LUKAS 9:11 - BIBALDA TA PELDETTA

¹¹ Hay li ma sumun hum kayni, nisi tuɗ kuɗumu. Yesu visi hiɗi firita, nam lawsi kay mulda-Lawna; nam muɗ sa moyna goy ŋaa'a kaw.

LUKAS 9:11 Iomraidhean Croise

ESAYA 61:1

Ŋusta vi Bum-Sumuna, Ma-Vatɗina ka kanu, kay Ma-Vatɗina ɦok mulawa kanu. Nam ganawa kay tuɗ labar ma firina tam nisi sa vun hawta, kay cit milla vi nisi sa diksi goy muniya, kay kus labara vi butta-goyta tam sa yaway gorvona, kay kus labara vi butta-goyta tam sa daŋgayna.

MATEWUS 12:15

Hay li ma Yesu wi kayni, nam kalay goy hay liy mara'a. Sumuna ŋolo tuɗ kuɗumu, nam muɗsi goy ŋaa'a kafe.

MATEWUS 14:14

Hay li ma nam kalay goy hay lumda, nam wi sumun ŋol ɦini ɦini', nisi muɗ kiram hawi, nam muɗ sa moyna visi goy ŋaa'a.

MATEWUS 21:31

Jar sumun ma' lakŋi, ma li minda vi bulumu mi marige? Nisi di'e: Ma jewna. Yesu disiya: Nan digi gasita, sa tar vun-lumuna hiɗi boy sa viyuwna ma cuk kalaf hay mulda-wuralawna jewgiya.

MATEWUS 21:43

Kuɗ kayni nan digi ala: Mulda-Lawna ma sliys goy kigiya, vulis goy tam jaf-sum sa vuɗ vuɗna va'a.

LUKAS 1:53

Sa mayt cisina nam hobsiyawa hiɗi slen ma ŋaana, sa galapna nam hotsiyawa goy hiɗi bisi ɦawa kiɗaŋ-kiɗaŋ'.

LUKAS 5:31

Yesu hot dita: Sa bay-moyna gar doktorɗi, may gar doktor kayni si sa moyn tisina.

LUKAS 8:1

Bugol kayni, Yesu ka poy hay hoyok-ziy ŋulona ŋulona, hay hoyok-ziy gurayna kaw. Nam ka kus labara ma firina vi mulda vi Lawna.

LUKAS 8:10

Nam disiya: Vuli tigi nigiya kay wi caw ŋayayta vi mulda-Lawna: May tam segena, kayni diy tisiya hay law ma nir-niramna kay nisi ma ɗuwa, may wi goy ŋaaɗi, kay nisi ma huma, may humum cawam noŋɗi.

LUKAS 9:10

Hay li ma sa apostolayna hotiyawa, nisi vi labara mi Yesu kay slen ma nisi lumay kafna, nam yawsi kuɗumu, kal goy ŋayaya hiɗi nisiya, goboy hiɗi hoyok-ziyn ma yum Betsayda.

LUKAS 9:12

Fatta tun caw kal gaa'a, sa doogo yam ma'na ma talamu, ka dum ala: Gaŋ ir sumuna kay nisi ma tuɗ hay hoyok-ziyn hiɗi naga gurayna ma galamna kaw, kay gar liy ma buura hiɗi sle ma tina: Kay nay ka tan kayn goy fulu.

LUKAS 9:2

Nam cuksi goyo kay kus labara kay mulda-Lawna, kay yer sa moyn goyo kaw.

YOHANA 4:34

Yesu ka disiya: Tina vanu kayni kay li minda vi nam ma ganina, a vat lopna valamu kaw.

YOHANA 6:37

Nisi kaf sa Bumna vulanta, nisi ma tanu, nam ma ma katanu, nan ma gum goy noŋɗi;

LOPNA 28:31

Nam kus yoboyna kay mulda-Lawna, nam vul hatta ŋolo kay Bum-Sumuna Yesu Kristu, nam di slen goyo hiɗi bay-narta, sa ma telem mayɗi.

ROMENA 10:14

Nam ma nisi bay vi hayamna nisi as siɗawam ir nanige? Nisi fi vi'e hay li ma nisi bay huma ir nanige? Nisi fi huma bay sa kus yoboyn tisiya ir nanige?

ROMENA 10:17

Nala vida ma'a kuɗ kusta ta san huma'ta, kusta na'ta mi yoboyna vi Kristu.

ROMENA 15:3

Kay Kristu kaw may gar sle ma li ŋaa'a tam tuwam ma ɗeŋŋaɗi, ki ɗo'ay nala: Ŋulda vi nisi sa ŋulaŋu ni gaa'a kanu.

2 TIMOTEWUS 4:2

kusaŋ yoboyna, lawaŋ ɗeŋe hay liyn kaf, hay li ma ŋaana lebo marige kaw, muɗaŋ varta vi sumuna, disi kirsiya gatsiya, hatsi hiɗi ŋalda kaw.

HEBRENA 4:16

ɦuray kulo'o hiɗi vida tam zlamda-mulda vi slugota, kay nay ma muɗ kiram hawi, fi slugota kaw, a nam ma gutaya hay liyamu.