LUKAS 2:10 - BIBALDA TA PELDETTA

¹⁰ May sunda-wuralawna di tisiya: Ligi narɗi, kay humgiya, nan margi labara ma ŋaana, ma firita kuɗum ŋolo, ma li tam sumuna kafe:

LUKAS 2:10 Iomraidhean Croise

CAWA'TA TUNITA 12:3

Sum sa laŋ ŋaana, nan ma gisi bolo, Sum sa laŋ joona, nan ma beɗsi goyo. Jaf-sumun gaa hay nagat noŋ kaf fi ŋaat ɗawn kuɗaŋ naŋu.

ESAYA 40:9

Jikag kulo kay hiɗiyta fiyokka, Siyon, naku ta vul labara ma ŋaana, siwelag hiɗi delag kulo ŋolo, Yerusalem, naku ta vul labara ma ŋaana; siwelag kulo ŋolo bay li nari, dag tam hoyok-ziyna vi Yuda ala: Lawna vigi zawni!

ESAYA 41:27

Nam ma co jew voko hay Siyon di'e: Nisi lakŋi! Nisi lakŋi! Hay Yerusalem nan vul sa ma di labara ma ŋaana.

ESAYA 49:6

Nam di'e: Naŋ ma lin mi sa ma sunda van ɦawa'a kay sli jafna vi Yakub kulo'o tutaɗi, kay hot caw sumuna vi Israyel aya tutaɗi, may nan tunaŋawa kay naŋ ma lin mi haraŋa vi jaf-sumuna, kay su'da vanu ma ɗekis goyo ta-ta hay dabaŋ-gu'ta vi nagata.

ESAYA 52:10

Ma-Vatɗina ɗek glaŋam ma peldetnawa goyo, kir jaf-sumun kafe; sin-nagat kaf ma wi su'da vi Lawna vaya.

ESAYA 52:7

Nisi sa kus labara ma firina sesi ma tuɗ kulo kay hiɗiyna ka jifiy tige, nisi sa kus labara vi sle'ta. Sa di sunda vi labara ma ŋaana, sa di labara vi su'da! Nisi sa di tam Siyon ala: Lawna vagu ka ti mulda.

ESAYA 61:1

Ŋusta vi Bum-Sumuna, Ma-Vatɗina ka kanu, kay Ma-Vatɗina ɦok mulawa kanu. Nam ganawa kay tuɗ labar ma firina tam nisi sa vun hawta, kay cit milla vi nisi sa diksi goy muniya, kay kus labara vi butta-goyta tam sa yaway gorvona, kay kus labara vi butta-goyta tam sa daŋgayna.

DANIEL 10:19

Bugolda nam di tanu: Laŋ narɗi, sa ma hayan kaŋŋa. Toyta mus hiɗi naŋ musge. Vaŋ dikaŋu, vaŋ dikaŋu. Hay li ma nam ka law tanu, nan hot fi dono'o, nan di'e: Mulanna, daŋu kay naŋ lanawa dono'o.

ZAKARIYA 9:9

Firiyagu, siwelag kulo ŋolo goota vi Siyon, gag nul ma firina, nak goota vi Yerusalem, kay ɗuwagu, mulla vag ka tuɗi katagu, nam sa ma ɗigere, namu mi mul kolda kaw, nam ŋal ŋolo, musi kay kurota, musi kay kuro ma goora, goora vi kuro tan-cata.

MATEWUS 14:27

May gosoy na wit', Yesu ka di tisi ala: Vigi dikgiya, kilan mi nanu, ligi nar noŋɗi.

MATEWUS 28:18

May Yesu ma tisiya, kus yoboyn tisiya di'e: Gaŋeraŋa pet hay wuralawna, kay nagat kaw vulanti manu.

MATEWUS 28:5

May sunda-wuralawna sli ditiya di tam boyna: Ligi narɗi, nan wi ala nigi gar Yesu ma ɓalay kat gu-ma-grakŋa.

MARKUS 1:15

ka di ala: Liyn coowa, mulda-wuralawna maawa goboyo, hamgiya, vigi hay labara ma firina.

MARKUS 16:15

Bugol kayni nam disiya: Tuɗgi hay nagat kuɗulu, kusgi labara ma firina tam sum sa Lawn kotsin kaf.

LUKAS 1:13

May sunda-wuralawna dumu: laŋ narɗi Zakariya, kay Lawna hum siɗawta vaŋawa, cata vaŋu Elisabet ma vuɗaŋ gooro, naŋ ma yum semda valam ala Yohana.

LUKAS 1:19

Sunda-wuralawna hot dit talamu: Nanu mi Gabriel, nanu mi ma colay vok Lawna; nam ganiya kay law taŋu, kay vaŋ labar namna ma ŋaan kayni.

LUKAS 1:30

Sunda-wuralawna di ta'a: Lag narɗi Mariya, kay nak fi slugotawa vok ir Lawna.

LUKAS 2:11

Vaydi sa ma su'da vuɗawa tigiya hay hoyok-ziyna vi David, namu mi Kristu, Bum-Sumuna.

LUKAS 24:47

Yoboyn ma kusis goy tam jaf-sumun kaf hay semda valamu, kay hamda hiɗi gida vi sulukŋa, tun caw hay Yerusalem pa.

LUKAS 8:1

Bugol kayni, Yesu ka poy hay hoyok-ziy ŋulona ŋulona, hay hoyok-ziy gurayna kaw. Nam ka kus labara ma firina vi mulda vi Lawna.

LOPNA 13:32

Numa digi kay labara ma ŋaana ma deŋga li tam sumiyay kuɗumna kayni,

ROMENA 10:15

Nisi fi kus yoboyna bay sa cuksiya ir nanige? Ki ɗo'ay nala: Nisi sa mar labara ma firina sesi ka jifiy ŋolo.

EFESENA 3:8

Tan nanu, ma kiɗayna jar sa peldetna kaf, slugota kayni vuli tanu kay kus labara ma firina tam sa waana, kay sle ma ŋulona vi Kristu ma sa as fum cawamɗi,

KOLOSENA 1:23

La gasi nigi lak hay vida, segi ini gaa'a, piy gaa ɗeŋe kaw, kay nigi ma dol goy gine'e hiɗi cubta-sle'ta vi labara ma firina ma nigi humumnaɗi, labara ma firina ma kusi tam jaf-sumun kaf gaa kay nagata. Labara ma firina ma nan Paulus muɗi sa ma sunda valamna.