LUKAS 3:8 - BIBALDA TA PELDETTA

⁸ Kay na'ta ligi lopna ma ŋray hiɗi hamda, vargi hay dikgi ala buma'a mi Abraham vargi naɗi, kay nan fi digi ala Lawna as kay yaw kuɗ goorhoyon lakŋi, kay muɗum goy guro'o mi Abraham.

LUKAS 3:8 Iomraidhean Croise

NEHEMIYA 5:11

Hay fatta vaydit zawni nigi ma hotsi sinena visi goyo, gulda-guldana visiya, gu-olivena hiɗi ziyna visi kaw, hiɗi gal ma kisna vi gurjuta, vi alkamarena, vi vin ma jibetna hiɗi mula kaw ma nigi min fi niy tisi hiɗi namu.

EZEKIYEL 33:24

Goora vi sana, nisi sa li ziy jar hoyok-ziy ma ɦoy gaana hay nagata vi Israyel ka di ala: Abraham ay valam kep kaw nam sli nagat kayni, nay sa kuɗ tuway ŋolla naga na'ta vuli may naya.

MATEWUS 21:43

Kuɗ kayni nan digi ala: Mulda-Lawna ma sliys goy kigiya, vulis goy tam jaf-sum sa vuɗ vuɗna va'a.

MATEWUS 3:8

Kay na'ta, ligi lopna ma ŋray hiɗi hamda,

MATEWUS 3:9

vargi hay dikgi ala bugiya mi Abraham, vargi naɗi, kay nan fi digi ala, Lawna as yaw kuɗ goorhoyon lakŋi kay muɗum goy guro'o mi Abraham.

LUKAS 13:25

Hay li ma bum-ziyn fokawa kulo'o, hay li ma nam duk vun-ziynawa kaw, nigi ma lak goy jiya, nigi ma dab vun-ziyna, nigi ma di ala: Bum-Sumuna, malaŋ vun-ziyn goy kuma'a malge! Nam ma hotgi dit ala: Liyn ma nigi may hay pana nan wumɗi.

LUKAS 13:26

Hay na'ta nigi ma tun caw di ala: Numa'a ay ti'e ci'e vok iraŋu, naŋ hat hay hagana vuma'a.

LUKAS 14:9

a sa ma yigi ma' petna co daŋ ala: Hinaŋ liyn goyo, nala zulot ma vaŋu hay li ma naŋ tuɗ mus goy hay liy ma bugolla.

LUKAS 19:40

May nam hotsi dita: La nisi ziŋa kaw, hiɗiyna ma siwela.

LUKAS 19:9

Yesu dumu: Vaydi su'da maawa kay ziyna tani, kay san zawni kaw mi goora vi Abraham.

LUKAS 5:21

Sa wi-ɗota hiɗi sa Farisena tun caw vara, di kaw ala: Sa ma di yoboy ma ŋulda zawni nam gige? Sa ma as vul gida kay sulukŋa mi Lawna kep ɗisu?

YOHANA 8:33

Nisi hotom dita: Numa kayni si jafna vi Abraham, numa may li gorvo vok saɗi; nala naŋ di ala numa ma fi butta-goyta kayn ir nanige?

YOHANA 8:39

Nisi hotom dita: Buma'a kayni mi Abraham, Yesu disiya: la nigi si gurona vi Abraham, ligi lopna vi Abraham.

LOPNA 26:20

bugolda tam sa Yerusalemna, hay nagata vi Yudiya noŋ kaf, bugolda lo tam sa waana, nan kus yoboyna vi hamda hiɗi mu'da ma tam Lawna, hiɗi lita vi lopna ma nagay kay hamda.

ROMENA 4:16

Kay na'ta nam fa' kuɗ vida, kay nam fa' ki slugota nala, kay dita-ŋaɓayta sumun kaf ma fa'a, tam sa kuɗ vun-ma-gatna ɦawaɗi, may tam nisi kaf sa ka hay vida vi Abraham ma buy nay kafna.

ROMENA 9:7

kay nisi hay jafna vi Abraham, nisi may gurona valamu kuɗ na'ta kafɗi kaw; may dit di ala: Hay Isaak sem jafna vaŋu ma yi'e.

FILIPINA 1:11

hobay hiɗi vuɗna vi ɗigerta ma may tam Yesu Kristu, gajijita hiɗi suburta vi Lawna kaw.