MIKKA 4:3 - BIBALDA TA PELDETTA

³ Nam ma ka kitat kay jaf-sumun ŋolo, nam ma poŋ ir lawta jar naga ŋulo ma donona, ma goy ginena. Kew-gaferaŋa visi nisi ma zlam goy ɗugum ma zumu, kaway-ma-duura visi nisi ma zlam goy hirami, naga tara ta as fok kulo'o kay tuɗ dur naga tara hiɗi kew-gaferaŋa loɗi, sa as hum labara vi duura loɗi kaw.

MIKKA 4:3 Iomraidhean Croise

ESAYA 2:4

Nam ma lin mi sa ma ka kitat jar jaf-sumuna, nam ma kot lawt jar sumun ŋolo. Kew-gaferaŋa visiya nisi ma zlam goy ɗugumu, kaway-ma-duura visiya nisi ma zlam goy hirami, jaf-sum sara'a ma yaw kew-gaferaŋa kulo'o tam jaf-sum sara'a loɗi, labara kay duura nay ma humum loɗi.

HOSEYA 2:18

Hay buur namna ɗawni, din Ma-Vatɗina: Nak ma yan ala Jufanu, nak ma yan ala mulanna loɗi.

LOPNA 17:31

Kay nam col buur kep, ma nam ma ka kitat vi sa nagatna kuɗ ɗigerta va'a, hay sana ma nam vilekem goyna, lo, nam vul tam kafe va ma nam di goy kalamna hay li ma nam dayam kulo'o jar sa mitina pa.

ESAYA 65:25

Keŋŋa hiɗi goor ɦu dimina ma ti hat hay liy kep, zlona ma tum mi hati ki putna nala, guyna ma tum mi naga'a. Kulo hay hiɗiyta van ta peldetta ɗawni, va ma joo as li loɗi, va as ɓulak loɗi kaw. Din mi Ma-Vatɗina.

NULLA 98:9

Vok Ma-Vatɗina! Kay nam ka co'o kay ka kitata kay nagata; nam min ka kitata kay nagata hiɗi ɗigerta, nam min ka kitat kay sumun hiɗi kitata ɗigerta kaw.

NULLA 96:13

Vok ir Ma-Vatɗina. Kay nam ka ma'a, kay nam ka ma'a kay ka kitata kay nagata. Nam ma ka kitat kay nagata hiɗi ɗigerta, ma ka kitat kay sumuna kuɗ gasita valamu.

WID-ŊAYAYTA 19:11

Bugolda nan wi wuralawna goy maliya, iran cuk kay kulum ma haɓna. Nam ma musi kalamna yum ala ɗigere hiɗi gasiya. Nam ka kitata, dur kaw hiɗi hagata ta hay liya'ta.

ZAKARIYA 14:3

Ma-Vatɗina ma vul tuwami goyo, nam ma dur sum nisina, ki nam ka li hay buura vi duur ŋolla nala.

ZAKARIYA 9:10

Keke-ma-duura vi gurona vi Efrayim nam ma tom goyo, kulumay ma hay Yerusalemna kaw, ɓaraw ma duura ma muɗ may loɗi, nam ma vul labara vi toyta tam sumuna, mulda valam ma tun caw ay hay vun niy-lum ma hena, ta-ta goy vun niy-lum hen goŋ', tun caw ay hay vun niy-lumni zaw, ta-ta hay vun nagat ma dabayna.

JOWEL 3:2

Sa gorvona van ɦawa kaw, nan min was ŋusta van goy tisiya, sa jufayna hiɗi sa boyn kaw.

DANIEL 2:44

Hay liyna vi muliyan nisina, Lawn ma wuralawna ma day yam mul tara kulo kepe, mul na'ta ma ɓulak goy noŋɗi, mulda na'ta jaf-sum sara ma kol ka'ɗi, mul hen lakŋi na' ma gurum goyo, tom goy kafe, mul na'ta ma mus ta-ta hay vatɗita.

ESAYA 60:12

Kay jaf-sumuna hiɗi muliyana sa min sungiɗina ma ba goyo, jaf-sum nisina ma mit goy kafe.

ESAYA 51:5

Gasita van ka goboyo, su'da vanu ma vul tuwa' goyo, gilaŋatanu ma ka kitat kay sumuna; jokona ma zaman ɓanu, nam ma tun vida valam hay donota vanu.

ESAYA 25:3

Kuɗ kayni sum sa donona ma tiyaŋ seŋu, hoyok-ziyna vi jaf-sum sa las sumuna ma wi ŋolda vaŋu.

ESAYA 9:7

Bum-Sumuna di yoboyn kat jafna vi Yakub, yoboyn namna nig kay jafna vi Israyel,

NULLA 82:8

Lawna, fokaŋ kulo'o, kaŋ kitata kay nagata, kay sum sa hay nagatna kaf vaŋu.

NULLA 72:7

Hay buura valam ɗawni sa ma ɗigera ma fi ŋaata, sle'ta ma li ŋolo kaw, ta-ta vat-goyta vi tilla.

NULLA 46:9

Nigiyaya, ɗuwgi lopna vi Ma-Vatɗina, ɗuwgi slen ma nam ɓulakam gaa kay nagata.

1 SAMUEL 2:10

Sa gaw kay Ma-Vatɗina tuwsi ma muɗ visi bat-bat; goy hay wuralawn pa nam ma gi niy ma bayn gaa kisiya; Ma-Vatɗin ma ka kitat kay vun nagat ma dabayn kafe. Nam ma vul donota mi mulla valamu, falam ma mul ɦoki kalamna nam ma slum kulo'o.

NULLA 72:3

Hiɗiyna ma mar toyta tam sumuna, boŋoloŋŋa nala kaw, kuɗ ɗigerta vaŋu.

ZAKARIYA 8:20

Kayni mi va ma Ma-Vatɗina vi vok-ma-duura di'e: Jaf-sumun sa ka lakay hay hoyok-ziyn mara'a mara'a ŋolo ma co'o.

NULLA 46:10

Vat duur goy kay nagat kaf kayn mi namu, nam kus ɓarawt goyo, nam kus kawayn goyo, nam ŋal keke-ma-duura goy hiɗi kuta kaw.

HOSEYA 2:20

Hay buur namna ɗawni, nan ma kotsi bonot jarsi hiɗi muur ma hay sinena, hiɗi layayn ma dukalawna, hiɗi sle ma harmat gaa kay nagatna, ɓarawta hiɗi kew-gaferaŋa hiɗi duura nan ma vatam goyo, nan ma hinsi tun suk hay sle'ta.