LUKAS 24:44 - BIBALDA TA PELDETTA

⁴⁴ Bugolda nam di tisiya: Kayni mi sle ma nan dum tigiya hay li ma nan ays hiɗi nigi tuwa; la nanige kaw sle ma ɗoy kanu hay gatta vi Musus, hay ɗerwelda vi sa jobta-Lawna hiɗi ɗerwelda Nulla kaw vunam ma hob goyo.

LUKAS 24:44 Iomraidhean Croise

ZAKARIYA 12:10

Hay na'ta nan ma gi ŋusta van ta slugota hiɗi ta giɗel-della goy hay ziyna vi David, hiɗi sum sa hay Yerusalem kafe. Nala nisi ma cuk irsi kalamu, kir nam ma nisi jikimna. Nisi ma tiy kalamu, ki san tiy kay goora valam ma kalam tuɗoŋ kepna nala, nisi ma tiy dono ŋolo, ki san tiy kay goora valam ma vuɗi jewn nala.

ZAKARIYA 9:9

Firiyagu, siwelag kulo ŋolo goota vi Siyon, gag nul ma firina, nak goota vi Yerusalem, kay ɗuwagu, mulla vag ka tuɗi katagu, nam sa ma ɗigere, namu mi mul kolda kaw, nam ŋal ŋolo, musi kay kurota, musi kay kuro ma goora, goora vi kuro tan-cata.

LOPNA 13:33

Lawna hobom vunamawa kulo kaya, kay nay gurona, hay li ma nam day Yesu kulo'o, ki ɗoy hay Nulla ma' nala: Naŋu mi goora vanu, nan vuɗaŋawa vaydi.

LUKAS 9:22

Nam hot disi lo ala la linigekaw goora vi sana ma las ŋolo, sa maariyana hiɗi muliyan ŋulo ɗifinna hiɗi sa wi-ɗota ma noyom goyo. Sumun ma cum goyo, may hay buur ta ɦidita, nam ma day kulo'o.

ESAYA 7:14

Kuɗ kayni Ma-Vatɗina kay tuwamu ma vulgi ɗekka, ɗuwgiya goot-cata ma sli haya, na' ma vuɗ goor kepe, ma tunum semda valam ala Emmanuel.

WID-ŊAYAYTA 19:10

Nan her gaa vok sunda-wuralawna kay girifimu, may nam danu: Tel tuwaŋu kay li van kayni. Nanu mi niraŋ ma lopna, nanu mi nir ɓosiyoŋŋa sa li di-goyt kay Yesuna kaw. Girifaŋgin mi Lawna. Kay di-goyta kay Yesu kayni mi Ŋusta vi dita vi vun jobta-Lawna.

HEBRENA 10:1

Kay gatta kayn mi ŋus sle ma ŋaana ma min ma'a, na' may ti ŋrata gasita vi slen ma gasinaɗi, kay na'ta hiɗi ɗifinna ma nisi lum dok-dokŋa hay busata busata, na' as ɦur sa kulo tam Lawna goy pasiyak noŋɗi.

YOHANA 5:46

La nigi vaawa hay Musus, nigi ma vi hayanu kaw, kay nam ɗo kayn kan nanu.

ZAKARIYA 6:12

Naŋ ma di talamu: Humaŋ va ma Ma-Vatɗina vi vok-ma-duura di'e: Sa ka kepe semda valamu vun-jafna, jaf namna ma day kulo'o, nam ma in Tempella vi Ma-Vatɗin kulo'o.

ESAYA 9:6

Muɗ mulda valam ŋolo, vul sle'ta ta ya' dabɗita mi zlamda-mulda vi David, hiɗi mulda valamu, muɗa' dono'o, gut kuɗa'a kaw hiɗi ɗigerta hiɗi gasita kaw, tun caw vaydi pa ta-ta hay vatɗita; kayni mi va ma Ma-Vatɗina ma li'e hiɗi ciwerta valamu.

ESAYA 28:16

Kuɗ kayni, Bum-Sumuna ma-Vatɗina di'e: Fay tuwayawa! Sem Siyon ma gaana nan tunumawa hiɗi hiɗiyna, hiɗiy ma waki-wakŋa, hiɗiy ma gef-ziyna ma tuni gaa ɗeŋe; sa ma deŋ tuwamawa tam hiɗiy namna ma pir jaŋ koloyɗi.

NULLA 118:22

Hiɗiyna ma sum sa in ziyna noyom goyna, nam muɗi goy hiɗiy ma ŋolla vi gef-ziyna.

ZAKARIYA 13:7

Kew-gaferaŋa, fokaŋ kulo'o, calaŋ sa ma ŋomda hiɗi sa ma nan tapam kuɗanna, Din mi Ma-Vatɗina vi vok-ma-duura. Calaŋ sa ma ŋomda, hin fok-dimin mer goyo, nan ma muɗ iran kir nam ma maŋayna.

HOSEYA 3:5

Bugol kayni, gurona vi Israyel ma hotiya; nisi ma hot gar Ma-Vatɗina Lawna visiya, nisi ma gar David mulla visi lay, nisi ma li firi ŋolo hay li ma irsi ma wi Ma-Vatɗina, hiɗi ŋaata valam ta nam la'ata, ta-ta hay liyn ma vokŋ ɗaw.

EZEKIYEL 34:23

Nan ma tun sa ma ŋomda van kep kisiya, nam ma ŋomsiya, mi sa ma sunda vanu David, nam ma ŋomsiya, nam ma lin mi sa ma ŋomda visiya.

ESAYA 52:13

Sa ma sunda van zawni, nam ma li dono'o, nam ma jik kulo'o, nam ma wul kulo'o, nam ma tun kulo ŋolo.

CAWA'TA TUNITA 22:18

Kuɗ jafna vaŋu, sum sa gaa hay nagat noŋ kaf ma fi bolda, kay mige naŋ human vunanu.

HEBRENA 9:8

Hay kayni Ŋusta-Peldetta ɗek goy ala: Hagata ta kal hay liyna ma suwi-peldetna bay mal tuwa, hay li ma tabernaklena ma jewna ay zaw tuwa.

YOHANA 5:39

Nigi ka fek ɗota, kay nigi var ala nigi ma fi irita ta vatɗita haya'a: Na' kayni ta ka di goy kanta.

ZAKARIYA 14:4

Hay buur namna ɗawni selem ma cuk gaa kay hiɗiyta vi Olive, ta ka ɗiger vok Yerusalem hay gal ma kuɗuwna; hiɗiyt-Olive ma mun gaa ja ɗiger, gal ma kuɗuwn valamu, gal ma vulatina valamu, zul ŋolla ma jugo' gaa waya'a. Galla vi hiɗiyn ma jaŋ hay gal gaa'a, galla valam hena ma jaŋ hay gal ma kayamna.

DANIEL 7:13

Hay li ma van vul tuwam kiranu hay henjeta, nan wi san kepe ŋray hiɗi goora vi sana, nam co'o kay ɗugulla ma wuralawna pa nam co tam ma jewna vi buura, nisi maram vok iramu.

DANIEL 2:44

Hay liyna vi muliyan nisina, Lawn ma wuralawna ma day yam mul tara kulo kepe, mul na'ta ma ɓulak goy noŋɗi, mulda na'ta jaf-sum sara ma kol ka'ɗi, mul hen lakŋi na' ma gurum goyo, tom goy kafe, mul na'ta ma mus ta-ta hay vatɗita.

EZEKIYEL 17:22

Ki kayn nala Bum-Sumuna Ma-Vatɗina di'e: Nan ma ka sin gu-gamna ma goɗayna, ma kulo sin tiwe tiwena, nan ma pum gaa; nan ma kam ɓalam ma goɗayna mara kep, nan kay tuwanu ma pum kulo kay hiɗiyta ta kulo gine ŋolo.

YEREMIYAS 23:5

Humgiya, buura ka ma'a, mi buura ma nan ma fok jaf ma ɗigera kulo hay jafna vi David; nam ma ti mulda, ma muɗ ŋol kaw, nam ma li ɗigerta hiɗi gasita hay nagata.

ŊAƁTA 35:25

Tokŋa ma but sa ma ci matna goy hay ɓam sa ma job yam busuwna, hotom hay hoyok-ziyna ma nam pir kay ŋay hayna. Nam ma mus ɗawni ta-ta cub mitta vi mul ŋol ma-ɗifinna ma mul ma peldetna ka hoki kalamna.

ŊAƁTA 21:8

Ma-Vatɗina di tam Musus: Naŋ ma kot guy ma sinawna, naŋ ma gaɓam kulo tam guna; la sa calay kay guyn kaw, hay li ma nam ɗuwawa kulo talamu, nam ma mitɗi.

CAWA'TA TUNITA 3:15

Nan min tun gawt jaraŋ hiɗi na'a, jar jafna vaŋu hiɗi jafna vi cata. Jafna va'a nam ma munaŋ yaŋ goyo, naŋ ma calam dubukamu may.

YOHANA 3:14

Ki Musus gaɓ guyn kulo hay fulda nala, kay na'ta la linigekaw goora vi sana ma gaɓis kulo kay gu-ma-grakŋa.

LUKAS 24:46

Nam di tisiya: Ɗot di ala Kristu ma ci lasta, hay buurta ɦidita nam ma day kulo'o hay mitta pa.

YEREMIYAS 33:14

Ma-Vatɗin di'e: Buur ka tuɗay ɗaw, mi buura ma nan ma hob vun yoboy ma ŋaana ma nan dum kay jafna vi Israyel hiɗi jafna vi Yuda.

CAWA'TA TUNITA 49:10

Zugulda-mulda jara' as ja goy hiɗi Yuda loɗi, zugulda-mulda ka jakay gaa selem dok-doko, ta-ta hay li ma nam ma yum «Silo» ma co'o, ta-ta sumun ma hum gaa kuɗumu.

CAWA'TA TUNITA 14:18

Melkisedek, mul ma hay Salem, maram funa hiɗi vin ma cina. Melkisedek ay mi mul-ma-ɗifinna vi Lawn ma Kulo-Jamna.

HEBRENA 7:1

Melkisedek namna ay mi mulla vi Salem, mul-ma-ɗifinna vi Lawna ma Kulo-Jamna, nam tuɗ ŋaf ir Abraham, hay li ma nam hotaya bugol nam kol kay muliyan kolla, nam gum bolo;

HEBRENA 3:5

Musus li sunda hay gajijita hay ziyda vi Lawna kaf, kay li di-goyta kay slen ma min diys goy bugolda.

LOPNA 7:37

Kayni mi Musus namna ma di tam gurona vi Israyel ala: Lawna ma fok sa ma jobta-Lawna ki nan nala kulo jargi pa.

LUKAS 22:37

Kay nan digiya: Slen ma ɗoy kanu vunam ma hoba, slen ma ɗoy ala: Nisi ŋaɓam jar sa jiw-zlata. sle ma ɗoy kanu yalam gijay goboyo.

LUKAS 21:22

Kay kayni mi buura vi wurakŋa, kay sle ma ɗoy petna vunam ma hoba.

LUKAS 9:44

May nigiya, jakgi humgi ŋaa'a tam yoboyn namna kayni: Goora vi sana ma vulis goyo hay ɓam sumuna.

MATEWUS 26:56

May slen kayni pet li'e kay ɗota vi sa jobta-Lawna vuna' ma hoba. Hay na'ta sa hatayn kaf hinimu, piriya.

MATEWUS 26:54

La ɗot di ala van kayni ma li'e, vuna' ma hob ɗawn nala ɗisu?

MATEWUS 16:21

Hay na'ti pa, Yesu tun caw di goy tam sa hatayna valam ala, nam ma tuɗ hay Yerusalem, sa maariyana hiɗi muliyan-sa-ɗifinna hiɗi sa wi-ɗota ma lasam ŋolo, cum goyo kaw, may hay buurta ɦidita nam ma day kulo'o.

AMOS 9:11

Hay buur namna ɗawni, sum sa hay ziyna vi David sa puk gaana nan ma yawsi kulo'o, nan ma kot jar ziy ma muni goyna, liyn ma ɦoy gaana nan ma kotom kulo'o, nan ma kot ziyna ki nam ay jew nala.

1 PETER 1:11

Nisi gar hiɗi diksi kaf kay fek caw buura hiɗi liyna, ma Ŋusta vi Kristu ta ay haysiya ɗeksi goy kalam jewe, liyn ma na' ɗeksi ala Kristu ma ci lasta, bugolda nam ma fi gajijita kaw.

LOPNA 3:18

May slen ma Lawna di goy jewe hay vun sa jobta-Lawna kaf, slen ma ala Kristu ma fi lastana vunam hobawa kulo'o,

MARKUS 9:31

Kay nam ka hat sa hatayna valam ala: goora vi sana ma vulis goy hay ɓam sumuna, nisi ma cum goyo, may buur ɦidi bugol mitta nam ma day kulo'o.

MATEWUS 1:22

May slen kayni pet li'e kay sle ma Bum-Sumuna dum hiɗi vun sa jobta-Lawna vunam ma hob goyo, ala:

LOPNA 2:27

kay naŋ ma hin ciwta vanu hay liyna vi sa mitinɗi, naŋ ma hin ma peldetna vaŋu kay wi lo'da-goytaɗi kaw.

LOPNA 13:40

Kuɗ kayni ligi ŋali kay slen ma diy goy hay vun sa jobta-Lawna ma co kigiɗi: