NULLA 100:3 - BIBALDA TA PELDETTA

³ Wigi ala Ma-Vatɗina mi Lawna, namu mi ma kotayna, nay kaf valam namu may, nay mi fukunayna valamu ma nam vulum tina kaw.

NULLA 100:3 Iomraidhean Croise

2 MULIYANA 19:19

Wulin kayni, Ma-Vatɗina, Lawna vuma'a, butma goy hay ɓam Sankerib butge! A muliyana vi nagat kaf ma wi ala Lawn mi naŋ kepe, Ma-Vatɗina.

1 LABAR-MA-LIYNA 16:14

namu mi Ma-Vatɗina, Lawna vaya; kitata valamu li tam nagat kafe.

JOB 10:3

Kiraŋ ŋaa'a kay curoɗ sana su? Kiraŋ ŋaa'a kay noy lopna vi ɓaŋ goy su? Kiraŋ ŋaa'a kay hin haraŋa vaŋu wile'e kay gatta vi sa joona su?

NULLA 119:73

Ɓaŋu kotanawa, lanawa kaw. Vulan yamda-wida kay nan fi hat vun-ma-gatna vaŋu.

NULLA 12:4

Nisi sa di yoboyn ma bay-gasina hiɗi sa jigal-tuwsina, Ma-Vatɗina min vatsi goyo.

NULLA 149:2

Hin sa Israyella firiya hay nam ma kotsina, hin gurosgurayna vi Siyon li firiya kay mulla visiya.

NULLA 46:10

Vat duur goy kay nagat kaf kayn mi namu, nam kus ɓarawt goyo, nam kus kawayn goyo, nam ŋal keke-ma-duura goy hiɗi kuta kaw.

NULLA 78:52

May nam tun vok sumuna valamu ki vok fok-dimina nala, nam kalsi goy hay fulda ki fukunayn nala.

NULLA 79:13

Numa'a, sumuna vaŋu, fukunayna ma naŋ vulum tina, numa'a min gaŋ deɓe ta-ta hay vatɗita, numa'a min di goy kay ŋolda vaŋu tam jafna vokma'a vokma'a.

NULLA 95:3

Kay Ma-Vatɗina nam mi Lawna ma ŋolla, nam mi mul ma ŋolla kulo kay lawayn kafe.

KAL-GOYTA 6:7

Nan ma muɗgi goy sumuna vanu, nan ma muɗ mi Lawna vigiya, nigi ma wi ala nan mi Ma-Vatɗina, Lawna vigiya, nanu mi ma butgi goy hay lop ma nek ma sum sa Egipten tunum kigina.

SA MA KUSTA 12:1

May hay buura vi joriyota vaŋu, humaŋ ma gaŋ kay nam ma kotaŋŋa, jew a buura ma joon co'o, jew ma busa ma joona ma teray goboyo, hay li ma naŋ ma di ala: Va ma firiyan may hayam loɗi,

ESAYA 63:11

Ki kayn nala sumuna valamu humsi gisi kay buur ma jewna hiɗi Musus: Numa ma hawsi ay goy hay niy-lumna pa ka arige? Hiɗi sa ma ŋomda vi farayna valamu? Namu ma tun Ŋusta-Peldetta valamu jarsiya ka arige?

ESAYA 63:19

Numa jew ɓa-ɓa ki sum sa naŋ may ti mul kisiɗi nala, ki sum sa semda vaŋ may yiy tisiɗi nala. Haha! Lali naŋ haw dukalawn goyo kay jikay gaa'a klasige! Hiɗiyn ɗawni ma geɗ vokaŋu.

ESAYA 64:7

May hiɗi kayni kaf, Ma-Vatɗina, naŋu mi buma'a, numa mi naga-dirginna, naŋu mi sa ma inma'na. Numa kaf mi lopna vi cita-ɓaŋu.

YEREMIYAS 10:10

May hay gasita, Ma-Vatɗina mi Lawna, namu mi Lawn ma irina Ma-Vatɗina, nagat geɗa kuɗ narta ta vokomta, jaf-sumun may asay kay ziy ɦiyda valamɗi.

EZEKIYEL 34:11

Ki kayn nala Bum-Sumuna Ma-Vatɗina di'e: Ma ŋom fok-dimina van ɗawni mi nan kay tuwanu, nan ma jikim vok iranu.

YOHANA 17:3

Kayni ti irita ta vatɗita, a nisi ma waŋu, naŋ kep mi Lawn ma gasina, hiɗi nam ma naŋ gumina, Yesu Kristu.

2 KORINTENA 4:6

Kay Lawna ma di ala: Haraŋa ma wile goy hay jufunda pa, haraŋ namna wilewa hay dikma'a, kay ɗek goy kay wida vi gajijita vi Lawna vok Kristu.

EFESENA 2:10

Kay nay kayni mi lopna vi ɓalamu, kay Lawna kotay hay Kristu Yesu kay li lopna ma ŋaana ma nam kotomay jewe, kay nay ma poy hayamu.

GATTA-SEM-MA'TA 32:15

Yesurun ɗorawa, may nam muɗi wuriya; naŋ ɗorawa, muɗi neke, hobi cep-cepe', may nam noy Lawna valam ma kotomnawa goyo, nam pan hiɗiyna vi su'da valamawa,

GATTA-SEM-MA'TA 32:6

Nigi as tun joot kayni kay Ma-Vatɗin su? Nigi jaf ma ɦay-ɦayna ma bay-yalla? Nam may mi bugi ma inginɗi su? Namu mi bugi ma ingina, ma vulgi donotna ɗisu?

GATTA-SEM-MA'TA 4:35

Slen ɗeki goy tigi haraŋi, nigi wiya kaw ala Ma-Vatɗin mi Lawna, Lawn mara'a ma ki nam nala mayɗi.

GATTA-SEM-MA'TA 4:39

Nigi ma wi'e hay buur namna, nigi ma vi hay dikgi kaw ala Ma-Vatɗina mi Lawna, la ɗaw kulo hay wuralawn kaw, la gaa kay nagat tan kaw, laway mara mayɗi,

GATTA-SEM-MA'TA 7:9

Nigi ma wi ala Ma-Vatɗina Lawna vigiya nam mi Lawna, Lawna namna ma mu'ɗina ŋom bonota hiɗi ŋaata valamu jaram hiɗi sa minimna, sa ŋom vun-ma-gatna valamu kaw, ta-ta tam jafsi voksi birimi.

1 PETER 2:25

Kay nigi ay ki fok-dimina ma meray goyna nala, may wulini nigi hotiyawa tam sa ma ŋomda, nam ma ŋom ciwta vigiya.

1 PETER 2:9

May nigiya, nigi mi jaf ma vilekay-goyna, muliyan-sa-ɗifinna, jaf-sum sa peldetna, sum sa gusina, kay nigi ma di goyo kay ŋaata vi nam ma yigi ay hay jufunda pa, tam haraŋa valam ma jifiy ŋolla.

1 PETER 4:19

Kay na'ta nisi sa fi lasta kuɗ minda vi Lawna, hinsi vul ciwta visiya hay ɓam nam ma ɗigera, ma li slen kafna hay li ma nisi li ŋaata.

1 YOHANA 5:20

May nay wi kaw ala Goora vi Lawna maawa, nam vulay yamda-widawa kay nay wi ma gasina, nay ka hay ma gasina kaw; hay Goora valamu Yesu Kristu, namu mi Lawna ma gasina hiɗi irita vatɗita.