NULLA 127:3 - BIBALDA TA PELDETTA

³ Gurona kayni mi vulda vi Ma-Vatɗina, guro sa nay vuɗsina mi wurakŋa.

NULLA 127:3 Iomraidhean Croise

CAWA'TA TUNITA 1:28

Lawn gisi bolo mi di'e: Biyagi ŋol haca-haca', ligi ŋolo, hobgi yam nagata; di law sle ma gaa kay nagat si nigiya. Ligi mul kay kulufna hiɗi layayna, hiɗi slen ma sukka hayamna ma poy kay nagata kafe.

CAWA'TA TUNITA 24:60

Nisi gi bol kay Rebekka, nisi di'e: Nak ɓasuma'ta, nak ma muɗ ti sum sumun miliyoŋ gaage gaage, jafna vagu ma kol kay sum sa gawt kisina.

CAWA'TA TUNITA 33:5

Esaw poŋ iram kulo'o, nam wi boyna hiɗi gurosgurayna, nam di'e: Nisi lak kuɗaŋŋi si sarige? Yakub hot dita: Lakŋi si guro sa Lawna vulsi mi ma sunda vaŋŋa.

CAWA'TA TUNITA 4:1

Bugol kayni Adam bur tam cata valam Eva, na' sli haya, vuɗum Kayin. Na' di'e: Nan fi saawa hiɗi donota vi Ma-Vatɗina.

CAWA'TA TUNITA 48:4

Nam dan ala: Naŋ ma vuɗ jafn ŋolo, nan min biyaŋ jafaŋ ŋolo, nan min muɗaŋ goy bum jaf-sumun ŋolo, nagat waŋŋi nan min vula' mi jafna vaŋ ma bugolaŋŋa, kay na' ma muɗ goy visiya dok-doko.

2 SAMUEL 3:5

ma karkiyana mi Yitreyam, vuɗum ti Egla, cata vi David. Nisi kayni si sa David vuɗsi hay Hebronna.

1 LABAR-MA-LIYNA 28:5

Jar gurona sa nam vulanti ŋolla kayni, (kay Ma-Vatɗina vulan guron ŋolo) nam vilek goora van Salomon kay nam ma mus kay zlamda-mulda vi Ma-Vatɗina, kay sa Israyella.

1 LABAR-MA-LIYNA 8:40

Gurona vi Ulam nisi diksi jufay ŋolo, nisi gi ɓarawna. Nisi vuɗ gurona hiɗi guro-ŋolona sa jufayna hiɗi sa boyn ŋolo, ir kis kalam dok-vasl. Nisi kaf kayni si gurona vi Benyamin.

JOB 1:2

Nam vuɗ guro-jufayn siɗiya, guro-boyn ɦidi.

ESAYA 13:18

Ɓarawta visiya ma cuk sum sa joriyon gaa kay nagata, nisi ma wi haw sum sa boyn vuɗsinɗi, gurona ma li kirsi haw noŋɗi.

ESAYA 8:18

Nan zawni hiɗi gurona sa Ma-Vatɗina vulanu, numa lakŋi si sa ɗek goy kay sle ma vokŋa hay Israyel, cukma mi Ma-Vatɗina vi vok-ma-duura, nam ma ka musi kay hiɗiyta vi Siyon.

GATTA-SEM-MA'TA 28:11

Ma-Vatɗin ma hobgi hiɗi slena, hay li ma nam ma vulgi guron ŋolo, nam ma biya farayna vigi ŋolo, vuɗ jafn ŋolo kaw, hay nagata ta nam yi va kalamu tam sumaygiya kay vulgiya.

GATTA-SEM-MA'TA 28:4

Nigi ma vuɗ guron ŋolo, nigi ma zum wan ŋolo, luwayn ma biya ŋolo, fukunayn ma biya ŋolo.

SA KA KITANA 12:9

Nam vuɗ guro sa jufayn dok-hidi, vuɗ sa boyn dok-hidi lay. Sa boyn nam vulsi goy kuɗ sum sara'a, jar sum sa goyna nam yaw guro-boyn dok-ɦidi mi gurona valamu.

1 SAMUEL 1:27

Nan siɗaw kayni kay gar goor kayni, nala Ma-Vatɗina hum siɗawta vanawa.