LUKAS 21:6 - BIBALDA TA PELDETTA

⁶ Buura ma ma'a, hay buur namna ɗawni, hiɗiy ma nigi ɗuwum lakŋi, mara as hin kulo kay tuwam bay ɦo gaaɗi mayɗi.

LUKAS 21:6 Iomraidhean Croise

YEREMIYAS 26:18

Mikka ma Moresetna ka di vun-jobta hay liyna vi Ezekiyas mulla vi Yuda, nam di tam sumuna vi Yuda kaf ala: Ma-Vatɗina vi vok-ma-duura ka di ala: Siyon ma zumis goy kelɗe' ki sinen nala, Yerusalem ma muɗ goy goorhoyo'o, hiɗiyta ta ziyda hayta ma muɗ goy mi juru ma hiziki.

YEREMIYAS 26:6

nala nan ma ɓulak hoyok-ziyn tani goyo ki Silo nala, nan ma beɗ hoyok-ziyn tani goyo vok ir jaf-sumuna hay nagat kafe.

YEREMIYAS 26:9

Naŋ di vun-jobta hay sem Ma-Vatɗina ala: ziyd zawni ma muɗ ki Silo nala, hoyok-ziyn tani ma ɦo gaa'a, sa hin hayam loɗi, naŋ di nala kay mige? Sumun kaf ŋuy tam Yeremiyas cusl' kalaf hay ziyda vi Ma-Vatɗina.

TIYNA VI YEREMIYAS 4:1

He! Mige? Ora ba wileta valamawa goyo, or ma bay-rigasna ɓulakawa goyo. Hiɗiyna ma ini tam liy ma peldetna merawa goyo hay gef hagan kafe.

TIYNA VI YEREMIYAS 5:18

kayn kuɗ ta ala hiɗiyta vi Siyon vurumiya, kayn kuɗ ta ala cekemna ka poy haya.

MIKKA 3:12

Ki kayn nala kuɗgi nigiya, Siyon ma zumis goyo ki sinen nala. Yerusalem ma muɗ goy goorhoyo'o, jurun ma si kulo'o kat hiɗiy ma tam Tempella.

ZAKARIYA 11:1

Mal vun-ziyna vag goyo Libaŋ, hin kut ŋal gu-gamna ma hay nagata vagu.

ZAKARIYA 14:2

Nan ma tok jaf-sumun kaf, kay nisi tuɗ mok Yerusalem. Sumun ma sli hoyok-ziyna, nisi ma vurum sle ma hay ziyn kafe, nisi ma bur hiɗi boyn dono'o; galla vi sum sa kulo hay Yerusalemna ma tuɗ goy gorvo'o, may dir sum sa hin kulo hay hoyok-ziyna ma vat goy kafɗi.

MATEWUS 24:2

May nam hot dita disiya: Slen kayni kaf nigi ka wum su? Nan digi gasita, hiɗiy ma jakay kulo kay tuwamu ma as ɦo gaaɗin may tanɗi.

MARKUS 13:2

Yesu hotom dita: Ziy ŋulon lakŋ naŋ ka wum su? Hiɗiy mara'a ma jakay kulo kay niramu ma as ɦo gaaɗin may tanɗi.

LUKAS 21:7

Nisi jobomu: Bum-yalla, slen kayni ma li lancitige? Hay li ma slen kayni hebawa goboyo, va ma ɗek goy kalamna mi mige?