LUKAS 20:10 - BIBALDA TA PELDETTA

¹⁰ Hay li ma liyn coowa, nam gi sa ma sunda kat sa zumna, kay nisi ma vulum vuɗna vi gulda-guldana. Sum sa ŋom sinen watamu, gum iram hiɗi ɓalam ɦawa kiɗaŋ-kiɗaŋ'.

LUKAS 20:10 Iomraidhean Croise

1 MULIYANA 22:24

Ki kayn nala Sedekiyas goora vi Kenaana co goboy tam Mikka, nam ci Mikka kulo geliyem til' ka dum ala: Ŋusta vi Ma-Vatɗina kalay goy hayan pa kay law hiɗi naŋ kayni gal arige?

2 MULIYANA 17:13

Ma-Vatɗina di goy jewe tam sa Israyella hiɗi sa fi Yudana hay vun sa jobta hiɗi sa wi voksina kaf ala: Hotgiyay bugolgiya tam hagata vigi ta joota pa, ligi kuɗ gatta hiɗi dita vanu, tapgi hiɗi dikgi kaf kuɗ gatta ta nan joka'ay hay ɓam sa jobta kay vula' tam sumaygiya.

1 LABAR-MA-LIYNA 19:4

Ki kayn nala Hanun yaw sa sunda vi David, nam welsi jiwersi goyo, sligar ma tisin nam kaam goy guɓuriya ta-ta kulo cifinsi zaw, bugolda nam gisi irsiya.

2 LABAR-MA-LIYNA 16:10

Asa dikam ɓulak kat sa ma wi vokomna, nam gum daŋgaya, kay nam muɗ ɦiy katamu kuɗ lawta kayni. Hay na'ta kayni, Asa curoɗ sum segen kaw.

NEHEMIYA 9:26

Nir na'ta kep nisi ŋel gatta, yaway kulo kataŋu, nisi muɗ ŋorsi kat gatta vaŋu, sa jobta vaŋu sa ka gatsi kay hotay taŋu nisi cisi goyo, nisi ŋulaŋ ŋolo.

NEHEMIYA 9:30

Naŋ ziysiyawa ir busat ŋolo, naŋ gatsiyawa hiɗi ŋusta vaŋu kaw, hiɗi della vi sa jobta vaŋu, may nisi min jak humsiɗi. Ki kayn nala naŋ vulsiyawa goy hay ɓam sum sa pulla.

NULLA 1:3

Nam ŋray ca hiɗi gu ma piy kel niy-ma-riŋŋa, ma vuɗ vuɗna valamu hay liyamu, ma humam may so goyɗi, slen pet ma nam lumna halalda ka kuɗumu.

YEREMIYAS 2:30

Gurona vigi nan watsi kayni, mi mak tuw ɦawa; nisi min hum gatta noŋɗi; kew-gaferaŋa vigiya wat sa jobta vigiya, ki zlona ma ɓulak slena nala.

YEREMIYAS 20:2

Paskur ci Yeremiyas ma jobta til', nam gum daŋgaya hay ziyda vi Ma-Vatɗina, hay vun-gala ma ŋolla vi Benyamin.

YEREMIYAS 35:15

Sa sunda vanu sa jobta nan cuksi ay katgi kaf, nan cuksi ay katgi hay graw culumta pa, kay di tigi ala: Hotgiyay bugolgi tam hagata joota vigi pa, muɗgi zlana vigiya, tuɗgi kuɗ lawayn mara'a kay sumunɗi, nala nigi ma lak hay nagata ta nan vula' migi nigiya hiɗi sumaygiya, may nigi min tun humgi noŋɗi, nigi min hum kuɗan noŋɗi kaw.

YEREMIYAS 5:24

Kay di ala: Lay nar kuɗ Ma-Vatɗina, Lawna vaya, ma vul niyna hay liyna valamu, ma vul niy ma si jewna hiɗi niy ma si bugolla, ma vul buura vi lumuna ma li feɗn hayna, nigi may di hay diksi naɗi.

LUKAS 13:34

Nigi Yerusalemna! Nigi Yerusalemna! Nigi ci sa jobta-Lawna goyo, sum sa cuki tigina nigi gisi hiɗi goorhoyona kaw. Dok-dok nan min tok sum sa hay Yerusalemna ki slekka tok gurona va' gaa kuɗ gilaŋata' nala, may nigi minɗi.

LUKAS 20:11

Nam gi sa ma sunda mara'a lo; nisi watamu, ŋulumu, gum iram hiɗi ɓalam ɦawa kiɗaŋ-kiɗaŋ' kaw.

LUKAS 20:9

Law ma nir-niramna kayni nam dum tam sumuna: San kep pi gulda-guldan gaa sine'e. Nam deŋem goy mi sa zumna, kal hay liy mara'a kay musay ɗawn ŋolo.

YOHANA 15:16

Nigi may vilekan nan goyɗi, may nanu, nan vilekgi goyo, tungiyawa kaw, kay nigi ma tuɗ goyo, kay nigi ma vuɗ vuɗ-guna, kay vuɗna vigiya ma mus ta-ta, a va mige kaw ma nigi jobom tam Bumna hay semda vanu, nam ma vulgita.

ROMENA 7:4

Kay na'ta ɓosiyonna, nala nigi kaw miti tam vun-ma-gatna hay tuwna vi Kristu, kay nigi ma muɗ goy vi sa mara'a, kay muɗ goy vi nam ma dayay kulo'o hay mitta pa, kay nigi ma li sle ma ŋaana vok Lawna.