LUKAS 18:9 - BIBALDA TA PELDETTA

⁹ Nam di law ma nir-niramna kayni tam sara'a sa var kay tuwsi ala nisi si sa ɗigera may ɗuw segen birek-ceke.

LUKAS 18:9 Iomraidhean Croise

LAW MA NIR-NIRAMNA 30:12

Jaf mara ka'a ɗuw tuwam peldete, may bay por goyo kay liwista valamu.

ESAYA 65:5

Nisi sa di ala: Vigi tuwgi goyo, nigiyay tan goboyɗi, kay nan peldete vok irgiya kaf, kayni mi nukŋa ma hay cinan ɦawa, ti kuta ta ŋal hay buur kafta.

ESAYA 66:5

Humgi yoboyna vi Ma-Vatɗina, nigi sa tuwgi wirgi kuɗ yoboyna valamu. Kayni mi va ma ɓosiyogin dumna, nisi sa ka gaw kigiya, zutgi goyo kaw kuɗ semda vanu: Hin Ma-Vatɗina ɗek gajijita valam goyo, kay numa ma wi firita vigiya. May lak hay zulot ɗawn si nisiya.

SA LEVITNA 13:32

Mul-ma-ɗifinna ma sar milla hay buurta siɗiyata, la vulyuwn may mer goy kuɗ ɗuŋusamɗi, la ɗuŋus ma slaw ɦoyoŋ' mayɗi kaw, la milla jugoɗ gaa kuɗ sliwam zulɗi kaw,

LUKAS 10:29

May kay nam min muɗ tuwam goy ɗigere, nam di tam Yesu ala: Sugolonu mi gige?

LUKAS 15:2

Sa Farisena hiɗi sa wi-ɗota tun caw ŋurnaya, nisi di'e: san kayni tap hiɗi sa sulukŋa, ti fun hiɗi nisiya kaw.

LUKAS 16:15

Nam disiya: Nigiya, nigi li tuwgi ɗiger vok sumuna, may Lawn wi dikgiya, kay va ma kir sumun ŋaa ŋolla nam kir Lawn liwisi.

LUKAS 18:11

Sa ma Farisena col kulo'o, ka siɗaw hay dikam ala: Lawna, nan gaŋ deɓe, kay mige nan may ki sum segen naɗi: Sa coŋcoloŋŋa, sa bay-ɗigera, sa li zlata-bulona, sa ma tar vun-lumuna zawni kaw, nan may kisi nisi naɗi.

LUKAS 19:7

Hay li ma sumun wi kayni, nisi kaf ŋurnaya di'e: Nam kalay mus vo hay ziyna vi sa ma sulukŋa.

LUKAS 7:39

Hay li ma sa ma Farisen ma yumay vo valamna wi slen kayni, nam ka di tuwam ala: San damni la nam mi sa ma jobta-Lawna ni, nam ma wi cata jomta zawni, kay na' ti cat ta suluku.

YOHANA 8:48

Sa yudiyana hotom dita: Numa di kaŋ ala naŋ mi sa ma Samariyana, ful ka kaŋu kaw kayni hay liyamɗi su?

YOHANA 9:28

Nisi ŋulumu di'e: Sa ma hatayna valam kayni mi naŋu. Numa kayni si sa hatayna vi Musus.

YOHANA 9:34

Nisi hotom dita: Naŋ kay tuwaŋu vuɗi yuluk' hay sulukŋa, wulini muɗi hatma kayni mi naŋ yo ɗisu! Nisi gum goy jiya.

LOPNA 22:21

Nam di tan ala: Tuɗaŋu, kay nan min gaŋ goy gine'e tam sa waana.

ROMENA 10:3

Kay hay li ma nisi bay wi ɗigerta vi Lawna, nisi gar a kot ɗigerta kay tuwsiya, nisi min hin tuwsi hay ɓam ɗigerta vi Lawnɗi.

ROMENA 14:10

May naŋu, naŋ ka kitat kay ɓasuŋŋa kay mige? Naŋu lo, naŋ ɗuw ɓasuŋŋa birek-ceke kay mige? Kay nay kaf ma lak vok zlamda-kitata vi Lawna.

ROMENA 14:3

Sa ma ti'e nam ɗuw sa ma tiɗina birek-cekɗi, sa ma tiɗina ma ka kitat kay sa ma tinaɗi kaw, kay Lawna vumawa.

ROMENA 7:9

May nanu, nan ay giy jewe bay vun-ma-gatna, may hay li ma vun-ma-gatna coowa, sulukŋa hot zliy kulo'o, nanu nan mita may.