LUKAS 3:13 - BIBALDA TA PELDETTA

¹³ Nam disiya: Nigi ma yaw slen goy suw ma digi kalamnaɗi.

LUKAS 3:13 Iomraidhean Croise

NULLA 18:23

Kay vun-ma-gatna valamu kaf ay vok iranu, yoboy ma gatta valam kaf nan rawam goyɗi.

LAW MA NIR-NIRAMNA 28:13

Sa ma ŋay sulukŋa valamu as wul vokɗi, may nam ma ham sulukŋa valam goyo, noyom goyo kaw, nam ma fi slugota.

MIKKA 6:8

Naŋ sana, Lawn daŋ goy jew ɓa kay va ma ŋaana, Ma-Vatɗina min job taŋ kayn ala, Naŋ ma lum mi law ma ɗigera, ala naŋ ma li kuɗ gatta gasita, ala naŋ ma hot yaŋ kuɗ Lawna vaŋu.

MATEWUS 7:12

Kay na'ta slen pet ma nigi min ala sumun ma lum tigiya na, nigi ma lum tisi nala kaw, kay kayni mi va ma vun-ma-gatna hiɗi sa jobta-Lawna dumna.

LUKAS 19:8

May Sakewus col vok Bum-Sumuna, nam dumu: Humaŋu Bum-Sumuna, gal farayna vanu nan vulum mi sa hawna, la nan yaw gurjut kay sa hiɗi dono'o, nan hot wurakamti sem fiɗi suwa.

LUKAS 3:12

Sum sa tar vun-lumuna kaw ma'a kay fi baptisma, nisi dumu: Bum-yalla, numa'a ma li linige

LUKAS 3:14

Sojen kaw jobom ala: Numa hayɗin ma li linige? Nam disiya: Nigi ma yaw slen kay sumun hiɗi donoɗi, yawam hiɗi ɗutɗi kaw, pigi law kay sa hiɗi ŋireɗi, may gargit mi wurakŋa vigiya.

1 KORINTENA 6:10

sa kus yoboy ma liwisna, sa bur hiɗi nuroysi jufayna, sa kulla, sa niŋa slena vi nagata, sa ɦoy kuɗ dolayna, sa di joo kay sumuna, sa coŋcoloŋŋa, nisi kaf fi yaw vocota hay mulda-Lawnɗi.

EFESENA 4:28

Sa ma kul jewe, nam ma kul loɗi, may ŋaat kayni nam ma li lop hiɗi ɓalam ŋaa'a, kay nam ma fi va'a kay vul mi sa ma va valam mayɗina.

HEBRENA 12:1

Kay na'ta nay kaw hay li ma nay wi ɗugulla vi sa di-goyna ŋolo ŋuyi taya, hinay sle ma nekŋa hiɗi sulukŋa ma gaɓi tay donona goyo, jaŋay hiɗi kursuliya tam dabta ta tuni vokaya,