NULLA 101:2 - BIBALDA TA PELDETTA

² Nan min poy ŋali hay hagata ɗigerta. Naŋ min ma tanu lancitige? Nan min poy hay ziyna vanu hay gasita vi dikanu.

NULLA 101:2 Iomraidhean Croise

CAWA'TA TUNITA 18:19

Kay nan vilekemawa, kay nam ma vul hagata tam gurona valamu hiɗi ziyna valam ma bugolomna kay nisi ma li kuɗ dita vanu, kay nisi ma lum mi law ma gasina hiɗi ma ɗigera, kay a nan ma hob vun dita vanu ta nan da' talamta.

2 SAMUEL 8:15

David ti mulda kay Israyel, nam ka li sle ma ɗigera hiɗi ma hay liyamna kay sumuna valam kafe.

1 MULIYANA 11:4

Hay liy ma Salomon muɗawa maari kayni, boyna valam muɗum varta valam kuɗ laway hegena, dikam muɗ minim mi Lawn kep ki bulum David li'ays nala tutaɗi.

1 MULIYANA 9:4

May naŋu, la naŋ poy vok iranu ki buŋ David nala, hiɗi dikga gasita hiɗi ɗigerta kaw, la naŋ li kuɗ sle ma nan daŋ kalamna kafe, la naŋ li kuɗ gatta hiɗi dita vanu,

2 LABAR-MA-LIYNA 15:17

May hiɗi dikga vi Asa ta nam vula' tam Lawna hay buurta irita valam kaf kaw, liyn ma ɗiŋiriŋŋa hay Israyel may vat goyɗi.

2 LABAR-MA-LIYNA 30:12

Hay Yuda kaw Ma-Vatɗina li lopo kay vulsi dikga kepta kay nisi ma hum kuɗ dita vi mulla hiɗi sa lopna valamu, kuɗ yoboyna vi Ma-Vatɗina.

NULLA 101:6

Nan ma cuk iran kay sum sa gasina kay nagata, kay nisi ma lak hiɗi nanu. Sa ma poy hay hagata gasita, nam ma sunanu.

NULLA 119:106

Nan yi va kanu, nan ŋom kayni kaw, a nan min vi kuɗ vun-ma-gatna vaŋu ma ɗigera.

NULLA 119:115

Tuɗgi goy gine hiɗi nanu, nigi sa li joota, kay nan ma li kuɗ vun-ma-gatna vi Lawna vanu.

NULLA 26:11

May nanu, nan min poy hay bay-joota, butan goyo, lan slugota kaw lige.

NULLA 40:17

Hin nisi kaf sa garaŋu li firiya mus firi hay naŋu. Hin nisi sa min su'da vaŋu di dok-dok ala: Suburta ŋolo tam Ma-Vatɗina.

KAL-GOYTA 20:24

Nigi ma kotan giwin-ma-ɗifinna, lum hiɗi nagana; kulo kalamu nigi ma li ɗifin ma ŋal goyna, ɗifin ma slugona kaw, lum hiɗi fukunayna hiɗi luwayna, liyn marige kaw ma nan ɗek tuwanawa goy hayamu na, nan ma co tigiya, nan ma gigi bolo.

ESAYA 38:3

nam di'e: Varaŋ kaŋ varge Ma-Vatɗina, humaŋ ma gaŋ ala nan poyay vok iraŋu hiɗi ɗigerta, hiɗi dikga ta ɗigerta, nan li sle ma ŋaana vok iraŋu kaw! Ezekiyas tiy hiɗi zimiyn ŋolo.

GATTA-SEM-MA'TA 6:7

Nigi ma kalam hay yam gurona vigiya, nigi ma disita hay li ma nigi ka vo hay ziyna vigiya, hay li ma nigi ka hay rogoyta, hay li ma nigi bur gaa'a, hay li ma nigi fok kulo'o kaw.

YOSUWA 24:15

La nigi may var kay sun Ma-vatɗinɗi, vaydi vilekgi sa ma nigi min sunumna: La mi lawayna ma sumaygi sunum ay goy bugol niy-lumna, lebo mi lawayna vi sa Amoriyana hay nagata ta nigi ka laki haya' wulini. Nanu hiɗi ziyna vanu numa min sun Ma-Vatɗina.

1 SAMUEL 22:14

Akimelek hot dit tam mulla: Humaŋu mulla: Jar sa sunda vaŋu sa ma hum kuɗaŋ ki David nala ka su? Namu mi kunoŋŋa, mi ma ŋolla vi soje sa ŋomaŋŋa, sumun slum yalam kulo ŋolo hay ziy ma mulda vaŋu ɗisu?