LUKAS 4:18 - BIBALDA TA PELDETTA

¹⁸ Ŋusta vi Bum-Sumuna ka kanu, kay nam ɦok mul kanu kay nan yer goyo sum sa sutaysi toyna, Kay nan ma kus labara ma firina tam sa hawna; kay vul butta-goyta tam nisi sa ka hay daŋgayna, kay mal ir sa dukin goyo, Kay but goyo nisi sa ka vun curo'da,

LUKAS 4:18 Iomraidhean Croise

CAWA'TA TUNITA 3:15

Nan min tun gawt jaraŋ hiɗi na'a, jar jafna vaŋu hiɗi jafna vi cata. Jafna va'a nam ma munaŋ yaŋ goyo, naŋ ma calam dubukamu may.

2 LABAR-MA-LIYNA 34:27

Kay tuwaŋ muɗi nari, kay naŋ hot yaŋ gaa'a vok Lawna hay li ma naŋ hum yoboyna vanu ma law kat sumuna vanu, kay naŋ hot yaŋ gaa vok iranu, kay naŋ jet sligara vaŋ goyo, naŋ tiy vok iranu, nan kaw nan humiya, din Ma-Vatɗina.

NULLA 102:20

Kay hay liyna valamu ma peldetna ma kulona pa, nam ɗuw gaa'a, kulo hay dukalawna pa Ma-Vatɗina ɗuw gaa kay nagata,

NULLA 147:3

nisi sa diksi kusiya nam muɗsi ŋaa'a, nam jun vun milla visiya.

NULLA 2:2

Muliyan sa kay nagatna ka yaw kulo'o, sa ŋulona kaw ka ŋra vun tuwsiya kat Ma-Vatɗina hiɗi falamna ma mul hoki kalamna.

NULLA 2:6

Nir na'ta kep mulla vanu, tunum mul kay Siyon hiɗiyta van ta peldetta mi nanu.

NULLA 34:18

Hay li ma sa ɗigera siwela, Ma-Vatɗina huma. Nam suɗsi goy hay lasta visi kaf kaw.

NULLA 45:7

Lawna, zlamda-mulda vaŋu col dono'o dok-doko, ta-ta hay vatɗita. Zugulda-mulda vaŋ kayni ti zugulda ta ɗigerta.

NULLA 51:17

Bum-Sumuna, malan vunan goyo, nala vunan ma sli semda vaŋ kulo'o.

ESAYA 32:3

Sum sa irsi wina irsi ma duk loɗi, sum sa humsi humna ma muɗ jak humsiya.

ESAYA 35:5

Ki kayn nala ir sa dukin ma mal goyo, hum sum sa gidiŋŋa ma mal goyo kaw.

ESAYA 42:7

Kay mal ir sa ma dukin goyo, kay but sa gorvon goy hay daŋgayna, kay but sum sa hay jufunda goy hay ziyna visi pa.

ESAYA 45:13

Fok Sirus kulo'o kay gasita kayni mi nanu, nan ma tor hagat goy vokom kafe; nam ma hot in hoyok-ziyna van kulo'o, sa gorvona vanu nam ma hinsi kala bay jobsi gurju'u, bay jobsi va'a kaw. Din mi Ma-Vatɗina vi vok-ma-duura.

ESAYA 49:9

Kay di tam sa ka hay daŋgayna ala: Cukgiyay goyo, Kay di tam nisi sa ka hay jufunda ala: Kalgiyay goyo. nisi ma ŋom farayn goy hay hagana, nisi ma fi liy ma farayn ma ti hatna kulo kay hiɗiyn kaf.

ESAYA 50:4

Bum-Sumuna ma Ma-Vatɗina tun hay vunanu vunna vi sa hatayna, kay nan ma wi yal kay gut kuɗ sa maŋayna hiɗi dita; Graw culumta dok-dok nam zliyan kulo'o, nam ka gan humanu a nan ma huma ki sa hatayn nala.

ESAYA 57:15

Kay, ma Kulo-Jamna, ma liyn ma musta valamu may vatɗina, ma semda valam ala peldete, nam di ala: nan mus hay liyn ma kulo jami hiɗi peldete, may nan mus kaw hiɗi sa ma vun curo'da, hiɗi sa ma ŋusta valam hoti gaa'a, kay vul donota mi sa ŋusta visi maŋay goyna, kay vul donota mi sum sa vun curo'da kaw.

ESAYA 59:21

May nanu, bonota van ta hiɗi nisit kayni, din mi Ma-Vatɗina. Ŋusta vanu ma mus kigiya, yoboyna vanu ma nan tunum vungina jaram ma ja goy hay vungi noŋɗi, jaram ma ja goy hiɗi vun gurona vi gurona vigi noŋɗi kaw, jaram ma ja goy hiɗi guro-ŋolona vigi noŋɗi. din mi Ma-Vatɗina, tun caw vaydi pa, ta-ta dok-doko.

ESAYA 61:1

Ŋusta vi Bum-Sumuna, Ma-Vatɗina ka kanu, kay Ma-Vatɗina ɦok mulawa kanu. Nam ganawa kay tuɗ labar ma firina tam nisi sa vun hawta, kay cit milla vi nisi sa diksi goy muniya, kay kus labara vi butta-goyta tam sa yaway gorvona, kay kus labara vi butta-goyta tam sa daŋgayna.

ESAYA 66:2

Slen kayni kaf ɓan kotomawa, maram hay nagat mi nanu. Dita vi Ma-Vatɗina. Kayni mi sa ma nan cuk iran kalamna: Sa ma maŋayna ma sutiyam toyna, ma tuwam wirim kay yoboyna vanu.

EZEKIYEL 9:4

Ma-Vatɗina di talamu: Jikaŋis kulo jar hoyok-ziyna, kulo jar Yerusalem, naŋ ma ɓir ɗota hay vok sum sa ka ci lasta, sa ka tiya kaw, kuɗ liwista kaf ta sumun ka la' haya'ta.

DANIEL 9:24

Lumu dok-siɗiya ŋaɓay goyo, kay sumuna vaŋu hiɗi hoyok-ziyna vaŋ ma peldetna kaw, kay tew jiw-zlat goyo, kay vat sulukŋ goyo, kay por kay joota, kay mar ɗigerta ta vatɗita, kay hob vun wid-ŋayayta hiɗi vun-jobta, kay ɦok mul kay ma peldet suw kafna.

SOFONIYA 3:12

Jargiya nan ma hinsi ɗawni si sum sa hot yisi gaa'a, sa maŋaya, sum sa gar liyna visi ma ŋayna hay Ma-Vatɗina.

ZAKARIYA 11:11

Hay na'ta de' bonot ja goyo, fok-dimi namna ma muɗi las ŋolla tun caw li nar kanu, nam wi ala kayni mi dita vi Ma-vatɗina.

MATEWUS 11:5

Sa dukina muɗi wi'e, sa dirlayna muɗi poya, sa moy-kuturuna yeray goyo, sa gidiŋŋa muɗi huma, sa mitina fokay kulo'o; labara ma firina ka kusis tam sa hawna.

MATEWUS 12:18

Sa ma sunda vanu ma nan vilekemna zawni, Dukanna ma ciwta vanu daramu, nan ma cuk Ŋusta van kalamu, nam ma ɗek goy kay gasita tam jaf-sumuna,

MATEWUS 12:20

Cerew ma hormosi gaana nam ma kusum goyɗi, fitil ma ŋal kiɗayna nam ma tewem goy helmesɗi, ta-ta nam ma vul kolda mi gasita.

MATEWUS 4:16

Sumuna sa lakay hay jufunda wi haraŋ ma ŋolla, Nisi sa lakay hay nagata hiɗi ŋus-mitta kaw, Haraŋa foowa goy kisiya.

MATEWUS 5:3

Sle'ta ka kay sa haw hay ŋusta, kay mulda-wuralawna kayni fisita.

LUKAS 4:17

Nisi vulum ɗerwelda vi sa ma jobta-Lawna Esaya. Nam mal ɗerwelda goyo, nam jaŋ hay liy ma ɗoy ala:

LUKAS 6:20

Bugolda nam cuk iram kir sa hatayna di'e: Sle'ta ka kigi nigi sa hawna, Kay mulda-wuralawna kayni figita.

LUKAS 7:22

Yesu hot ditiya disiya: Tuɗgiya, digi Yohana kay sle ma nigi wum hiɗi irgiya, humum hiɗi humgiya kaw, sa dukina muɗi wi'e, sa dirlayna muɗi tuɗa, sa kuturuna yerawa goyo, sa gidiŋŋa muɗi huma, sa mitina zliyiy kulo'o, labara ma firina kusi tam sa hawna.

YOHANA 1:41

Nam fi ɓasulumna Simon Peter, ka dum ala: Numa fi Mesiyas ayawa. Kayni min di ala Kristu.

YOHANA 12:46

Nanu mi haraŋa, nan maawa hay nagata kay gigekaw ma vi hay nanu ma mus hay jufundaɗi.

YOHANA 3:34

kay sa ma Lawna gumi sunu nam dum mi yoboyna vi Lawna, kay Lawna vul Ŋusta ŋol suwa.

LOPNA 10:38

Ir nanige Lawna ɦok Ŋusta-Peldetta hiɗi donota kay Yesu ma Nasaretna, ma poy hay liyna liyna, li ŋaata hiɗi yerta-goyta tam nisi kaf sa ay gaa kuɗ lasta vi Matna; kay Lawna ay hiɗi namu.

LOPNA 26:18

kay nisi ma hin jufunda goyo muɗ tam haraŋa, kay nisi ma hin donota vi Satan goyo, muɗ tam Lawna, a nisi ma fi gida kay sulukŋa, fi vocota hiɗi sa li goy peldete hay vida hayanu kaw.

LOPNA 4:26

Muliyana sa kay nagatna yawawa kulo'o, sa ŋulona tap yam-tuwsiyawa kat Bum-sumuna, hiɗi ma mul ɦokay kalamna valamu.

LOPNA 4:27

Kay hay gasita, nisi tok tuwsiya kay sunda vaŋ ma peldetna Yesu, ma naŋ ɦokom mul kalamna, Herod hiɗi Pontus Pilatus ŋra vunsi kalam hay hoyok-ziyn tani, hiɗi jaf-sumuna, hiɗi sum sa Israyel kaw,

KOLOSENA 1:13

Nam butayawa goy hay gaŋeraŋa vi jufunda, nam kaliyawa hay mulda vi goora valamu ma hayam kalamna,

YAKUB 2:5

Humgi tige, ɓosiyon sa hayan kigina, Lawna vilek sum sa hawnawa hay nagat tani, kay nisi ma muɗ faraya hay vida, kay yaw mulda ta nam deŋa' tam nisi sa minimna kawɗi su?

1 PETER 2:9

May nigiya, nigi mi jaf ma vilekay-goyna, muliyan-sa-ɗifinna, jaf-sum sa peldetna, sum sa gusina, kay nigi ma di goyo kay ŋaata vi nam ma yigi ay hay jufunda pa, tam haraŋa valam ma jifiy ŋolla.