LUKAS 3:11 - BIBALDA TA PELDETTA

¹¹ Nam hotsi dita: Sa ma sligar-tuwn ka kalam ma'na, nam ma ɓurawam goy tam sa ma falam mayɗina, sa ma tina valam ka'a, nam ma li nala kaw.

LUKAS 3:11 Iomraidhean Croise

EZEKIYEL 18:7

ma li yam saɗi, va ma nam deŋem kay sana nam hotom goyo, nam kulɗi, nam vul tin mi sa ma mayt ka lumu, nam cuk sligar tam sa ma goy nala'a,

DANIEL 4:27

Mulla sli ditiya di'e: Tan kayni mi Babilon ma ŋolla ma nan inimu kay tun ziyn ma mulda haya, nan inimu hiɗi gaŋeraŋa vi donota vanu, kay suburta vi gajijita vanu ɗisu?

MATEWUS 25:40

Mulla ma hotsi dita ala: Nan digi gasita, hay li ma nigi li va tam kep jar sa ɓosiyon sa gurayn lakŋi, va namna nigi lum kayn tan nanu.

LUKAS 11:41

May vulgit ti vulda minda ta may goy haygi kalaf pata, nala slen pet ma muɗ goy bay-gese kigiya.

LUKAS 18:22

Hay li ma Yesu hum kayni, nam dumu: Va mara hini kep bay li kaŋ tuwa: Tuɗaŋu, gusaŋ slena vaŋ goy kafe, ɓurawam goy mi sa hawna, naŋ ma fi farayna hay wuralawna, naŋaya tapaŋ kuɗanu.

LUKAS 19:8

May Sakewus col vok Bum-Sumuna, nam dumu: Humaŋu Bum-Sumuna, gal farayna vanu nan vulum mi sa hawna, la nan yaw gurjut kay sa hiɗi dono'o, nan hot wurakamti sem fiɗi suwa.

YOHANA 13:29

Kay ki birimna ka hay ɓam Yudas, segena var ala Yesu ka dum kayn ala: Gusaŋ slen ma nay min lum hay yuldetna, lebo, vulaŋ va goy mi sa hawna neeɗa.

LOPNA 10:2

Nam mi sa sa ma ŋaa'a ŋolo ma li nar kuɗ Lawna hiɗi ziyna valam kaf. Nam vul slen ŋolo mi sumuna, siɗaw Lawna dok-dok kaw.

LOPNA 10:31

Korneliyus, siɗawta vaŋu Lawna huma'awa, humam gumawa kay vulda vaŋu kaw.

LOPNA 10:4

Nam cuk iram kalamu, may hobay hiɗi narta, nam ka dum ala: Mayɗin mige, Bum-Sumuna? Sunda-wuralawna di talam ala: siɗawta vaŋu, vulda vaŋu coowa kulo vok Lawna, kay humam ka gum kalamu.

EFESENA 4:28

Sa ma kul jewe, nam ma kul loɗi, may ŋaat kayni nam ma li lop hiɗi ɓalam ŋaa'a, kay nam ma fi va'a kay vul mi sa ma va valam mayɗina.

1 TIMOTEWUS 6:17

Naŋ ma di tam nisi sa ka hiɗi farayna hay zaman ma vaydina, kay nisi ma subur tuwsi ŋolɗi, a nisi ma tun vida visi kay faray ma ba goynɗi kaw. May nisi ma tun vida visi hay Lawna ma vulay slen kaf ŋolo, hayay ma sleɗa kaw.

1 TIMOTEWUS 6:18

Nisi ma la' ti ŋaata a nisi ma fi farayna hiɗi lop ma ŋaana, a nisi ma vul slen mi sumuna, a haysi ma li haɓi kaw,

HEBRENA 6:10

Kay Lawna may bay ɗigertaɗi; lopna vigiya, minda vigiya ta nigi ɗeka' goy kay semda valam hay lopna ma nigi lumu, ma nigi ka lum lo tam sa peldetna kaw, yalam as jok kaynɗi.

YAKUB 1:27

Vida gasita bay gese vok Lawna Bumna kayn ala: Sar guro sa kuyuna hiɗi boy sa duhulla hay lasta visiya, ŋom tuwaŋu kay liwisna vi nagata kaw.

YAKUB 2:14

Ɓosiyonna, la san di ala vida valam ka'a, may lopna mayɗi kayn ŋaat arige? Vida fi suɗum goy su?

1 YOHANA 3:17

La san ka hiɗi slen hay ɓalamu, la nam wi ɓasulumna hay kiɗata, may duk dikam talamu ni, ti-kamda vi Lawna fi mus hayam ir nanige?

1 YOHANA 4:20

La san di ala nam min Lawna, may nam ka gawt tam ɓasulumna ni, nam mi sa ma sinda, kay la san min ɓasulum ma nam wumnaɗi, nam as min Lawna ma nam bay wumnaɗi.