

1 SAMUEL 25:29

La sumun yaway kulo kaŋu kay digiɗaŋu, nisi min caŋ goyo kaw, Ma-Vatɗina Lawna vaŋu ma ŋom irita vaŋ dok-doko, nam ma ŋoma' katamu, may sa gaw kaŋŋa nam ma gi irita visi goy gine hiɗi namu, ki hiɗi tiwlekŋa nala.

1 SAMUEL 25:39

David hum ala Nabal mitiya, nam di'e: Bolda ka kay Ma-Vatɗina, ma gut kuɗanu kay ŋulda ta Nabal ŋulanu, ma tel sa ma sunda valamu kay li va ma joo'o. Ma-Vatɗin gi joota vi Nabalawa kalamu. David gi sunu kay job tam Abigayil a na' muɗ goy cata valamu.