NULLA 23:4 - BIBALDA TA PELDETTA

⁴ Hay li ma nan ka poy hay ɦor-ɦuɗukŋa ma ŋus-mitta, nan li nar kay va ma jooɗi, kay naŋ ka hiɗi nanu, libetna vaŋu hiɗi zugulla vaŋu ma vulan dono'o.

NULLA 23:4 Iomraidhean Croise

JOB 24:17

Liyn ma graw culumna kirsi ki ŋus-mitta nala,

JOB 3:5

Hin jufunda hiɗi ŋus-mitta sli buur na'ta ɗawge. Hin ɗugulla lak kulo kay buur na'ta, hin liyn ma muɗ jufunna muɗa' nari.

NULLA 110:2

Ma-Vatɗina min meɗ zugulda-mulda vi gaŋeraŋa vaŋay goy hay Siyon pa. Musaŋ mulla jar sa gawt-kaŋŋa.

NULLA 118:6

Ma-Vatɗina ka hiɗi nanu, nan li narɗi, sana fi lan mige?

NULLA 138:7

La nan poy jar lasta, naŋ vulan irita, naŋ meɗ ɓaŋ goyo kay ɦiyda vi sa gawt kanna, ɓaŋ ta jufta suɗanu.

NULLA 14:5

Hay na'ta nisi ma li nar ŋolo, hay li ma Lawna ma vul tuwam goy jar jaf ma ɗigera.

NULLA 3:6

Nan bur gaa'a, cap kal sene, nan zliy kulo'o kaw, kay Ma-Vatɗina mi ma gutda vanu.

NULLA 44:19

Dikma'a may cal goy noŋɗi, sema'a may cal hagata vaŋ goy noŋɗi kaw,

NULLA 46:11

Lakgi kiliŋ, wigi ala nanu mi Lawna: Nan ti mulda kay jaf-sumuna, nan ti mulda kay nagata.

ESAYA 41:10

Ligi narɗi, kay nan ka hiɗi nigiya, mal irgi goy hiɗi nartaɗi; kay nanu mi Lawna vigiya; nan vulgi dono'o, nan co gut kuɗgiya, nan gut kigi hiɗi ɓanta jufta ta vul kolda.

YEREMIYAS 2:6

Nisi di ala Ma-Vatɗina ma yaway ay goy hay Egipte pan ka arige ɗisu? Ma-Vatɗina ma tun vokay hay fulda, hay nagata ta goy soy kaŋ-karaŋ', ta muni kirna'a, hay nagata ta koɓoron ka haya, ŋus-mitta ka ti mul haya kaw, hay nagata ta sa as jik haya'ɗi, sa as li ziy hayɗi kaw, nisi may di naɗi su?

MIKKA 7:14

Ŋomaŋ sumuna vaŋu hiɗi zugulda vaŋu, nisi mi farayna ma vocota vaŋu, nisi tuni goy visiya hay juru-ŋolla jar hiɗiyt Karmel. Hinsi ŋom kulo kay Basan, hay Galaad kaw, ki buur ma jew ɓa-ɓan nala.

ZAKARIYA 11:10

Nan sli zugulda vanu ta ya' ala luma'da, nan kusa' goy purat', kay ja bonota van ta nan va' hiɗi sumunta goyo.

ZAKARIYA 11:14

Bugol kayni nan kus zugulda van ta ma'ta ta ya' ala «tapta» goyo, kay ɓuraw jar ɓosiyom-tuwsin Yuda hiɗi Israyel goyo.

ZAKARIYA 8:23

Ki kayn nala Ma-Vatɗina vi vok-ma-duura di'e: Hay buur namna ɗawni, sumun doogo sa may kuɗ jaf mara'a mara'a ma jab tuwsi kay sa ma Yudiyan kep, ma mok vun sligara valamu, nisi ma di'e: Numa min tapis kuɗaŋu, kay numa humi ala Lawn ka hiɗi naŋu.

MATEWUS 1:23

Ɗuwgiya, goot-cata ma sli haya, Na' ma vuɗ goora kaw, Nisi ma tunum semda valam ala Emmanuel, Kayn min di ala Lawn hiɗi naya.

MATEWUS 28:20

Hatsiya kay vi kuɗ vun ma nan gatgi hiɗi namna pet, ɗuwgiya, nan ka hiɗi nigiya hay buura vigi kaf, ta-ta hay dabaŋ-gu'ta vi nagata.

LUKAS 1:79

Kay li haraŋ kay nisi sa ka lakay hay jufunda, hay ŋus-mitta kaw, Kay cukay gayay hay hagata vi toyta.

2 TIMOTEWUS 4:22

Bum-Sumuna mus hiɗi ŋusta vaŋ musge. Slugota mus hiɗi nigi musge.