LUKAS 21:8 - BIBALDA TA PELDETTA

⁸ Yesu disiya: Ligi ŋali, hin sa ɗutgi goyɗi. Kay sumun ŋolo ma ma'a hay semda vanu, nisi ma di ala: Nanu mi namu, lebo liyn coowa goboyo. May nigi ma tap kuɗsiɗi.

LUKAS 21:8 Iomraidhean Croise

YEREMIYAS 29:8

Kay Ma-Vatɗina vi vok-ma-duura Lawna vi Israyel ka di ala: Nigi ma hin tuwgi ɗut goyo kuɗ sum sa jobta vigi sa ka jarginɗi, kuɗ sa gireyta vigiɗi, sa di duwayta vigiya sa nigi zutsi hay duwayta nigi ma humsiɗi kaw.

MATEWUS 24:11

Sa jobta-Lawna sa bay-gasina ŋolo ma yaw kulo'o, ɗut sumun goy ŋolo kaw.

MATEWUS 3:2

Nam di'e: Hamgiya, kay mulda-wuralawna maawa goboyo.

MATEWUS 4:17

Hay na'ta pa Yesu tun caw kus yoboyn ala: Hamgiya, kay mulda-wuralawna maawa goboyo.

LUKAS 17:23

Nisi ma di tigi ala: Nam ka tani lebo nam ka ɗawni. Tuɗgi hay liy namnaɗi, jaŋgi hay liy namnaɗi.

LUKAS 21:7

Nisi jobomu: Bum-yalla, slen kayni ma li lancitige? Hay li ma slen kayni hebawa goboyo, va ma ɗek goy kalamna mi mige?

LUKAS 21:9

Hay li ma nigi hum labarawa kay duura hiɗi ɦilayta-kulota, ligi narɗi. Kay la linigekaw, slen kayni ma li goy jewe, may dabaŋ-gu'ta ma co kuɗum deɗi.

YOHANA 5:43

Nan maawa hay semda vi bunu, nigi may vanɗi; may la sa mara'a ma hay semda valam kay tuwamu, nigi ma vi kuɗumu!

YOHANA 8:24

Kuɗ na'ta nan digi ala nigi ma mit hay sulukŋa vigiya, la nigi bay vi ala nan mi nanu, nigi ma mit hay sulukŋa vigiya.

YOHANA 8:28

Yesu disiya: Hay li ma nigi gaɓ goora vi sanawa kulo'ona, hay na'ta nigi ma wi ala nan mi nanu, nan may li va kay tuwan ma ɗeŋɗi, may nan dum mi va ma Bumna hatanay a di'e.

1 KORINTENA 6:9

Sa bay-ɗigera as yaw vocota hay mulda-Lawnɗi, nigi bay wi nala su? Ɗutgi tuwgi goyɗi: sa zlata-bulona, sa vi kuɗ lawayn waana, sa hin cata valamu gar tara'a,

EFESENA 5:6

Hin sa ɗutgi hiɗi yoboyn ma waa ɦawaɗi, kay slen ma ki kayn nala mar ɦiyda vi Lawna kay gurona vi ŋel-gatta.

2 TESALONIKŊA 2:3

Hin sa ɗutgi goyo hiɗi yal mara noŋɗi; kay hotta-goyta tam lawayn ma waana ma ma jewe, sa ma liwisna ma ɗek tuwam goy haraŋi, goora vi ba-goyta.

2 TIMOTEWUS 3:13

May sum sa joona hiɗi sa ɗut sumuna ma tuɗ voksi dok-dok hay joota, hay li ma nisi ɗut sumuna, ɗut tuwsi nisi kaw.

1 YOHANA 4:1

Nigi sa hayan kigina, vigi kuɗ ŋusiyan kafɗi; may wakgi ŋusiyana, la nam may vi Lawna su, kay sa jobta-Lawna sa bay-gasina dusiyay goy kay nagata.

2 YOHANA 1:7

Wulini sum sa ɗut sumun goyna ŋolo dusiyawa goy kay nagata, nisi may vi ala Yesu ma hay nagata hay sliw-tuw sanaɗi. Nisi kayni si sa ɗut sumuna hiɗi anti-kristuwayna.

WID-ŊAYAYTA 1:3

Sle'ta ka kay nisi sa jaŋ ɗerwelda kayni, hiɗi nisi sa hum yoboyna vi vun-jobta, hiɗi nisi sa ŋom sle ma ɗoy haya'na kaw! Kay liyna coowa goboyo.

WID-ŊAYAYTA 12:9

Guyna namna ma ŋolla ma yum ala guy ma ɓa-ɓana, ma yum ala Matna hiɗi Satan kaw, namu ma ɗut sumun gaa hay nagat kafna, zutumay gaa kay nagata, sa sunda valamu zuti ay gaa hiɗi namu kaw.