LUKAS 2:25 - BIBALDA TA PELDETTA

²⁵ Hay na'ta sa mara ay hay Yerusalem kep yum Simeyon, san kayni ɗigere, nam viy kuɗ Lawna kaw; nam ay cub teŋ-irta vi Israyel, Ŋusta-Peldetta ay kalamu.

LUKAS 2:25 Iomraidhean Croise

CAWA'TA TUNITA 6:9

Tani mi labara kay jafna vi Nuwa. Sum sa ay hay liy namna kaf Nuwa jarsi ɗigere, nam may min jootɗi. Nam poy kuɗ tuwsi hiɗi Lawna.

JOB 1:1

San kep ay hay nagata vi Us, yum ala Job. Namu mi sa ma gasiya, ɗigere kaw; nam li nar kuɗ Lawna, tun ɓalam tam jootɗi kaw.

JOB 1:8

Ma-Vatɗina di tam Satan: Naŋ wi Job sa ma sunda vanawa su? Sa ma ki nam nala may kay nagatɗi, kay namu mi sa ma gasiya, ɗigere kaw, kay nam li nar kuɗ Lawna, tun ɓalam tam jootɗi kaw.

ESAYA 25:9

Hay buur namna ɗawni nisi ma di ala: Lawna vuma zawni, numa tun vida vuma kalamu; suɗma goyo mi namu; mi Ma-Vatɗina, namu mi ma numa ka cubum hiɗi sle'ta; lakay hay firita ŋolda, firiyaya kay su'da valamu!

ESAYA 40:1

Teŋgi ir sumuna vanu, teŋsi irsiya, din mi Lawna vigiya.

MIKKA 6:8

Naŋ sana, Lawn daŋ goy jew ɓa kay va ma ŋaana, Ma-Vatɗina min job taŋ kayn ala, Naŋ ma lum mi law ma ɗigera, ala naŋ ma li kuɗ gatta gasita, ala naŋ ma hot yaŋ kuɗ Lawna vaŋu.

ŊAƁTA 11:25

Ma-Vatɗin jik gaa jar ɗugulla, nam law hiɗi Musus; ŋusta ta ka kay Mususta nam yaw kuɗa'a, cuka' kay sa maariyan sa dok-siɗiyana. Hay li ma ŋusta cuk kisiya, nisi tun caw di goy kay slen ma voksina, may nisi may tuɗ hiɗi kayn ta-taɗi.

ŊAƁTA 11:29

Musus hot dumu: Naŋ hunay katan su? Lali sumuna vi Lawn kaf sa jobta jarsiya kayn may ŋaaɗi su? Ma-Vatɗin cuk ŋusta valam kisi kayn may ŋaaɗi su?

MARKUS 15:43

Yosef ma Arimatena, sa ma sumun tiyim selem ŋolo jar sa sa ɗiger-lawta, namu mi sa ma ka cub mulda-Lawna kaw, nam co'o. Nam tos iramu, kal kalaf tam Pilatus, jobom kay tuw Yesu.

LUKAS 1:41

Hay li ma Elisabet hum gi-deɓta vi Mariya kayni, goora geɗ haya'a. Elisabet hobay hiɗi Ŋusta-Peldetta,

LUKAS 1:6

Nisi ma' kafe ay ɗigere vok ir Lawna, vun-ma-gatna hiɗi dita vi Bum-Sumuna kaf nisi poy kuɗum ŋaa'a ŋolo.

LUKAS 1:67

May bulum Zakariya hobay hiɗi Ŋusta-Peldetta, nam di yoboyn kay sle ma vokomna ala:

LUKAS 2:38

Na' kaw co'o hay leer namna; na' subur Lawna, na' law goy kay Yesu tam nisi kaf sa ka cub butta-goyta vi Yerusalem.

LUKAS 23:51

ŋra-vunda hiɗi lop ma segen lum tam yesu kafna nam min kal tuwam hayɗi, namu mi sa ma hay Arimate, hoyok-ziyna vi sa Yudiyana, nam ka cub mulda vi Lawna.

LOPNA 10:2

Nam mi sa sa ma ŋaa'a ŋolo ma li nar kuɗ Lawna hiɗi ziyna valam kaf. Nam vul slen ŋolo mi sumuna, siɗaw Lawna dok-dok kaw.

LOPNA 10:22

Nisi hotom dit ala: Korneliyus mul ma sojen kalam kisna, sa ma ɗigera ma li nar kuɗ Lawna kaw, ma jaf-sum sa Yudiyan kaf li di-goyta kalam ŋaa'a, sunda-wuralawna ma peldetna vul tuwam kiramu kay nam ma naraŋis hay ziyna valamu kay hum yoboyna vaŋu.

LOPNA 2:5

May hay buur namna, Yudiyana sa viy kuɗ Lawna ay tokay hay Yerusalem, nisi may goy jar jaf-sumuna sa gaa kay nagat kuɗulu.

LOPNA 24:16

Kuɗ na'ta nan li dono'o kay poy hay tap-wida ta ŋaata vok Lawna, vok sumuna kaw.

GATTA-SEM-MA'TA 18:15

Ma-Vatɗina Lawna vigiya ma day yam sa ma jobta mara kulo jargi kep ki nan nala, nigi ma humgi kuɗumu!

2 PETER 1:21

Kay yoboyn jobta-Lawna diy goy kayn may kuɗ minda vi saɗi, may sumun di dita vi Lawn goy kayni, zutsi ti Ŋusta-Peldetta.