NULLA 2:6 - BIBALDA TA PELDETTA

⁶ Nir na'ta kep mulla vanu, tunum mul kay Siyon hiɗiyta van ta peldetta mi nanu.

NULLA 2:6 Iomraidhean Croise

NULLA 45:6

Ɓarawta vaŋu vuna' ciwet-ciwet', jaf-sumun ma cuk gaa kuɗaŋu; ɓarawta vaŋu ma duɓ ruwat sum sa gawt kaŋŋa.

NULLA 50:2

Goy hay Siyon, pasiyakka vi jifiyta, Lawna wile goyo.

NULLA 78:68

May nam vilek jafna vi Yuda, hiɗiyta Siyon ta nam mina'ta kaw.

NULLA 89:27

Nam ma yi semda vanu ala: Naŋu mi bunu, naŋu mi Lawna vanu hiɗi hiɗiy ma su'da vanu.

ESAYA 55:4

Humgiya, nan tunumawa kay li di-goyta kay jaf-sumuna, sa ma tun vokŋa, ma ŋomda vi sumuna.

EZEKIYEL 17:22

Ki kayn nala Bum-Sumuna Ma-Vatɗina di'e: Nan ma ka sin gu-gamna ma goɗayna, ma kulo sin tiwe tiwena, nan ma pum gaa; nan ma kam ɓalam ma goɗayna mara kep, nan kay tuwanu ma pum kulo kay hiɗiyta ta kulo gine ŋolo.

DANIEL 2:44

Hay liyna vi muliyan nisina, Lawn ma wuralawna ma day yam mul tara kulo kepe, mul na'ta ma ɓulak goy noŋɗi, mulda na'ta jaf-sum sara ma kol ka'ɗi, mul hen lakŋi na' ma gurum goyo, tom goy kafe, mul na'ta ma mus ta-ta hay vatɗita.

ZAKARIYA 8:3

Nala Ma-Vatɗina di'e: Nan min hot hay Siyon. Nan min cuk ziyna van kulo jar sum sa hay Yerusalem. Muɗ ɗawni Yerusalem ya' ala hoyok-ziyna vi sum sa gasina, hiɗiyta vi Ma-Vatɗina vi vok-ma-duura, hiɗiyta ta peldetta.

MATEWUS 28:18

May Yesu ma tisiya, kus yoboyn tisiya di'e: Gaŋeraŋa pet hay wuralawna, kay nagat kaw vulanti manu.

EFESENA 1:22

Nam cuk slen kaf gaa kuɗ selemu vulum yamda vi tapta,

HEBRENA 12:22

May nigi teray kayn tam hiɗiyta vi Siyon hiɗi hoyok-ziyna vi Lawn ma irina, Yerusalem ta kulo wuralawnta, tam vok ma birim doogona vi sunda-wuralawna;

WID-ŊAYAYTA 14:1

Hay li ma nan ka ɗuwa, nan wi goor ɦu-dimina coli kulo'o kay hiɗiyt Siyon, hiɗi sum sa birim kis kalam dok-fiɗi yam fiɗina, sum sa semda valamu hiɗi semda vi bulumu ɗoy hay voksiya.