NULLA 17:3 - BIBALDA TA PELDETTA

³ La naŋ fek dikanu, la naŋ co ɗuwan henjeta, la naŋ wakanu kaw, naŋ as fi va hayanɗi. va ma kal goy hay vunanu ŋray ca hiɗi va ma nan varamu kaw.

NULLA 17:3 Iomraidhean Croise

1 LABAR-MA-LIYNA 28:9

Taŋ naŋu goora vanu Salomon, naŋ ma wi Lawna vi sumiyaŋu, naŋ ma sunumu hiɗi dikga ma' ma'taɗi, hiɗi ciwta vaŋ koti ŋaa'a, kay Ma-Vatɗina fek dikga kaf, nam poŋ ir varta kaf. La naŋ garamu nam ma hin tuwam a naŋ ma fumu, may la naŋ noyom goyo, nam ma gaŋ goyo kay dok-doko.

1 LABAR-MA-LIYNA 29:17

Lawna vanu, nan wi ala naŋ fek dikga, naŋ min ɗigerta kaw; vulda ta minda na'ta kaf nan vula' taŋ kayni hiɗi gasita vi dikga, wulini nan wi sumuna vaŋu ka tokay tani, nisi ka li vulda kuɗ minda visiya hiɗi firita.

JOB 23:10

May nam wi hagata ta nan ka coli haya'ta. Hay li ma nam wakanawa wakŋa, nan ma muɗ goy haɓ tal-tal' ki ora nala.

JOB 24:14

Sa ma ci matna fok kulo'o hay li ma haraŋa vul tuwamawa, nam ci goyo sa ma ka hay sarta hiɗi sa ma hawna, henjeta nam muɗi ki sa ma kulla nala.

NULLA 11:5

Ma-Vatɗina fek dik sa ma ɗigera hiɗi sa ma joona; nam ka gaw tam sa ma joona hiɗi sa ma waskayna.

NULLA 119:106

Nan yi va kanu, nan ŋom kayni kaw, a nan min vi kuɗ vun-ma-gatna vaŋu ma ɗigera.

NULLA 139:1

Tam ma ŋolla vi sa gi nulla. Nulla vi David. Ma-Vatɗina, naŋ fekanu, naŋ wan kaw.

NULLA 139:23

Lawna, fekanu, waŋ dikanu kaw. Wakanu, waŋ varta vanu kaw.

NULLA 16:7

Nan min gi deɓ mi Ma-Vatɗina ma ɗekan hagatawa, Hay henjeta kaw dikan ka dan yali.

NULLA 26:2

Ma-Vatɗina, fekan ŋaa'a, wakaŋ dikanu hiɗi varta vanu kaw.

NULLA 39:1

Tam ma ŋolla vi sa gi nulla, tam Yedutun, Nulla vi David.

NULLA 66:10

Kay naŋ Lawna wakmaawa, naŋ wakmaawa ki sa yor doorota nala.

NULLA 7:4

Ma-Vatɗina Lawna vanu, la nan li slen kaynawa, la bay-ɗigerta ka hayanu,

LAW MA NIR-NIRAMNA 13:3

Sa ma ŋom vunamu ŋom ciwta valamu, may yoboy ma dak-dakŋa tuɗaŋ hay ba-goyta.

YEREMIYAS 12:3

May naŋu, Ma-Vatɗina, naŋ wanu, naŋ ka ɗuwanu, naŋ fek dikanu vok iraŋu, naŋ ma yawsi goyo ki fok-dimina ma tuɗum ŋat goyna nala, naŋ ma vulsi goyo kay buura vi cita-goyta.

YEREMIYAS 50:20

Hay buur namna ɗawni, hay liy namna ɗawni, sumun ma gar jiw-zlata vi sa Israyella, may na' ma li loɗi, nisi ma gar sulukŋa vi jafna vi Yuda may nisi ma fum loɗi; kay nan ma vul gida mi cawsi ma nan hinimna.

HOSEYA 7:6

Hay li ma nisi var kay li joota, haysi muɗi ku keŋ ki duwayta ta yi fun haya nala, hay henjet kaf sum sa ŋal kut kuɗ duwayt cuki sene, may liyn fo goy grawt kayni, giwinna ka viy ku ŋol suwa ki kut ta ŋal liyn nala.

MIKKA 2:1

Joot kay sum sa niŋa law ma joon hay diksiya hay li ma nisi ka buri gaa tuwa, hay li ma liyn foowa goyo, nisi li law namna, la donot ka hay ɓisiya.

ZAKARIYA 13:9

Gal ma ɦidina visiya nan ma cukum hay kuta, nan ma porom hay kuta ki san yor gurjuta hiɗi wak ora hay kuta nala. Nisi ma yi semda van hay vunsiya, nan ma humsi may. Nan ma di'e: «Nisi si sumuna vanu», nisi kaw ma di'e: «Ma-Vatɗina mi Lawna vuma'a».

MALAKIYA 3:2

Sa ma as col dig buur ma nam min maan ɗawn mi gige? Sa ma as col kulo vokom mi gige hay li ma nam ma co'o? Kay namu ki kuta ta yor kawayn nala, ki savoŋŋa ma muz sligara nala.

LOPNA 11:23

Hay li ma nam co ɗawni, nam wi slugota vi Lawna, nam firiya, nam vulsi teŋ-irta, kay nisi ma lak hiɗi diksi juni dono tam Bum-sumuna.

LOPNA 16:9

Hay henjeta van vul tuwam kir Paulus: Sa ma Makedoniyan kep colay zaw, siɗawamu hay dita ala: Jikaŋay hay Makedoniya, naŋay gutaŋ kuɗma'a.

1 KORINTENA 4:4

Kay law may tuni kanɗi, may nan muɗ ɗiger kayn kuɗ na'taɗi, sa ma ka kitata vanu nam mi Bum-Sumuna.

2 KORINTENA 1:12

Kay va ma numa subur tuwma kalamna kayni, mi di-goyta vi tap-wida vuma'a, kay hay li ma numa poy hay nagata vok irgi kayni, numa poy hiɗi peldetta, hiɗi gasita ta may vi Lawna pa, may hiɗi yalla vi sliwnaɗi, may hiɗi slugota vi Lawna.

YAKUB 3:2

Nay kaf ka sli zlaraŋgadaya hiɗi hagat tara'a tara'a, la san sli zlaraŋgaɗay hay dita valamɗi, nam mi sa ma asiya, nagay kay ŋom tuwamu kaw.

1 PETER 1:7

Kay vida vigiya ta waki wak, na' ŋaa suw or ma fi ɓulaka may waki wak hay kuta. A na' ma muɗ goy suburta, gajijita hiɗi sli-yamda kulota, hay li ma Bum-Sumuna vaya Yesu Kristu ma vul tuwam goy haraŋi.

1 SAMUEL 24:10

David di tam Sawul: Sum sa ka daŋ ala David ka gar kay laŋ joona naŋ humsi vunsi kayn kay mige?

1 SAMUEL 24:12

Ɗuwaŋu bunu, vun-sligara vaŋ yaw hay ɓanni. Kay mige nan ka vun-sligara vaŋu may nan may caŋ goyɗi, naŋ ma wi ala nan giy kilani, va ma joo may hay dikanɗi, ŋel-vunda tay hay dikanɗi kaw, nan may li suluk kataŋɗi kaw. May naŋu, naŋ ka gan jawt vokanu kay can goyo.

1 SAMUEL 26:11

Hay sem Ma-Vatɗina! Sana vi Lawn ma mul ɦoki kalamna nan as tun ɓan talamɗi. Slaŋ yakata valam ta ɓalay kulo kalamta zawni, hiɗi genda ta niyna tuta, tuɗay maya.

1 SAMUEL 26:23

San gige gige kaw Ma-Vatɗin ma wurakam ɗawni kuɗ ɗigerta valamu hiɗi vida valamu; kay vayd kayni Ma-Vatɗin vulaŋ hay ɓaŋ vulu, may kay naŋu mi sana vi Lawn ma mul ɦoki kaŋŋa, kay na'ta nan min tun ɓan kataŋɗi.