LUKAS 9:16 - BIBALDA TA PELDETTA

¹⁶ Nam yaw fu ma vaslna hiɗi kuluf ma ma'na, ɗuw kulo hay wuralawna, gi bol kalamu, nam ɓurawan iram goyo, vulum mi sa hatayna, kay nisi ma ɓurawam goyo tam sumuna.

LUKAS 9:16 Iomraidhean Croise

MATEWUS 14:19

Nam vul hagata tam sumuna kay nisi ma mol gaa'a kay usna. Nam yaw fu ma vaslna hiɗi kuluf ma ma'na, ɗuw iram kulo wuralawna gi bolo, nam ɓuraw funa, vul mi sa hatayna, sa hatayna ɓurawam tam sumuna may.

MATEWUS 15:36

Nam yaw fu ma siɗiyana hiɗi kulufna kaw, bugol nam gi deɓ gina, ɓurawam goyo, vulum mi sa hatayna, sa hatayna vulum tam sumuna may.

MARKUS 7:34

bugolda nam muɗ iram kulo wuralawna, gi suku di'e: Effata, kayn di ala: malaŋ goyo.

LUKAS 22:19

Bugolda nam sli funa, bugol gi deɓ gina, nam jutum iram goyo, vulsiya di'e: Kayni mi tuwanu, ma vuli goy kigina, ligi kayni kay humgi ma gigi kanu.

LUKAS 24:30

Hay li ma nam mus gaa kay ti hiɗi nisiya, nam sli funa gi bolo, ɓurawamu vulsiya.

LUKAS 9:15

Nisi li nala kaw, nisi hinsi mol gaa'a kaf.

LUKAS 9:17

Nisi kaf ti'e, hob kaw, dir fu ma hin goyna li ir tikisi doogo yam ma', nisi yawam kulo'o.

YOHANA 6:11

Yesu yaw funa, gi bol kalamu, ɓurawam goy tam sa ay molay gaana; nam li nala kaw hiɗi kulufna, ta-ta nisi fi pet ma nisi mina.

YOHANA 6:23

May lum hena may Tiberiyad pa goboy hiɗi liyn ma nisi ti fun hayna, bugol Bum-Sumuna gi bol kalam gina.

LOPNA 27:35

Hay li ma nam di kayni dina, nam sli funa, gi deɓ mi Lawna voksi kaf, ɓurawamu, tun caw ti'e kaw.

ROMENA 14:6

Sa ma tun ŋalda valam kay buura nam tun ŋalda valam kayn kay Bum-Sumuna. Sa ma ti'e nam li kayn kay Bum-Sumuna, kay nam vul gi-deɓta mi Lawna. Nam ma tiɗi kaw, nam li kayni kay Bum-Sumuna, vul gi-deɓta mi Lawna kaw.

1 KORINTENA 10:30

La nan ti'e hiɗi gi-deɓta, nan as fi ŋulda kuɗ va ma nan tum hiɗi gi-deɓta kay mige?

1 KORINTENA 11:24

bugol nam gi bol kalam gina, ɓurawamu di'e: kayni mi tuwanu, ma (vuli goy) kigina, ligi kayni kay humgi gigi kanu.

1 SAMUEL 9:13

Hay li ma nigi kalawa kulo hay hoyok-ziyna, nigi ma ŋaf hiɗi namu jew a nam jik kulo kay hiɗiyna kay ti'e; kay la nam bay co'o, sumun as tiɗi, jew a sum sa yiyn ti kayni, nam as gi bol kay ɗifinna tuwa. Tuɗgisa, kay nigi ma fum wulini.