ŊAƁTA 6:2 - BIBALDA TA PELDETTA

² Naŋ ma di tam gurona vi Israyel ala: La sa jufu lebo ca'a kaw min ɓuraw goy hiɗi sum segena, la nam yi va kalamu kay mus goy kemeleŋe, kay gi tuwam ɗifin mi Ma-Vatɗina,

ŊAƁTA 6:2 Iomraidhean Croise

KAL-GOYTA 33:16

Nan hiɗi sumuna vaŋu, a numa wi goy gasi ala naŋ luma slugotawa kayni, hay li ma naŋ ka tuni vokma'ana ɗisu? Lebo hay li nanu hiɗi sumuna vaŋu irma ma li poŋi goy valamu hiɗi sum sege sa gaa kay nagat kafna ɗisu?

LAW MA NIR-NIRAMNA 18:1

Sa ma min mus goy valam kepna gara' ti darta vi dikam tuta, nam muɗ ɦiy kat gasita kafe.

YEREMIYAS 35:6

May nisi hot dit ala: Numa as ci vinɗi; kay Yonadab goora vi Rekab ma buma'na vulma ditis ala numa lay gurona vuma lay, hagat may kuma kay ci vin noŋɗi.

SA LEVITNA 20:26

Nigi ma lak peldete kuɗan nanu, kay nanu nan peldete, nan Ma-Vatɗina; nan poŋgi irgiyawa goy hiɗi jaf-sumuna, kay nigi ma lak peldete ir vanu.

SA LEVITNA 27:2

La san yi va kalamu kay nam min vul sa tam Lawna, nam as muɗ sa namna hiɗi gurju'u.

ŊAƁTA 30:3

Hay li ma san yi va kalamu kay vul va tam Ma-Vatɗina, lebo yi va kalamu kay tel tuwam kay va'a, nam as cal vun dita valam goyɗi, may dita ta kalay goy hay vunamta nam ma li kuɗa' kafe.

ŊAƁTA 6:1

Ma-Vatɗina di tam Musus:

LUKAS 1:15

Kay nam ma muɗ ŋolo vok ir Bum-Sumuna, nam ma ci vinɗi, ci dolay ma galakŋaɗi kaw, nam ma hob hiɗi Ŋusta-Peldetta tun caw kalaf hay sulumi pa.

LOPNA 18:18

Paulus musay ɗawni ir buur ŋolo. Bugolda nam hin ɓosiyomna, kal hay lumna kay dol hay Siriya, namu hiɗi Akuilas hiɗi Priskila. May nam wel yalamis goy wel hay Kaŋkreya, kay nam yi va kalamu.

ROMENA 1:1

Paulus, ma sunda vi Kristu Yesu, yumi kay lop apostolla, vileki goyo kay kus labara ma firina vi Lawna,

2 KORINTENA 6:16

Bonot as jun jar tempella vi Lawna hiɗi lawayn ma waana arige? Numa'a si tempella vi Lawna ma irina, ki Lawna di nala ala: Nan min li ziy jarsiya, nan min poy jarsiya kaw. Nan min mus dok-dok Lawna visiya, nisi ma lak dok-dok sumuna vanu kaw.

GALATENA 1:15

May nam ma ŋaɓan goy vanu kalaf hay suni pa, ma yanawa kuɗ slugota valamu,

HEBRENA 7:27

ki muliyan-sa-ɗifinna nala, nisi li ɗifin hay buurta kaf: jewe kay sulukŋa visiya, bugolda kay sulukŋa vi sumuna. May nam may li ki kayn naɗi. Nam kayn nam lum sem kep tuta, hay li ma nam li ɗifin hiɗi tuwam ma ɗeŋŋa lina.

SA KA KITANA 13:14

Va ma may goy hay vuɗ gulda-guldan pana na' as tamamɗi, vinna hiɗi dolay ma galakŋa na' as kay tamamɗi, na' as ti va ma liwisɗi. Sle ma nan da'ti kafna na' as ŋomom kulo ka' ŋaa'a.

SA KA KITANA 13:4

May wulin pa nak ma tun caw li ŋali, nak ma ci vinɗi, ci dolay ma galakŋaɗi kaw, tun ti ma liwis vunagɗi kaw.

SA KA KITANA 13:5

Kay nak ma sli haya, nak ma vuɗ gooro, san as kay welem yalam goy hiɗi kew noŋɗi, kay mige goor namna kayni vuli goy tam Lawna kalaf hay sulumi pa, ma tun caw but sa Israyel goy hay ɓam sa Filistin ɗawn mi namu.

SA KA KITANA 16:17

Nam mala' varta vi dikam kaf goyo, nam da'a: Kewta ta wel ɗuŋus yamna bay tun kan fat kep tuwa, kay nan vuli goy tam Lawna kalaf hay suni pa. La sa welan ɗuŋus yanawa goyo, donot ta tanta kal goyo, nan muɗ maŋaya, nan muɗ ki sum segen ɦawa nala.

1 SAMUEL 1:28

Nala kaw, nan min vulum goy mi Ma-Vatɗina, buurta irita valam kaf nam vuli mi Ma-Vatɗina. Bugol kayni nisi dab voksi gaa vok Ma-Vatɗina hay liy namna.