NULLA 24:4 - BIBALDA TA PELDETTA

⁴ Kayni mi sa ma ɓalam bay joota hiɗi dikam peldete, sa ma vul tuwam goy tam sindaɗi, yi va kalam hiɗi ɗuttaɗi kaw.

NULLA 24:4 Iomraidhean Croise

CAWA'TA TUNITA 6:5

Wulini Ma-Vatɗina sar kayni, joota vi sumuna muɗi ŋol suwa gaa kay nagata, hay buurta kaf diksi ka vara kay li joota tuta.

JOB 17:9

Sa ma ɗigera mus ɗeŋe hay hagata valamu. Sa ma ɓalam bay tun tam joota muɗ dono suwa suwa.

JOB 9:30

La nan muz hay niy ma kilira, la nan muz ɓan goy hiɗi sabunna,

NULLA 143:8

Hinan wi ŋaata vaŋu hay graw culumta pa, kay nan vi hayaŋu, ɗekan kay hagata ta nan ma poy haya'ta, kay nan muɗ iran taŋu.

NULLA 15:4

Sa ma ɗuw sa ma joona birek-ceke, may sum sa li nar kuɗ Lawna nam slisi yisi kulo'o, sa ma yi va kalamu kuɗ gasita, la nam ba va hay kaw, nam muɗ dita valamɗi.

NULLA 18:20

Nam kalanay goy hay liy ma ŋaana, nam suɗan goyo kay nan kiram ŋaa'a.

NULLA 25:1

Nulla vi David. Ma-Vatɗina nan muɗ ciwta van kulo taŋu.

NULLA 26:6

Nan muz ɓan goy hay bay-joota, nan ŋuy tam giwin-ma-ɗifinna vaŋ naŋ Ma-Vatɗina.

NULLA 51:10

Hinan hum del nulla hiɗi firita kaw, nala zokan ma naŋ kusumna ma li firiya.

NULLA 51:12

Lawna, li dikga ta peldete hayanu, kot ŋusta gasita ta wuliya lo hayanu.

NULLA 73:1

Nulla vi Asaf. Gasi, Lawna nam ŋaa'a tam Israyel, tam nisi sa diksi peldete.

LAW MA NIR-NIRAMNA 20:9

Sa ma as di ala nan pori goyo, nan muzi goyo kay sulukŋa vanu, ma as di nala mi gige?

YEREMIYAS 4:14

Muz joota vi dikgi goyo, sa Yerusalemna, kay nigi ma suɗ goyo, varta ta gunita nigi min ŋoma' hay dikgi nala ta-ta lancitige?

YEREMIYAS 5:2

La nisi yi va kisi ala Ma-Vatɗin ka iriya kaw, nisi yi va kisi kayn goy ɦawa'a.

EZEKIYEL 18:15

nam may ti kulo kay hiɗiynɗi, poŋ iram kulo kuɗ lawayn ma waana hay ziyna vi Israyelɗi, la nam ɗut cata vi ɓasulumna goyɗi,

EZEKIYEL 18:6

ma ti kulo kay hiɗiynɗi, ma poŋ iram kulo kuɗ lawayn ma waana hay ziyna vi Israyelɗi, ma ɗut cata vi sugolomna goyɗi, ma co tam catɗi hay li ma busuwn ka ta'a,

MALAKIYA 3:5

Nan ma co tigi goboyo kay ka kitata. Sum sa tun gireyta hiɗi sum sa li zlata-bulota, nan ma li koliyo kay patsi dirsi goyo, nan ma ka kitat kay sum sa yi slen kisi bay hagamna, kay sum sa ti gurjuta vi sum sa lisi lopna, kay sum sa curoɗ boy sa duhulla hiɗi guro sa kuyuna, sa li gulu'u mi sum sa pulla, sa narta may hay diksi noŋɗina, din mi Ma-vatɗina vi vok-ma-duura.

MATEWUS 5:8

Sle'ta ka kay sa diksi ka goy peldete, kay nisi ma wi Lawna.

LOPNA 14:15

Nigi li van kayni kay mige? Numa kaw numa si sumuna ŋray ca kigi nigi nala. Numa ka kus labara ma firina tigiya kay nigi ma muɗay goy tam slen ma waana kayni pa, muɗ irgi tam Lawn ma irina, ma li dukalawna, li nagata, li niy-lum ma ŋolla hiɗi slen ma hayamna kaf.

LOPNA 15:9

Nam may li ɓurawta jaray hiɗi nisiɗi, kay nam lisi diksiyawa goy peldete hiɗi vida.

2 KORINTENA 7:1

Nigi sa hayan kigina, kay nay fi dita-ŋaɓayta ta ki kayn nala, muzay tuway goyo kay gesna vi sliw-tuwna hiɗi gesna vi dikga kaw. Nay ma jor peldetta vaya ta-ta daba' ya'a hay narta kuɗ Lawna.

GATTA-SEM-MA'TA 4:19

kay la naɗi, hay li ma nigi cuk irgi kulo hay wuralawn kayni, nigi ɗawn ma wi fatta, tilla, mislekŋa hiɗi sle ma dukalawn kaf, nigi ɗawni ma girif gaa vokomu, sunumu kaw. Kayni mi va ma Ma-Vatɗina Lawna vigiya ɓurawam tam jaf-sumuna kaf gaa kay nagata.

1 TIMOTEWUS 1:10

sa li zlata-bulo'o, jufay sa bur tam tuwsiya, sa li filiw hiɗi sumuna, sa ka sinda, sa ŋul sumuna, hiɗi sle hegen pet ma tap hiɗi hatta ta gasitɗi,

1 TIMOTEWUS 2:8

Nan min kayn ala sum sa jufayna ma siɗaw hay liyn kaf, nisi ma yaw ɓisi ma peldetna kulo'o, bay ɦiyda, bay ci-wayta kaw.

YAKUB 4:8

Nigiyay goboy tam Lawna, nam ma ma goboy hiɗi nigiya kaw, muzgi ɓigi goyo, nigi sa sulukŋa, porgi dikgi goyo, nigi sa milena!

WID-ŊAYAYTA 21:27

Va ma liwisi as kal kalaf hayam noŋɗi, sa ma li slen ma liwisi lebo ka sinda as kal kalaf hayam noŋɗi, may kal kalaf hayam kayni si nisi sa sesi ɗoy hay defterta vi irita vi goor ɦu-dimina tuta.