LUKAS 7:12 - BIBALDA TA PELDETTA

¹² Hay li ma nam co goboy hiɗi vun-galana vi hoyok-ziyna, nam wi sumun ka ziy sa ma mitin goyo, mi goor ma kay sulum kepna, sulumu ti cata duhulta, sum sa hay hoyok-ziyn ay ŋolo hiɗi na'a.

LUKAS 7:12 Iomraidhean Croise

CAWA'TA TUNITA 22:12

Sunda-wuralawna dumu: tun ɓaŋ kat goorɗi, li va talamɗi noŋo, wulin kayn nan waawa ala naŋ li nar kuɗaŋu, kay goora vaŋ ma kaŋ kepna kaw naŋ min telem goy kanɗi.

CAWA'TA TUNITA 22:2

Lawn di'e: Vaŋ goora vaŋ Isaak ma vuɗi kepna ma hayaŋ kalamna, tuɗaŋ hay nagata vi Moriya, ɗawni naŋ ma ŋalam goy ɗifin, kulo kay hiɗiyta ta nan min daŋ ka'ta.

2 SAMUEL 14:7

Wulin kayni sum sa hay jafna visina yaway kulo katanu, ala nan vulsi goora vanu ma ci ɓasulumn goyna, kay nisi min cum goyo kuɗ ci ma nam ci ɓasulumna. Nam ma yaw vocota numa min cum goyo, ki kayn nala vun guna van ma hini ŋal waŋŋa nisi tewem ɗawn goyo, kay semda vi jufan ma hin gaa hay nagatɗi lay, sa valam mara hin iri gaa kay nagatɗi lay.

1 MULIYANA 17:12

Na' ka hotom dit ala: Hay sem Lawna vaŋ ma irina, fu may yiy kanɗi, nan ka hiɗi futuw ne' ɦawa hay dowayta, mul ne' ɦawa hay doŋolayta may. Ɗuwaŋ tige, nan ka vilek gu cekcelem ma', bugolda nan ma kal vo'o, nan ma kot tin kanu hiɗi goora vanu; numa ti funa, bugolda numa cub mitta.

1 MULIYANA 17:18

Na' di tam Eliyas ala: Sana vi Lawna, va ma ka jaran nan hiɗi naŋu mi mige? Naŋ co hay ziyna van kayni kay ziy jiw-zlata van kulo'o, a goora vanu ma mita su?

1 MULIYANA 17:23

Eliyas sli goora, jikim gaa'a, vulum mi sulumu. Eliyas di cata: Ɗuwagu, goora vag ka iriya.

1 MULIYANA 17:9

Fokaŋ kulo'o, tuɗaŋ hay Sarepta, ta ka hay Sidon, musaŋ ɗawni. Humaŋu, nan vul hagat tam cat ta duhulta kay na' vulaŋ tina.

2 MULIYANA 4:16

Elise di ta'a: Cakata hay li ma liyn hotiyawa ki tan nala, nak ma vi goor kagu. Na' dumu: A'a, sam-ŋolla vanu, sana vi Lawna, naŋ ɗutanɗi.

2 MULIYANA 4:20

Sa ma sunda slumu kalam mi sulumu. Goor bur dik sulum waŋ' ta-ta falay calakka, bugol kayni nam mita.

JOB 29:13

Sa ma min mit goyna bolda valam may goy hayan nan pa; boy sa duhulla nan ka hobsi haysi hiɗi firita.

ZAKARIYA 12:10

Hay na'ta nan ma gi ŋusta van ta slugota hiɗi ta giɗel-della goy hay ziyna vi David, hiɗi sum sa hay Yerusalem kafe. Nala nisi ma cuk irsi kalamu, kir nam ma nisi jikimna. Nisi ma tiy kalamu, ki san tiy kay goora valam ma kalam tuɗoŋ kepna nala, nisi ma tiy dono ŋolo, ki san tiy kay goora valam ma vuɗi jewn nala.

LUKAS 7:11

Hay buurta ka'ta nam kal hay hoyok-ziyn kepe yum Nayin, sa hatayna valamu hiɗi sumun ŋolo ka tuɗ kuɗumu.

LUKAS 7:13

Hay li ma Bum-Sumuna wa'a, na' muɗ kiram haw ŋolo, nam da'a: tiyɗi.

LUKAS 8:42

Kay goota valamu kalam kepe, busata va'a doogo yam ma', na' buri moyo, goboy vun mitta. May hay li ma Yesu min kal ta'a, sumun hebem ŋolo.

LUKAS 8:52

Sumun kaf ka tiya, yor tuwsiya kaw. May nam di'e: Tiygiɗi, kay na' bay mita, may na' kalay sene.

YOHANA 11:19

Sa Yudiyana ŋolo ma tam Marta hiɗi Mariya kay teŋsi irsi kay mitta vi ɓasusina.

LOPNA 9:39

Peter fokay kulo'o kalay hiɗi nisiya. Hay li ma nam coowa, nisi kalam kulo hay ziyda-kulota. Boy sa duhulla kaf sa ka tiya ma talamu, nisi ɗekem kay sligara hiɗi sligar-tuwna ma Dorkas kotomna hay li ma na' ays hiɗi nisiya.

LOPNA 9:41

Nam vula' ɓalamu, musa' kulo'o kaw. Bugolda nam yi sa peldetna hiɗi boy sa duhulla, nam cola' goy voksi iriya.

YAKUB 1:27

Vida gasita bay gese vok Lawna Bumna kayn ala: Sar guro sa kuyuna hiɗi boy sa duhulla hay lasta visiya, ŋom tuwaŋu kay liwisna vi nagata kaw.