ŊAƁTA 12:2 - BIBALDA TA PELDETTA

² Nisi di'e: Lawn law kayn hiɗi della vi Musus kep tuta su? Numa kaw nam asay a law hiɗi della vumaɗi su?

ŊAƁTA 12:2 Iomraidhean Croise

CAWA'TA TUNITA 29:33

Na' sli hay mara lo, na' vuɗ goor mara'a, na' di'e: Ma-Vatɗin waawa ala nan noyay goyo, kuɗ na'ta nam vulan hen kayni lo. Na' tunum selem ala Simeyon.

2 SAMUEL 11:27

Hay li ma do'olla vatawa, David gi sun ka'a kay va'ay vo hay ziyna valamu. Na' muɗ goy cata valamu, na' vuɗum goor kepe. Va ma David lumna kayni may firi dik Lawnɗi.

2 MULIYANA 19:4

Kla, yoboy ma mul ma Asiriyan gi sa ma sunda valam Rabsake aya, kay ŋul Ma-Vatɗin ma irina hiɗi namna, Ma-Vatɗin Lawna vaŋu humi kalam klasige. Ma-Vatɗin ma ka kitat kalamu kuɗ yoboy ma nam humumna klasige. Wulin kayni siɗawaŋ kay dir sum sa hinna.

KAL-GOYTA 4:14

Nala Ma-Vatɗin dikam muɗi ɦiya kat Musus, nam di'e: Ɓasuŋŋa Aaron ma Levitna mayɗi su? Nan wi ala nam mi sa ma vunam law goy gaŋiya. Nam kaw ma tuɗay kiraŋu hay li ma nam waŋawana, nam ma li firi hay dikam kalafi.

KAL-GOYTA 4:30

Aaron di labara ma Lawna dum mi Mususna mi sumun kaf, nam li ɗekka goy kir sumun kafe.

KAL-GOYTA 5:1

Bugol kayni Musus hiɗi Aaron kalay kat Farawn, nisi dumu: Humaŋu: Ma-Vatɗina Lawna vi Israyel di ala: Hinaŋ sumuna van kal goyo, kay nisi ma li yuldeta kay suburan senu hay fulda.

KAL-GOYTA 7:10

Musus hiɗi Aaron kalay kat Farawn, nisi li kuɗ va ma Lawn disitna. Aaron gi zugulda valam gaa vok Farawn hiɗi sa sunda valamu, na' muɗ goy guya.

LAW MA NIR-NIRAMNA 13:10

Sli-yamda kulota mar ci-wayta, may yalda ka hiɗi sa hum gatta.

ESAYA 37:4

Kla, yoboy ma mul ma Asiriyan gi sa ma sunda valam Rabsake aya, kay ŋul Ma-Vatɗina ma irina hiɗi namna, Ma-Vatɗina Lawna vaŋu humi kalamu klasige. Ma-Vatɗina ma ka kitat kalamu kuɗ yoboy ma nam humumna klasige. Wulin kayni siɗawaŋ kay dir sumun ma hinna.

MIKKA 6:4

Yawgi ay goy hay nagat Egipte pa kayn mi nanɗi su? Butgi goy hay gorvot mi nanɗi su? Musus hiɗi Aaron hiɗi Miriyam tunsi vokgi mi nanɗi su?

ŊAƁTA 11:1

Sumun tun caw ŋurnaya, lawt kayni may kal hay dik Ma-Vatɗin ŋaaɗi. Hay li ma Ma-Vatɗin hum ŋurnayta visiya, nam muɗ ɦiy ŋolo, kuta valam do jarsiya, na' ŋal gaŋ guruna visi goyo.

ŊAƁTA 11:29

Musus hot dumu: Naŋ hunay katan su? Lali sumuna vi Lawn kaf sa jobta jarsiya kayn may ŋaaɗi su? Ma-Vatɗin cuk ŋusta valam kisi kayn may ŋaaɗi su?

ŊAƁTA 12:3

Ma-Vatɗin hum kayni. May Musus kayni, nam mi sa ma ŋalda valam suwi ŋolo, sa mara ma gaa kay nagat ki nalam nala mayɗi.

ŊAƁTA 16:3

Nisi tok tuwsi kat Musus hiɗi Aaron disi ala: Numa makawa kigiya, kay sumun kaf tan peldete, Ma-Vatɗin ka jarsi lay. Nigi subur tuwgi kat sumuna vi Lawn kayn kay mige?

ROMENA 12:10

Ligi ŋali jar-tuwgiya, tiygi kay tuwgiya, gargi kay sli yam tuwgi kulo'o hena suw hena.

ROMENA 12:3

Kay kuɗ slugota ta vuli manu, nan min di tam gige jargi kaf a nam ma niŋa niŋata ta suwtaɗi, ta calay goytaɗi kaw, may nam ma var ŋali, poy ŋali kaw kuɗ vun ɓurawta vi vida ta Lawn vul tam sana sana.

FILIPINA 2:14

Ligi slen pet bay ŋurnaya, bay ci waya kaw,

FILIPINA 2:3

Li va kay ci-wayta lebo kay suburta ɦawaɗi, may hay hot yamda gaata, nigi ma ɗuw segena ŋolo suwgi nigiya.

1 PETER 5:5

Nala kaw nigi sa bay li busat ŋol tuwana, humgi kuɗ sa maariyana, nigi kaf cukgi ŋalda kigiya jar-tuwgiya, kay Lawna fok kulo'o kay sum sa subur tuwsina, may nam vul slugota valamu mi sa hot yisi gaana.