LUKAS 9:1 - BIBALDA TA PELDETTA

¹ Nam yi sa doogo yam ma'na talamu, vulsi donota hiɗi gaŋeraŋa kay fuliyan kaf, nam vulsi donota kay yer moyn goyo kaw.

LUKAS 9:1 Iomraidhean Croise

MATEWUS 16:19

Nan min vulaŋ klena vi mulda-wuralawna: Va ma naŋ junum gaa kay nagat tani, nam juni hay wuralawna, va ma naŋ butum goyo gaa kay nagat tani kaw, nam buti goyo hay wuralawna.

MATEWUS 4:24

Labara valam mer goy hay Siriya noŋ kaf, nisi mar talamu sumun kaf sa las kuɗ moyna hiɗi tuw-tita tara'a tara'a, sa fuliyan kisina, sa ul cisina hiɗi sa dirlayna kaw. Nisi kaf nam muɗsi goy ŋaa'a.

MATEWUS 8:9

Kay nan kaw mi sa ma gaa kuɗ gaŋeraŋa vi sa mara'a, may sojena ka gaa kuɗ gaŋeraŋa vanu kaw. La nan di tam soje mara'a ala tuɗaŋu, nam tuɗa, la nan di tam hen ala naŋaya, nam ma'a, la nan di tam sa ma sunda van ala laŋ van kayni, nam as lumu may.

LUKAS 10:1

Bugol kayni, Bum-Sumuna vilek sum segena dok-siɗiya lo, cuksi vokom kuɗ tuwsi ma' ma' hay hoyok-ziyna hiɗi liyn kaf ma nam kay tuwamu ma tuɗ hayna.

LUKAS 10:19

Humgiya: Nan vulgi gaŋeraŋa kay tun wur-segi kay guyna hiɗi ɦurduwna kaw, kay donota vi ma gawta kaf. Va ma as kay li joo tigi mayɗi.

YOHANA 14:12

Nan digi gasita, sa ma vi hay nanu, nam ma li lop ma nan lumna, nam ma li lop ma ŋulo ma suw kayni kaw, kay nan min tuɗ tam Bunu;

LOPNA 1:8

May nigi ma fi donota, hay li ma Ŋusta-Peldetta maawa kigiya, nigi ma muɗ si sa di goy kanu hay Yerusalem, hay Yudiya pet, hay Samariya kaw, ta-ta hay dabaŋ-gu'ta vi nagat goŋ'.

LOPNA 3:16

Hiɗi vida hay semda valamu, ma nam muɗ san zawnawa goy dono'o, nam ma nigi ka ɗuwumu, wumu kaw; nam fi ŋaatawa vok irgi tani kaf kuɗ vida ta kuɗ Yesuta.

LOPNA 4:30

Meɗaŋ ɓaŋ goyo kay yerta-goyta ma li'e, ɗekka hiɗi slen ma li kuɗ gul-yalda ma li hay semda vi sa ma sunda vaŋu Yesu.

LOPNA 9:34

Peter dum ala: Eneyas, Yesu Kristu muɗaŋ goy ŋaa'a, fokaŋ kulo'o, kotaŋ va ma buura vaŋ kay tuwaŋu, nam fokay kulo cigiɗaw' de'.